Aygül
@Babayevaaygul
24 okur puanı
Ağustos 2024 tarihinde katıldı
Bu kitabı oxuyanda elə bil öz içinə qapanmış bir insanın qaranlıq dünyasına səyahət edirsən. Əsər qəhrəman Gregor Zamza'nın bir səhər oyandığında nəhəng bir həşərata çevrildiyini anlatmaqla başlayır. Amma burada diqqətçəkən şey onun böcəyə çevrilməsi deyil insanlardan, ailədən, sistemdən uzaqlaşdırılmaq, yəni insanlıqdan çıxarılmaqdır.
Mövzusuna gəlincə:
Gregor, ailəsinin bütün maddi yükünü çiyinlərinə götürmüş, özünü tamam başqalarına həsr etmiş biridir. Amma nə vaxt ki o artıq "faydasız" olur yəni pul gətirə bilmir hamı tədricən ondan uzaqlaşır. Ailəsinin soyuqluğu, sevgisizlik, vəfasızlıq onu daha da içə qapanmağa vadar edir. Əsəri oxuyarkən içimdə qəribə bir sıxıntı yarandı... Sanki hər birimiz bu sistemdə Gregor kimiyik çalışırıq, yoruluruq, amma bir gün "dəyərsiz" sayıldıqda bizi gözləyən tək şey təcrid və unutqanlıq olur. Ən təsirli hissələrdən biri Gregorun otağa qapanması, ailəsinin onu get-gedə iyrənc bir varlıq kimi görməyə başlaması oldu. Halbuki o, dəyişmədən əvvəl eyni adam idi sadəcə formasını dəyişmişdi...
Kafka'nın yazdıqlarını oxuyarkən bəzən nəfəs almaq çətinləşir. Elə bil həyatın sənə göstərmək istəmədiyi tərəflərini sənə zorla göstərir.
Dönüşüm”ü oxumaq, bir az da öz içinə dönmək kimidir... Tövsiyə edirəm, amma hazır hiss etdiyiniz bir vaxtda oxuyun.
#dönüşüm #franzkafka #kitabtəhlili
