Shantaram- Tanrının hüzur bəxş etdiyi
Shantaram- Tanrının hüzur bəxş etdiyi mənasına gəlir.
İlk onu deyim ki Shantaramı oxuyanda Hindistan, Bombay küçələrində gəzirmiş kimi hiss edəcəksiniz. Bir çox adam sırf qalınlığına görə kitaba başlamaqdan çəkinir, amma inanın mənə axıcı və maraqlı olduğundan, çox həvəslə oxuyacaqsınız.
Shantaram sadəcə Hindistandan bəhs edən kitab deyil. Dostluğu, sevgini, sədaqəti, vaz keçməyi, yaşamağı və ölkə mədəniyyətini anlatan bir əsərdir. Əslində kimsə məndən soruşsa ki, bu kitab nə haqdadır, dünyadakı hər şey haqdadır deyərəm.
Kitab yazıçının öz yaşadığı gerçək hadisələrdən yazılıb, bu daha heyrətamizdir.Əsərə keçdikdə, həbsxanadan qaçan bir adamın hekayəsidir. Həyatını qaçaq tərzdə yaşayan bu adamın həbsdən əvvəlki olan həyatı, yaşadıqlarıyla bağlı mükəmməl bir hekayə
Ən başda Linbaba olmaq üzrə, Lord Abdul Kadir Han, Karla, Prabaker, Abdullah Taheri, Didier, Vikram Patel, Johnny Cigar və hətta Ayı Kano... Və başqa unudulmaz personajlarla unudulmaz əsər idi. Kitabı oxuyarkən onların həm vəhşət həm də sevgi dolu dünyalarına səyahət etmək çox maraqlı idi.
Kitabda yer alan fəlsəfik düşüncələr insanı fikirləşməyə çoox vadar edir, bəzən isə sadə şeylərə çox məna yüklədiyimi düşünürdüm. Yəni açığı fəlsəfi fikirlər məncə həddindən çox idi və bu insanı bəzən yora bilir.
Kitabı oxuyarkən personajları internetdən araşdırırdım. Mənim ən sevdiyim və araşdırarkən ən həyəcanlandığım personajlar Prabaker, Kadirbhai və Karla olmuşdu. Ən favorim isə təbii ki Prabaker idi
Uzun sözün qısası, Shantaram haqda ümumi fikirlərim bundan ibarətdir. Bu kitab haqda çox suallar alırdım, ümid edirəm cavabını bu postda verə bildim. Ancaq hamınıza tövsiyə edirəm bu əsəri oxumağı və Hindiatanın rəngarəng küçələrinə səyahət etməyi
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
1984-cü ildə bu romanını yazan Orwell, nə qədər o zamandan danışsa da, kitabda bu günümüzdən izlər var. Kitab sanki bizə gələcəkdə yaşayacağımız kabus kimi həyatın trailer-ni göstərir.
Qısacası üsyanın, azadlıq istəyinin, hətta duyğuların yox edildiyi bir roman idi. Hər şey səhv və günahdır. Çox danışmaq, çox söz istifadə etmək-cinayətdir. Başlıca gücləri sevməmək- cinayətdir. Onlara boyun əyməmək- cinayətdir. Hər an izlənirsən. Hər yerdən səni izləyirlər. Bu dünyadan qaçış yoxdur, ağzından çıxan ən xırda səhv söz belə sənin sonunu gətirə bilər. Amma, cinayətlərin, günahların ən təməli- Düşüncesuçu deyə adlandırılır romanda. Ən ağır cinayət budur, bunu etsəniz, yox olarsınız. Bunu edərsəniz, gələcəkdən, keçmişdən və günümüzdən silinərsiniz. Belə ki, düşünmək yasaq olduğu üçün, "düşüncə" deyə bir ifadə də məhv olub.
1984 bu janrda oxuduğum ilk və tək kitab idi, bundan sonra yazıçının "Hayvan çiftliği" romanını da oxumağı planlayıram. Hər əsərində yazıçı öz dövrünə xitab etsə də, əslində hər əsrə uyğun qorxunc kadrlar yerləşdirib kitablarına. Bu da onun kitablarını belə məşhur və qalıcı edən səbəblərin ən başlıcasıdır, fikrimcə.
Distopiya janrıyla tanışlıq üçün mükəmməl roman idi, hər kəsə tövsiyə edirəm!
Əsərin baş qəhrəmanları Raif əfəndi və alman əsilli Maria Puderdir.
Raif əfəndi içinə qapanıq, sakit, səssiz və melanxolik birisidir. Öz həyatına yön verə bilmədiyi üçün, başqasının yönləndirdiyi həyatı yaşayan bir insandır. Sevmədiyi biriylə evlənib və uşaqları var, qısacası həyatında heç nə istədiyi kimi deyil. Həyatında bircə dəfə, istədiyi yaşamı sürdürüb və bu xatirələrini bir günlüyə yazıb. Biz isə bu kitabda o günlüyü oxuyuruq.
Maria Puder isə Raifdən tam fərqli olaraq, dominant və güclü xarakterə sahib qadındır.
Raif atasının istəyi üzrə 20 yaşında olarkən Berlinə iş üçün göndərilir. Bura gələn Raifin, bir gün rəsm sərgisinə yolu düşür və buradakı bir əsərə, avtoportrete sözün əsl mənasında, aşiq olur. Hətta bu rəsmdəki qadına platonik hisləri o qədər dərinləşir ki, hər gün fürsət tapdıqca rəsm qalereyasına gəlir və saatlarca o rəsmə baxır. Rəsmin müəllifi isə Maria Puderdir və o, Raifin bu heyranlığının fərqinə varır. Onlar arasında sadəcə müəllif və heyran kimi keçən bir dialoq, ikisinin də həyatını dəyişdirməyə kifayət olur.
Çox danışıb spoiler verməyi düşünmürəm, amma oxuduğum ən axıcı, süjet xətti sadə amma bur o qədər maraq dolu kitablardan idi.
Bir sözlə, alın, oxuyun və oxutdurun!
