Bülbül iseñ gel berü nûr-ı gülistân bundadur
‘Âşıḳ iseñ hem daḫı verd-ile reyḥân bundadur
Ṭâlibiñ efsâne ṣanmân baġrını çâk itdügi
Pâdişâhıñ her naẓar baḳduġı seyrân bundadur
Ṣûret-i cismânîye ḳılma naẓar gir içerü
Ḥaḳ Ta‘âlâ ögdügi aḥsen-i insân bundadur
Zâhidâ dersiñ senüñ ḥarf ü ḥurûfuñ baḥṯıdur
Dört kitâbıñ ma‘nisi âyât-ı Ḳur’ân bundadur
‘İlm-i ḥikmetden ledünnîden gelen güftâra baḳ
Tâlib-iseñ gel berü tevḥîd ü ‘irfân bundadur
Nice baḥrıñ mevcidür gel gör saña şerḥ itdügüm
La‘l ü yâḳût u cevâhir dürr ü mercân bundadur
Gel Sinân Ümmîye baḳ gör kim nice ḳaynar ṭaşar
Ḳaṭredür illâ ki ol deryâ-yı ‘ummân bundadur
Sayfa 47 - KTBY, 34, Fâ‘ilâtün Fâ‘ilâtün Fâ‘ilâtün Fâ‘ilün