95.Şübhəsiz ki toxumu da, çəyirdəyi də cücərdib çatladan, ölüdən diri diridən ölü çıxardan (ölü yumurtadan diri toyuq,diri toyuqdan ölü yumurta yaradan) Allahdır.Budur Allah! Axı siz Ondan (haqq olan Allahdan) nə cür döndərilərsiniz?
116. (Ya Rəsulum!) Xatırla ki, o zaman (qiyamət günü) Allah belə buyuracaq: "Ya Məryəm oğlu İsa! Sənmi insanlara: "Allahla yanaşı, məni və anamı da özünüzə tanrı bilin!" - demişdin? (İsa cavabında) deyəcək: "Sən paksan (müqəddəssən)! Haqqım çatmayan bir şeyi demək mənə yaraşmaz. Əgər bunu mən demiş olsaydım, Sən onu mütləq bilərdin. Sən mənim ürəyimdə olan hər şeyi bilirsən, mən isə Sənin zatında olanı bilmirəm. Şübhəsiz ki, qeybleri bilən ancaq Sənsən!
104. Onlara:"Allahın nazil etdiyinə və Peyğəmbərə tərəf gəlin!"-deyildiyi zaman:"Atalarımızın getdiyi yol bizə yetər",-deyə cavab verirlər. Bəs ataları heç bir şey bilməyib doğru yolda deyildilərsə necə?!
48. (Ya Rasulum!) Biz (Qur'anı) sənə haqq olaraq, özünden əvvəlki kitabı (bütün ilahi kitabları) təsdiq edən və onu qoruyan (və ya onların doğruluğuna şahid) olaraq endirdik. Sən onların arasında Allahın nazil etdiyi (Qur'an) ilə hökm et. Sənə gələn haqdan ayrılıb onlann nəfslərinin istədiyinə uyma. Sizin hər biriniz üçün bir şəriət ve bir yol təyin etdik. Əgər Allah istəsəydi, sizi (eyni şəriətə tabe) vahid bir ümmət edərdi. Lakin (bu müxtəliflik) Allahın verdikləri ilə sizi imtahan etmesi üçündür. Elə isə yaxşı işlər görməkdə bir-birinizi ötməyə çalışın (bir-birinizle yarışın). Hamınızın axır dönüşü Allahadır. (Allah) aranızda ixtilaf doğuran məsələləri (onlanın həqiqətini) sizə xəbər verecekdir!