Xalid Həmidov
@Brummerh
31 okur puanı
Temmuz 2018 tarihinde katıldı
Şu anda okuduğu kitap
Böyük Məsuliyyətlər Böyük Güc Gətirir
Bu kitab, axmaqca "Fərdi İnkişaf" kitablarından biri deyil. Bu kitab, oxuduqdan sonra insanı hər tərəfli inkişaf etdirən kitabdır. Bu kitab, acı həqiqəti üzünüzə rahatlıqla deyə biləcək cəsarətə malik kitabdır.
Oxumağa öyrəşdiyimiz "Sən hər şeyi bacararsan. Sənin daxilində böyük bir güc var. Beyninə qoysan hər şeyi edərsən! Kainat sənin əmrindədir" kimi boş və axmaqca cümlələri bu kitabda tapa bilmərsiz. Bu kitab "İstədiyin hər şeyi bacara bilməyəcəksən. İstədiyin hər şeyi edə bilməyəcəksən. Hər kəs səni sevmiyəcək. Hamı səni alqışlamayacaq, tərifləməyəcək." deməyi bacaran kitabdır.
Bu kitabı oxumadan əvvəl biraz önyarğıya sahib idim, ancaq indi "yaxşı ki oxudum" deməkdən başqa bir şey deyə bilmirəm.
Yazarın da dediyi kimi: "Bu kitab sənə bir şeylər öyrətməkdən daha çox, zatən bildiyin ancaq unutduğun şeyləri yadına salmaq üçündür"
Kitabda bir çox fərqli mövzulara yığcam şəkildə toxunulub. Demək olar hər bir mövzu üçün 2-3 səhifə ayrılıb. Bu da kitabı oxumağı asanlaşdırır. Bundan əlavə, toxunulan mövzuların demək olar hamsı, hər bir insanın həyatında başına gəlmiş şeylərdir. Kitabın qısa və axıcı olması da əlavə bir müsbətdir.
Çox böyük ümidlərlə başladığım bu kitabı təəssüf olsun ki, yarıda kəsmək məcburiyyətində qaldım.
Celal Şengörün hər fikrinə qatılmasam da, izləməkdən və dinləməkdən zövq aldığım adam idi. Ancaq təəssüflər olsun ki bu kitabı bütün ümidlərini puç elədi.
Kitab bir tərəfli mövqe daşıyır, bəzi yerlərə səbr göstərərək oxudum ancaq, "Hicab qadağası azadlığın əlindən alınması deyil, sərbəst düşüncə və müzakirə özəlliyini təhdit edən bir düşüncə sisteminin universitet qapıları xaricində qalması deməkdir" cümləsində kitabı yarıda kəsdim.
Dinə edilən "yalanlamalar", çok klassik sözlərdir və biraz araştırma ilə hamsına cavab tapmaq olar. Belə bir elm adamının belə bəsit iddialarla dini "çürütməyə" çalışmasını hələ də ağlım almır. Bundan əlavə kitab Türkiyə siyasətindən bolca bəhs edir. Türkiyədə yaşanan günlük siyasətlər, mübahisələr kitabda bölmə-bölmə yerini alıb ki, buda biz oxucular üçün lazımsız məlumatlardır.
Qısaca sözün məğzinə gəlsək, kitab məndə böyük xəyal qırıqlığı oldu və Celal Şengör'ə qarşı baxışımı (çox təəssüf olsun ki pis bucaqda) dəyişdirdi.
Bura qədər oxuduğunuza görə təşəkkürlər.
C. Məmmədquluzadə yenə o dövrün cahilliyini, avamlığı usta qələmi ilə yazıb.
Qadının söz haqqının olmamasından, kişilərin hegemonluğundan, din adı altında istəklərinə nail olmaq üçün haram yollara əl atanlardan bəhs edən bu kitabda, keçmiş dövr Azərbaycan ustaca təsvir olunmuşdur.
Əsərin yazılmasından yüz illər keçsə belə, insanları, hadisələri günümüzlə də uyğunlaşır.
Kitab 1909-cu ildə yazılmasına baxmayaraq, 100 il keçsə belə çox təəssüf olsun ki, əsəri hələ də günümüzə uyğunlaşdırmaq olar.
İnsanların avamlığından, cahilliyindən istifadə edən, adını "ölüləri dirildən şeyx" qoyan, sapı bizdən olan balta, Hacıların ailəsinə göz dikib, 9-10 yaşlı qızlarını "alır".
Kefli olduğu hesab edilən İskəndər, əsərdəki ən ağıllı və avam olmayan insandır.
Bu əsərdə ölülər yox, canlılar ölüdür.
