Hakkında
Pərvin Ələmdar qızı Nurəliyeva 1984-cü ildə Bakı şəhərində anadan olub. ADPU-nun Filologiya fakültəsinin bakalavr və magistr pillələrini əla qiymətlərlə bitirib. Daha sonra həmin universitetin “Azərbaycan ədəbiyyatı” ixtisası üzrə doktorantura pilləsinə qəbul olub. 2017-ci ildə Xalq yazıçısı Anarın nəsrini tədqiq edərək filologiya üzrə fəlsəfə doktorluğu dissertasiyası müdafiə etmişdir. Hal-hazırda ADPU-da “Ədəbiyyat” kafedrasının müəllimidir.
Pərvin Nurəliyeva yaradıcılığa kiçik hekayələr, esselərlə başlayıb. Ən müxtəlif mükafatlara layiq görülüb. Gənclər və İdman Nazirliyinin “İlin gənci”, Mədəniyyət və Turizm Nazirliyinin “Qızıl Kəlmə”, Ədəbiyyat fondunun Rəsul Rza adına Beynəlxalq mükafatına layiq görülüb. Azərbaycan Yazıçılar Birliyinin və Türkiyənin Avrasiya Yazarlar Birliyinin üzvüdür. “Qar yağacaq” və “Balerin”(türkcə), “Dlya Samira” (rusca) adlı nəsr kitablarının müəllifidir. Hekayələri rus, türk, latış və litva dillərinə tərcümə olunaraq müxtəlif xarici ölkə dərgilərdə yayımlanıb. Xalq yazıçısı Anarın yaradıcılığını təhlil edən “Anar dünyası” kitabının müəllifidir. Türkiyənin Avrasiya Yazarlar Birliyinin “Kitabi Dədə Qorqud” pyes yarışmasında P. Nurəliyevanın “Aşar keçər Arazı” pyesi mükafata layiq görülüb.
2014-cü ildə Azərbaycan Respublikası Prezidentinin Sərəncamı ilə Gənclər üçün Prezident Mükafatına, 2015-ci ildə Azərbaycan Respublikası Prezidentinin Sərəncamı ilə Mətbuat günü münasibəti ilə Fəxri Fərmana layiq görülüb.
Azərbaycan Yazıçılar Birliyinin Ədəbiyyatın Təbliğatı Bürosunun və “Ədəbiyyatın dostları” klubunun rəhbəridir.
Unvan:
Azərbaycanlı yazıçı, filologiya üzrə fəlsəfə doktoru,müəllim
Doğum:
Bakı,Azərbaycan, 1984
Okurlar
6 okur beğendi.
15 okur okudu.
4 okur okuyacak.
Sözler ve Alıntılar
XX əsrin kəmiyyət,miqyas və ağırlıq etibarilə ən böyük dəhşətini yaşayanlar məhz yəhudilərdir.Holokostu hər yandan araşdırıb bu böyük nifrətin, antisemitizmin səbəblərini tapmaq olmur.Hitlerin anasını ölümcül xəstəlikdən sağalda bilməyən həkimin yəhudi olması, ya da Stalini yəhudi qızının aşağılaması kimi nağıl-cavablar inandırıcı deyil.Bəlkə ən doğru cavabı Çörçil verib,o deyib ki, İngiltərədə antisemitizm ola bilməz, ona görə ki, ingilislər özlərini yəhudilərdən ağılsız saymırlar.
Qoqolun ölümü də əsərləri kimi fantastik, qəribə olmuşdu.Letargik yuxudan qorxan sənətkar öz fobiyalarının qurbanı idi..."Ölü canlar"ın ikinci hissəsini yandırmağı", "cəsədimin çürüməyini gözləyin" - deməyi,ölüm aclığı ilə sonunu yaxınlaşdırmağı indi psixiatorların araşdırma mövzusudur.Ancaq zamanı və bu zaman içində baş verənləri ayıq başla görən, üstəlik, bunları qələmə ala bilən sənətkarın halını anlamaq üçün elmi-psixiatrik təhlillərə ehtiyac da yoxdur.Hər şey aydındı...
Çexov
Konstantin Stanislavski "Çexov və bədii teatr Sovet məqaləsində yazır: "Bir dəfə köhnə tanışım yanıma gəlmişdi. Çexov da orda idi. Çox şən, mehriban və cəmiyyətdə qayğısız avaranın biri kimi tanınan dostum mənimlə deyir-gülür, zarafatlaşırdı. Çexov çox ciddi görkəmdə, sınayıcı baxışlarla onu süzdü, heç nə demirdi. Adam gedəndən sonra Anton Pavloviç məni onun haqqında sorğu-suala tutdu. Mən təəccüblə bu marağın səbəbini soruşanda Çexov - bura baxın, o ki intihara hazırdı... - dedi".
Zahirən sakit və şən bir adamın haqqında deyilmiş bu sözlər Stanislavskiyə qəribə gəlir, amma bir neçə il sonra həmin dostun intihar etdiyini eşidəndə Konstantin Sergeyeviçin heyrəti yerə-göyə sığmır.
"Mən böyüyəndə, birdən-birə dəhşətli bir həqiqət açıldı qarşımda. Atamanlar, yönsüz Klemantinlər, mayor Priş və Uqryum-Burçeyevlar Saltıkov-Şedrindən daha çox yaşayıblar. Bax onda mənim ətraf mühitə münasibətim matəmə büründü".
Mixail Bulqakov yazırdı bunu...
Raskolnikovun qeyri adilər və adilər nəzəriyyəsini puç edən sual:
Elə isə bəs öz anası-bacısı o yuxarı təbəqə kriterlərinə uyğun gəlirmi,gəlmir! Gəlmirsə, deməli,hər hansı üst təbəqədən olan onları vurub öldürə bilər?!
İletiler
Henüz kayıt yok
Yorumlar ve İncelemeler
Bu tədris ilində tələbəlik həyatımıza mükəmməl bir müəllim daxil oldu. Elə bir müəllim ki,tələbəyə dost,insan ən əsası isə şəxsiyyət kimi yanaşır,onun dərdi ilə maraqlanır,dərsini sevərək ,sevdirərək tədris edir. Keçək bu ideal müəllimin yeni nəşr olunmuş kitabına " Vəziyyət Ruscadır" . Pərvin Nurəliyevanın tələbələrinə hədiyyəsi idi bu kitab...beləcə tanış oldum "Pərvin" yaradıcılığı ilə ...
•
Kitab müxtəlif bölmələrdən ibarətdir,bir ədəbiyyatşünas tərəfindən yazıldığı elə ilk səhifələrdən hiss olunur.Ən sevdiyim bölmə ən sevdiyim əsərlərdən biri haqqında idi . " Anna kimi" adlanır həmin hissə və Tolstoyun Anna Karenina'sından bəhs edir müəllif burada.
Kitab insana dünya ədəbiyyatını sevdirir,bilmədiyimiz bir çox faktı bizə çatdırır ən əsası isə oxuyub sevdiyimiz məşhur rus romanlarını Pərvin müəllimin təhlili ilə daha çox sevirik. Kitabı oxuduqda sanki,müəlliflə söhbət edirmiş kimi hiss etdim.Pərvin Nurəliyevanın Puşkin sevgisi də nəzərimdən qaçmadı.
•
Məlalə mənəm kitabından bir alıntı mənə həmişə Pərvin müəllimi xatırladacaq " Bir uşaq,bir müəllim,bir kitab və bir qələm dünyanı dəyişdirə bilər" Dünyamızı dəyişdirdiyiniz üçün təşəkkürlər
Pərvin Nuraliyeva 
Vəziyyət Ruscadır
