Sürəkli xəyanətlə qarşılaşan, təhqirlərə məruz qalan, qüruru incidilən bir qadın susarsa, bu, artıq təhlükədən xəbər verirdi.
Bir qadın pis münasibət gördüyü ərinə üsyan edərək dava-dalaş salırsa, burda qorxulu nəsə yoxdur. Deməli, o qadın münasibətlərin düzələcəyinə hələ ümid edir. Yox, əgər ərindən mənəvi mənəvi və ya fiziki əzab gördüyü halda susursa, deməli, vəziyyət təhlükəli hal alıb, qadın hər şeydən ümidini üzüb və intiqam planı düşünür.
Qısqanclıq sevgi "xörəyini" daha ləzzətli etmək üçün nəzərdə tutulmuş istiotdur və "xörəyə" qədərində qatılmalıdır. Heç qatılmasa, sevgi dadsız olar, qədərindən artıq qatılanda isə zəhərə çevrilər.
Atasından kifayət qədər sevgi və isti nəvaziş görməyən qız uşaqları yetkin yaşa çatandan sonra belə münasibətə başqa qızlardan daha artıq möhtac olurlar və onlara adi bir nəvazişlə yaxınlaşan hər hansı əks cins nümayəndəsinə asanlıqla vurula bilirlər.
Qadının gözəlliyi baxan şəxsin kimliyindən, düşüncə tərzi və zövqündən asılı olaraq onun nəzəri ilə qiymətləndirilir. Birinə gözəl görünən başqasına adi, çirkin, hətta iyrənc də görünə bilər.