g
Gül Şiir
2 üyeTapmışam
Biçin günü: həyat oraq,can zəmi,
Yaş kədəri götürübdür,can qəmi.
İstəmirəm yeri, göyü,aləmi,
Mən yerimi bir ürəkdə tapmışam.
Səni görür tez açılır bənizim,
Mən sahilin sən qoynumda dənizim.
Çəmənlərin şeh gülüsən, əzizim.
Oxşarını gül çiçəkdə tapmışam.
Bu yaşımda gəlib çıxdın haradan?
Naxış vurub sənə səni yaradan.
Sənsən məndə bu sevgini yaradan,
Eşqi səntək bir mələkdə tapmışam
🌸
© Nadir Məmməd
Ey garib bülbül diyârın kândedir...
Ey garib bülbül diyârın kândedir,
Bir haber ver gülizârın kândedir,
Ey garib bülbül diyârın nerdedir?,
Bir haber ver gül bahçesi nerdedir?
Garip bülbülden maksat Niyazi Mısrı
Hazretleridir.
Bülbül kelimesi için tasavvufta bazı
mutasavvıflar bil ve bul diyerek zevk
etmişlerdir. Mevla ancak bilinerek bulunur.
Bunun içinde bülbül daim yar adını
Necə unudum səni
Könlümün sirdaşısan,
Necə unudum səni?
Gözlərimin yaşısan,
Necə unudum səni?
Çəmən yaşıl, göy dəniz,
Ömrə vaxtsız-vədəsiz,
Gətirmisən qışı sən,
Necə unudum səni?
Arzuya-kama çatdıq,
Biz bir dünya yaratdıq,
Torpağı mən, daşı sən,
Necə unudum səni?
Ürəyimdə qorundun,
Saçlarımda dən oldun,
Alnımın qırşısan,
Necə unudum səni?
© Zivər Ağayeva
Bir gözəli sevə-sevə yaşaram!..
Çəkər bir əl saçlarıma sığal, hey,
Bir çüt gözdən üstümə nur yağar, hey...
Bir xoş nəğmə qəm-qüssəmi boğar, hey,
Könlüm uçar, uca dağlar aşaram,
Bir gözəli sevə-sevə yaşaram.
Təbəssümü dodağıma çilənər,
Ömrüm-günüm sevincinə bələnər.
Duyğum, eşqim yağış olar ələnər,
Çaylar kimi sellənərəm, daşaram,
Bir gözəli sevə-sevə yaşaram!..
Yuyunar ağ şəfəqlərdə gül üzü,
Yelkən açar taleyimin gündüzü.
Qəlbə qüvvət, qanad olar hər sözü
Dinər könlüm, nəğmə, şeir qoşaram,
Bir gözəli sevə-sevə yaşaram!..
✨
Kamran Məmmədzadə
O, sənsən !
Çiçəklər boylansa otlardan qabaq,
O, sənsən !
Bir dağda varsa bir gözəl bulaq,
O, sənsən !
Eşitsə qulağım nəğməli bir səs,
Keçsə ürəyimdən bir gözəl həvəs,
Toxunsa üzümə isti bir nəfəs,
O, sənsən !
Çıxmışam həyatın gülzar seyrinə,
Baxıram çəmənin çiçəklərinə
Könlüm heyran qalıb gülün birinə,
O, sənsən !
🍃
Tofiq Hüseynzadə
Elə
Sən mənə ömürsən, sən mənə bahar,
Sən elə bilmə ki, sən sənsən elə.
Çəmənin çiçəyi nəyimə gərək,
Mənə bənövşəsən, süsənsən elə.
Bir zərif qönçədən dodağın zərif,
Yanağında qoşa ulduz közərib,
Yanında laləyə söylədim tərif,
O vaxtan inciyib küsənsən elə.
Tələs, harayıma çatmağa tələs,
Tez çatsan, qəm mənə girişə bilməz.
Əs, bahar nəfəslim, ürəyimə əs,
Haçandı bir əsim əsənsən elə.
🍃
Məmməd Aslan