Züleyxa Məmmədova
@zuleikhasworld
Azerbaijan State Pedagogical University/Azerbaijan University of Languages
Baku
Baku/Azerbaijan, 23 Temmuz 2001
27 okur puanıEylül 2022 tarihinde katıldı
Rövşən Abdullaoğlu - Relslər üzərinə uzanmış adam
Relslər üzərində uzanmış adam kitabı Rövşən Abdullaoğlunun sevərək və maraqla oxuduğum 2-ci kitabıdır. Kitabda iki bənzər taleyə malik oğlanların həyatı qatar relsləri üzərində birləşir. Hər birinin ayrı-ayrılıqda başına gələnlər və yaşadıqları hadisələr insana təsir edir. Bundan başqa kitabda təsvir olunan balkan və serb müharibəsinin acınacaqlı təfərrüatları, Adriana və Əmin obrazının onların möhkəm sevgisi fonunda başına gələn hadisələr insanı düşündürür.
Əsərin əsas ideyası əsl sevginin insanı sağalda bilmək, bütün münaqişələrə, hətta müharibələrə belə sinə gərməyə güc-qüvvət vermək iqtidarında olmasıdır. 
Relslər Üzərinə Uzanmış Adam 
Rövşen Abdullaoğlu
Relslər Üzərinə Uzanmış Adam Rövşen Abdullaoğlu
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Vulf Dorn - Psixiatr
Vulf Dornun Psixiatr kitabında psixiatrik klinikada işləyən Ellen Roth adlı həkim-psixiatrın başına gələn hadisələr təsvir olunub. Kitabda Ellenin müalicə etdiyi xəstə qadının birdən-birə xəstəxanadan yoxa çıxması və Ellenin onun axtarışını davam etdirərkən başına gələn hadisələr qələmə alınıb. Psixoloji triller janrında olan kitab insanı daim maraqda saxlayır və baş verən hadisələr insanı müxtəlif personajlardan şübhələnməyə vadar edir. Sonda isə reallıq tamam ayrı cür göstərilir. 
Psixiatr 
Wulf Dorn
Psixiatr Wulf DornMeri Şellinin Frankenşteyn və ya Müasir Prometey kitabında əsas obraz olan Viktor Frankenşteyn adını elm tarixinə qızıl hərflərlə yazmaq istəyən gənc alimdir. Bu səbəbdən etdiyi çalışmalar nəticəsində onun cəhdləri heç də uğurlu alınmır və o, istəmədən bədheybət yaratmış olur. Bu bədheybət onun gələcək həyatına çox zərər vurur - yaxınlarını, sevdiklərini və dostlarını əlindən alır, bununla yanaşı, digər dinc insanlara da xəsarət yetirməyə çalışır.
Əsərin ideyası təkcə bədheybətin əməlləri və V.Frankenşteynin onunla savaşında cəmlənmir. Yaradan və yaradılan mövzusu əsərin əsas ideyasını təşkil edir.
Vulf Dornun 21 Kölgə Yoldaş romanında Nikka və Zoya adlı iki qızın sarsılmaz dostluğu və onların başına gələn dəhşətli hadisələr yer alır. Kitabda varlığından xəbəri belə olmayan əkiz bacısı tərəfindən qaçırılan Zoyanın başına gələnlər və Nikkanın onu necə xilas etməsindən danışılır. Nikkanın başına gələn hadisədən sonra 21 dəqiqə ərzində ölüm keçirməsi və sonra həyata qayıtması onda o biri dünyadakı insanları görə bilmə və onlarla ünsiyyət qura bilmə qabiliyyəti formalaşdırır. Məhz Zoyanın yerini tapa bilməyində də bu kimi faktorların rolu olur.
Bu kitab kainatla bağlı araşdırmalarla, elmi nəzəriyyələrlə zəngin idi. Kitabda Böyük partlayış, Qara dəliklər, Qarşılıqlı təsirlər və məşhur alimlərin, o cümlədən, Stefanın özünün apardığı araşdırmalar sadə dillə izah olunur.
Kitabın ən sevdiyim xüsusiyyətləri ondan ibarət idi ki, burada mürəkkəb fikirlər həm yazıçı tərəfindən gündəlik nümunələrlə təsvir edilir, həm də araşdırmalara uyğun şəkillər vasitəsilə təsvir edilən fikirlər daha da aydınlaşdırılırdı.
