Anarın ilk kitabı 1961-ci ildə işıq üzü görmüşdür. Bu, Anarın görkəmli ədəbiyyatşünas Araz Dadaşzadə ilə birlikdə tərcümə etdiyi böyük Hind yazıçısı və mütəfəkkiri Robindranat Taqorun “Bağban” kitabıdır.
Bundan sonra Anar “Bayram həsrətində” (1963), “Yağış kəsdi” (1968), “Ağ liman” (1970), “Molla Nəs- rəddin-66” (1970), “Adamın adamı” (1977), “Macal” (1973), “Beşmərtəbəli evin altıncı mərtəbəsi” (1982), “Dədə Qorqud” (1983), “Sizi deyib gəlmişəm” (1984), “Dünya bir pəncərədir” (1986), “Seçilmiş əsərlər” iki cilddə (1988), “Sizsiz” (1992), “Şəhərin yay günləri” (1992), “Şəhidlər dağı” (1995), “Otel ota- ğı” (1995), “Min beş yüz ilin Oğuz şeiri” (1999), “Dünya ədə- biyyatından tərcümələr” (2000), “Mübarizə bu gün də var” (2002), “Ağ qoç, qara qoç” (2003), “Azərbaycançılıq haqqında düşüncələr” (2003), “Əsərlər” altı cilddə (2003-2006) və s. kitablarını nəşr etdirmişdir.
Bütün bu kitablar Anarın ədəbi-bədii irsinin olduqca zəngin və janr baxımından rəngarəngliyinin əyani sübutudur. O, şeir yaradıcılığı ilə məşğul olmuş, hekayə, povest, roman, dram yazmış, bir sıra tərcümələr etmişdir.