Vətən Sahibi
Nuray RəşidYazar:
Nuray Rəşid
Tahmini Okuma Süresi:
4 sa. 22 dk.
Sayfa Sayısı:
154
Basım Tarihi:
Mart 2022
Yayınevi:
Jeko Print
Ülke:
Azerbaycan
Dil:
Azerbaycanca
Format:
Karton kapak
Yorumlar ve İncelemeler
"Vətən Sahibi"
Dəyərli həmkarım, Nuray Rəşidin şəhid Sahib Məmmədova həsr etdiyi "Vətən Sahibi" kitabı haqqında danışmaq mənim üçün olduqca çətindir.
Kitabı oxuyarkən duyğulanmamaq, ağlamamaq əldə deyildi.
Kitaba heç cür tənqidi yanaşmaq mümkün deyil. Kitab gözlədiyimdən artıq idi mənim üçün. Çünki ilk başda Şəhidə aid olduğunu düşünəndə, məlumat xarakterli olacağını sanmışdım. Amma bu kitab çox duyğu dolu kitabdır.
Bu cür yazarlar çox olmalıdır. Bu cür əsərlər yazılmalıdır. O ailəni dinləyib yazmaq ürək tələb edir. Onun bütün dostlarını, qohumlarını, döyüş yoldaşlarını araşdırıb tapmaq, dinləmək çox böyük işdir.
Bir şeyi səmimi olaraq qeyd etmək istəyirəm ki, bir yazar olaraq öz həmkarıma qibtə etdim.
Çünki mənim də 44günlük müharibə zamanı ailəmdən itirdiyim şəhidim var. Amma dərininə enib yazmağa ürəyim yetmir. Çox ağırdır mənim üçün. 5ildir ağlımdadır amma hələ cəsarət edə bilmirəm. Ona görə də müəllifə alqış düşür. Onu bu təşəbbüsünə görə alqışlayıram. Əhsən. Qələminə, ürəyinə sağlıq deyirəm. Bu yolda uğurlar arzulayıram.
Şəhidin ailəsinə yaxınlarına Allahdan səbr diləyirəm. Allah cəmi şəhidlərimizə rəhmət etsin.
Bir ittifaqda olduğumuz dəyərli Nuray Rəşidlinin "Vətən Sahibi" kitabını müzakirə etdik və etiraf etməliyəm ki, bəzi kitablar sadəcə oxunmur, həm də yaşanır. Nuray xanım, bizə şəhidimiz Sahib Məmmədovun timsalında təkcə bir qəhrəmanı deyil, həm də sarsılmaz bir iradəni və böyük bir ata qəlbini tanıtdığı üçün yazıçıya minnətdaram. Kitabın hər səhifəsində vətənə olan sevginin ailəyə olan bağlılıqla necə vəhdət təşkil etdiyini gördüm; xüsusilə o yarımçıq qalan məktubun sızısı hələ də içimdədir. Bir yazmağı sevən olaraq deyə bilərəm ki, belə mənəvi yükü olan mövzuları bu qədər axıcı və səmimi qələmə almaq böyük istedad tələb edir. Bu əsər mənim üçün sadəcə bir xatirə kitabı deyil, həm də gələcəkdə qələm alacağım mövzularda mənəvi bir bələdçi oldu. Qəhrəmanlarımızı unutdurmadığınız və biz gənclərə belə dəyərli bir miras qoyduğunuz üçün çox sağ olun. Qələminiz həmişə bu cür işıqlı və təsirli olsun!
Kitab,ən xırda detalına qədər düşünülərək yazılmış,böyük bir əmək ilə ərsəyə gəlmişdir.Mövzusuna görə ağır olsa belə oxunaqlı,zaman-zaman xoş,zaman-zaman isə kədərli təəsüratlar yarada bilən bir kitabdır. Şəhid Sahib Məmmədovun həyat hekayəsi ətraflı şəkildə izah olunmuş,yaxınlarının onun haqqında olan fikirləri,kitabdakı bir neçə poeziya nümunələri ilə möhtəşəm əsərə çevrilmişdir.
Müəllifi yazmış olduğu əsərə görə təbrik edir,uğurlarının davamını arzu edirəm.Qələminiz var olsun!
Şəhid baş çavuş Sahib Məmmədov haqqında olan xatirələr toplusu. Oxuduqca insan anlayır ki, bəzi insanların həyatında mənfi qəhrəman elə həmin insanların taleləri olur. Xatirələrin səmimiliyi, danışanların Sahib haqqındakı düşüncələri sayəsində kitabı bir oturuşa oxudum.
Nuray Rəşid "Vətən Sahibi "
Dəyərli üzvlərimizdən biri olan Nuray Rəşidin qələmə aldığı şəhid qardaşımıza xitab edilmiş bu kitab, insanlığa çatdırılmalı olan xüsusi mesajlardan biridir. İlk öncə Nuray xanıma dərin minnətdarlığımı bildirirəm ki belə bir məsuliyyətin altına girməkdən qətiyyən çəkinməyib və elə bu yolda da daimi addımlar atıb . Kitabı oxuyarkən şəxslərin tapılıb bir-bir dinlənilməsinin əziyyətli iş olduğu bəlli olur,amma həqiqətən uğurlu iş olduğu üçün geridönüşləri görəndə düşünürəm ki fəxr,sevinc hissi müəlliifimizə dərin təşəkkürün bir hissəsidir. Sahib qardaş həqiqətən vətənə,ailəsinə adı kimi sahib çıxan biri olub və məhz kitabın ad seçimi də tamamilə düzgün seçilmişdir. Övladları tərəfindən fəxr edilən bir ata olaraq həmişə yaddaşlarda qalacaq. Deməyə çox söz olsa da yenidən təkrarçılıq etmək istəmirəm. Allah şəhidlərimizə rəhmət eləsin,qalanlara can sağlığı versin. Ailələrinə səbr arzulayıram.
Gənc yazarlar ittifaqının üzvü olan dəyərli Nigar xanımın qələmindən çıxmış Vətən sahibi kitabını izah etməyə sözlərim kifayət etmir. O qədər incəliklə, o qədər ustalıqla yazılmış bir əsərdir ki, oxuduqca kitab olduğunu unudub, özümü orda bəhs olunan insanlarla birbaşa söhbət edirmiş kimi hiss elədim.
Şəhid kitabı yazmaq asan iş deyil. Məsuliyyətli, diqqət tələb edən işdir. Nuray xanım bu işin öhdəsindən ustalıqla gəlməyi bacarıb. Məmmədov Sahibi öz qələmiylə o qədər incə işləyib ki, tanımayan insan belə tanımış olur.
Şəhidimizi tanımaq isə mənim üçün çox xoş oldu. Bu qədər möhtəşəm bir həyat yaşamış insanı tanıdığım üçün fəxr edirəm.
Ruhu şad olsun
Nuray xanım, qələminizə, ürəyinizə, əməyinizə sağlıq
Vətən Sahibi
Nuray Rəşidin Vətən Sahibi əsəri şəhidlik haqqında yazılmış ən dəyərli əsərlərdən biridir. Xüsusilə kitabda Sahib Məmmədovun həyatı ilə bağlı verilən səmimi və təsirli detallar yaddaşlardan silinməyəcək. Sahib Məmmədovun xarakterik xüsusiyyətləri əsərin əvvəlindən sonuna qədər oxucuda qürur hissi oyadır. Onun həyat yolu, göstərdiyi şücaət və insani keyfiyyətləri Nuray Rəşidin zəhməti sayəsində unudulmayacaq və hər zaman qəlblərdə yaşayacaq.
Gülnar xanımla Sahib Məmmədovun sevgisi onun da arzuladığı kimi, saf və səmimi sevginin gözəl nümunəsi kimi yadda qalacaq.
Nuray Rəşidin şəhidləri tanımaq və tanıtdırmaq məqsədilə başladığı bu dəyərli təşəbbüsü alqışlayır, ona yazıçılıq yolunda uğurlar arzulayıram.
Puan vermedi
İlk olaraq, Nuray xanıma bu gözəl adımı üçün təşəkkür edirəm. Şəhidimizi, onun həyatını, qəhrəmanlığını geniş şəkildə təqdim edir. Mən düşündüm, ümumi məlumat xarekterli kitab oxuyacam. Amma elə olmadı. Şəhidimizin ailəsindən,dostlarından, iş yoldaşlarından onun həyatını oxumaq, öyrənmək daha əhatəli və maraqlı oldu. Tək-tək yaxınlarının fikirlərini dinləmək, yazmaq bu kitabın necə diqqətlə ,zəhmətlə ərsəyə gəldiyini sübut edir. Kitabı oxuyarkən sanki şəhidimiz haqqında sənədli film izlədim. Bu da Nuray xanımın fərqli yanaşmasının nəticəsidir. Təbrik və təqdir edirəm. Allah bütün şəhidlərimizə rəhmət eləsin. 
Vətən Sahibi
Vətən SahibiReklam
