Nazrin O.
@nathrin
Per aspera ad astra
Lawyer
Law
8 Ekim
13 okur puanı
Temmuz 2021 tarihinde katıldı
Şu anda okuduğu kitaplar
Mutsuz hissettiğiniz zamanlarda sahip olduklarınızı düşünüp şükredin.
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Bu sıradan əsər deyil, itirilən gəncliklər, ümidlər, darmadağın olmuş həyatlar, müharibəni yaşamadan yaşamış kimi hiss etdirib insanı dərinliyinə çəkən və orda itməyinə səbəb olan romandır. Oxuyarkən nəfəssiz qaldım, sanki o acı taleyi yaşayan insan obrazlarına çoxdan bələd idim, onların yaşadığı çarəsizliyi, ağrıları mənimsəmişdim.
Bəli, bu hadisələr - Əfqanıstanın sovet hücumlarına məruz qalması, daxildə gedən vətəndaş müharibələri vaxtilə sadəcə televiziya xəbərlərindən eşitdiyimiz, gördüyümüz qədər bizə məlum idi. Lakin əsəri oxuduqca, müharibənin bir xalqı necə məhv etdiyini, neçə ailə üzvünü bir-birindən didərgin saldığını, neçə həyatı yarım və neçə gözləri yaşlı qoyduğunu iliklərinizə qədər hiss edəcəksiniz. Obrazlar yazıçının təxəyyülünün məhsulu olsa da, onların yaşadığı həyatın gerçəkdə baş verməsi müharibə şəraitində qaçınılmaz reallıqdır.
Fərqli sınaqlardan keçmiş iki qadının yolu da məhz elə bu müharibələr nəticəsində kəsişir. Onların simasında qadın gücünün bütün çətinliklərin, hətta müharibənin ağlasığmaz nəticələri qarşısında yenilmədiyini görə bilərsiniz. Əsər ən çıxılmaz anlarda belə ümidini üzməməli olduğunu öyrədir insana. Çünki nə olursa olsun, o günəş hər gün yenidən doğacaq.
Məryəm saplardan kuklanın başına necə saç düzəldir. Bir neçə il keçəcək, bu qızcığaz böyüyüb qadın olacaq. Həyatdan çox şey istəməyəcək, öz yükünü heç vaxt başqasına qıymayacaq, ələ salınan, rişxənd edilən dərdini, kədərini, ümid və arzularını heç kimlə bölüşməyəcək.
Ər, arvad, iki uşaq - ətrafdakılar üçün ilk baxışda ən adi bir ailədir. Sirri yox, yalanı yox, dərdi-qəmi, məyusluğu yox kimi görünür.