En Yeni Fatma Savci İletileri
En Yeni Fatma Savci iletilerini, en yeni Fatma Savci okur görüşlerini 1000Kitap'ta bulabilirsiniz.
Niha
Bi kîjan birînê bigrîn em
Em bi kîjan birînê bigrîn
Fatma Savci
Şikir em neşikiyan, zeman bû xwişka me û em pê striyan. Birayên min, çiyayên li pişt.
Fatma Savci
Dara Qaçê
Di bin dareke dugulî,
Di çîroka Şahlewendan de,
Ew hezar û şevek bû
Ne şiyar ne jî razayî bû.
Pêçeka wê ji berfê, ji wî zarê xwezayê bû
Ku rihên kulîlkan tî bûbûn ji kanîkên şaneyên wê vexwaribûn
Bê stranên li ser pora wê ber bi bilbilan ve kaş kiribûn
Û bi hêstirên li ser hinarikan deryayek ava kiribûn.
Çiya wek dayikek
Danê Baranê
Danekî baranê, dîse di bextê çiyakî de bûm
Hişmendeke kofîşîn bû pîra min, notsalî bû,
bê kopal dimeşiya
Ji her liba tesbiha xwe re dipispisand:
"Em ketine tewqa Guran lawo.
Rohnî bidin da ji we bitirsin."
Stûneke qewîn bû li wî konê kurmancî
Pora kuştiyan wê dihûnand,
xwîna li ser sîngên wan dida hev dikir nivişt
Rûbar dengê wê bûn, her newroz ji nû ve dibû keçik,
bi heft dilan dil diket
Tenê wexta nifir dikirin li rihên kulek,
min didît ew pîr dibû
Kêfa wê dihat bi berxikan,
bi meherkên kehrîbar
Û wan zarokên ku desmala wê ya rengîn wek ala azadiyê Dihejandin li serhildanan.
Fatma Savci
Danê Baranê
bîra birînê
Ku em li xwe netewin,
Bi bîra birînê danekevin,
Em ê bi kîjan destê hezkirî,
Zarokatiya xwe ya belavkirî,
Ji van geliyan,
Ji van zeviyan,
Deste bi deste
Bi beybûnan re bidin hev?
Fatma Savci