Ayan Nuriyeva
@readwithAyan
Child and adolescent psychologist
Psychology
Baku, Azerbaijan
111 okur puanı
Aralık 2019 tarihinde katıldı
oyanış
Əvvəlcə qeyd edim daha qısa roman ola bilərdi uzadılan bölmələr bir an kitabı yarım qoyma hissini yaratdı məndə. Ona gorə balı qırdım. Sıxılırdım amma davam etdim.
Psixoloji aspektdən yanaşdığımda obrazları analiz etmək mənə daha maraqlı gəldi.
Təəssüf ki, doğulduğumuz ailəni biz seçmirik və illərlə onların doğruları ilə böyüyürük və dünyanın da bu doğrulardan ibarət görürük. Düşünürəm ki, bu “doğruların” da səhvliklərini dərk edərək, anladıqca formakaşmağa başlayırıq. Elə böyümə də burdan başlayır. Taranın da bu şəkildə oyanış hekayəsini oxuyuruq. Dəyişim daxildən başlayır bir qıvılcım bəs edir oyanış üçün.
Taranın ailəsi(ata,qardaşı) ilə yaşadığı problemi və qırmaq istədiyi “zənciri” oxuduqda çox düşündüm bəzən də elə olmur ki, hər şey çox açıq aydın görünür amma dəyərlərimiz və ya ağır duyğularımız bizi arada saxlayır qəbullana bilmirik o arada qalırıq. Sorğulayırıq doğru cavabı bilirik amma əksini çıxarmaq üçün özümüzü inandırmağa çalışırıq… bunları hiss etdim Taranın hekayəsini oxuduqda. Burda da bölüşmək istədim.
Son səhifələr daha maraqlı idi. Bir nəfəsə oxundu.
Tara Westover 
Talebe
Valideynlər bu kitabı oxusun…
Valideynlik haqqında oxuduğum ən sistemli kitablardan biri idi. Yaxşı idi amma razılaşmadığım hissələr var idi hansı ki, yazar tamamilə bu qaydaları rədd edirdi. Amma bunların olması normaldır, yanaşma tərzinə və mədəniyyət fərqlərini nəzərə alaraq rəy bildirməyim daha doğru olar. Valideynlərə yararlı çoxlu tövsiyə və izahlar qeyd olunmuşdu, düşünürəm ki, özüm də valideyn seanslarımda istifadə edə biləcəm. Praktik izahlarla doğru sərhəd qoyma yolları qeyd olunmuşdu. 3 tip valideyn tutumunun etaplı şəkildə yararları və zərərləri barədə geniş məlumat aldım. İllərlə uşaqların məruz qaldığı və valideynlərin fərqində olmadan etdikləri uşaq yetişdirmədə çatışmazlıqları bir daha fərq etdim. Oxuduqca oxutduran, valideynlərə fərqli baxış bucağı yaradacaq kitab olduğunu düşünürəm.
Mərdlik simvolu Cəlaliyyə...
Tarixi romanlara marağım bir başqadır. Cəlaliyyə bir çox duyğunu məndə oyandırdı. Qadın əzmini, gücünü, səbrini, təmkinini Cəlaliyyə timsalında aydın görürük. Heç belə yaxşı olacağını gözləmirdim bəyəndim. Yazar şeirsəl dillə romanı bəzəmişdi sanki. Əla idi. Ümumi hadisələr Naxçıvanda cərəyan edir. Cəlaliyyə xanım isə Naxçıvana başçılıq edənlərdən biri olur. Hakimiyyəti dönəmində sırf qadın olduğu üçün başına gələnlər hələ o dönəmlərdən bu ayrı seçkili aydın görə bilirik. Qısa kitab olmasına baxmayaraq hadisələrin axışı, ümumi mesajlar sonda sanki qalın bir roman oxumuşam hissini verdi. Cəlaliyyə çox şey yaşayır amma bütün bunlar onu sındırmır əksinə daha da gücləndirir...
Oxumağa dəyərdi 8/10
bu yazardan oxuduğum ilk kitab oldu, daha doğrusu səsli kitab olaraq dinlədim. Nə yaxşı ki, bu şəkildə etdim. Çünki fiziki olaraq oxusaydım, yarım qoyma ehtimalım çox idi. Kitabda Adalet xarakterinin içsəl səyahətinə çıxırıq. Bir ölümcül xəstəliyi olur və kitab boyu xəstəxəna otaqlarının, düşüncələrinin, sorğulamalarının şahidi oluruq. ümumilikdə psixoloji analizlər çox gözəl işlənmişdi, dili mənə çətin gəlsə də son səhifələrə görə bu kitab oxunar...sonu çox düşündürdü məni. Özümü sorğuladım. Həyatımı gözdən keçirdim, nə edə bildiklərimə dönüb baxdım sonra edə bilmədiklərimi fikirləşdim, gələcəyin o müəyyənləşməmiş rənglərlə qarışmış parlaqlığını xəyal etdim. Duyğulandırdı məni bu kitab
hər xarakter bir iz buraxır məndə bu il isə o UNUDAMAYACAĞIM obraz ADALET oldu.
Hər gənc bu kitabı oxusun...
Gec də olsa nəhayət ki, Martin İdenlə mən də tanış oldum. Olduqca popularlıq qazanmış kitab olmasını tədricən anladım. Cek Londonun özündən bir parça olaraq əsəri qələmə alması fərqli baxışdan romanı oxumamağıma səbəb oldu. Romanları dəyərləndirərkən hər zaman baş verən hadisələrə fokuslanmıram, xarakter analizinə və onun yaratdığı frekansda digər obrazlarla dialoqlarına və mesaja xüsusi diqqət yetirirəm. Martin İden əslinə bir kəşf romanıdır...özünü kəşf yəni. Romanda Martinin həyatına bir çox insan daxil olur amma özünə yeni yol çəkməkdə və reallıqla üzləşməsində həmin insanlar ona "vasitəçilik" edirlər deyə düşünürəm. Məsələn elə Ruth, Martinin özünü kəşf etməsinə vasitəçilik edən obrazlardandır. Sevgi hekayəsi olaraq başlasa da fərqli duyğularla münasibətlərini oxudum. Həqiqi mənada Martin şəxsiyyət olaraq yetişir.
Romanda sinif ayırımı çox açıq işlənmişdi. Bununla yanaşı Martin hər nə qədər savad olaraq eyni zamanda şəxsi inkişaf anlamında özü ilə işləsə də cəmiyyət olaraq möhkəmlənən düşüncə qəlibləri bunu qırmağa imkan vermirdi. Çox təəssüf ki, günümüzdə də bu kimi ön yarğılar hələ də davam edir...əsəri oxuyanlar nə dediyimi anlayacaqdır. Romanın gedişatı və obrazımızın keçirdiyi psixoloji böhran isə romanın istiqamətini başqa yönə dəyişdirdi...daha çox yazmayacam. mütləq oxunmalı kitablardandır mən gec oxudum amma siz siz olun daha erkən oxuma fürsətiniz varsa şans verin deyərdim. Kitabla qalın...