Sabah Kara Gönderileri
Sabah Kara kitaplarını, Sabah Kara sözleri ve alıntılarını, Sabah Kara yazarlarını, Sabah Kara yorumları ve incelemelerini 1000Kitap'ta bulabilirsiniz.Çarîn 72 ( Ez Bi Derd Neşewitîme )
Ez bi derd neşewitîme, derman çi
Ez nemirime, girî û fîxan çi
Gul û lale şewitîne sertaser
Ma eger bicivin ewr û baran çi
Çarîn 71 ( Dilêm Derdîn Û Nalîn E )
Dilêm derdîn û nalîn e, çi bêjim
Ruwêm tozîn û axîn e, çi bêjim
Li nav heftê`w du milletan geriyam
Ji murîdên sed mezheb re çi bêjim
Çarîn 70 ( Dilêm Bê Wesla Te )
Dilêm bê wesla te şadî nabîne
Ji derd û xeman azadî nabîne
Xerababadê dil, bê hatina te
Îlahî ti wext abadî nabîne
Çarîn 69 ( Şev Tarî )
Şev tarî û rê bi kevir û ez mest
Qedeh ket ji destê min û qe neşkest
Parêzê wê, xweş parêziyê dike
Eger na, sed qedeh bê ketin şikest
Çarîn 68 ( Qeder )
Qeder herdem guhê min de dibêje
Ku ev derdê dilê te bêîlac e
Ger tu cewher bî jî bêkirîdar î
Ji bona ku ruhê te bêrewac e
Çarîn 67 ( Yê Ez İm )
Yê ez im, yara min navê bibe yar
Yê ez im, derdê min nabe sivikbar
Dibêjin ku yara te d`xewê de ye
Çi xewek ebedî ye û bêhişyar
Çarîn 66 ( Bi Kuça Te )
Bi kuça te, ta kengî werim biçim
Dûr ji weslat, ta kengî werim biçim
Li kuça te, ji bona dîtina te
Xwedê bitirs, ta kengî werim biçim
Çarîn 65 ( Felek )
Felek te ez perîşan kirim axir
Te ez dûr ji gulîzar kirim axir
Te ez li nav texta tewlê rûnandim
Û b`şeş û penc, te`z wêran kirim axir
Çarîn 64 ( Cardin )
Cardin bû şev, da canê min bisoje
Ji serî heta piyê min bisoje
Jibo xatirê yeke sebzerengî
Ditirsim ku îmana min bisoje
Çarîn 63 ( Tu Noşa Min )
Tu noşa min nîn î, êşam çima yî
Tu yara min nîn î, pêşam çima yî
Tu ku ji dilê min re merhem nîn î
Ser dilê min de xwêreşam çima yî