Bu, Elxan Elatlının oxuduğum 4-cü kitabıdır. Və digər 3 kitab kimi, bunun da mükəmməl olduğunu əminliklə söyləyə bilərəm. Roman o qədər axıcıdır ki, nə vaxt başlayıb nə vaxt qurtardığını hiss etmədim belə. Məncə, kitab sona qədər maraqlı davam edir. Çox bəyəndim,və tövsiyə edirəm.
Mövzusuna gəlsək, kitab Qasımlının telefon dostu olan Humayın ölüm xəbəri ilə oyanması ilə başlayır. Bu qızın gözündəki kədəri görmüş olan Qasımlı ona vaxtında kömək əlini uzatmadığına görə vicdan əzabı çəkir. Buna baxmayaraq, polkovnik qatili tapmaqda qərarlıdır. Qırmızı plaşlı qadın kimdir? Mədətov həmin gün niyə oraya gəlmişdi? Qasımlının gördüyü izləri görəndə niyə dinmədi? Və ən əsası, niyə Qasımlını izlədirdi? Hekayənin gedişatında bu suallar bir-bir öz cavabını tapır. Həmçinin kitabda obrazların həyat hekayələrinə də toxunulur, bu sayədə biz hər bir obrazla yaxından tanış oluruq.
Bir sözlə,oxusanız peşman olmayacaqsınız. 
Görünməyən İzlər
Elxan Elatlı
Okur Takip Önerileri
Art və Xaos: Təəssüratlarım
Kitabı az əvvəl bitirdim. Və demək istəyirəm ki,kitab xəyalımdakı kitab deyildi. Həddindən artıq cinsəllik var idi,yəni,demək istədiyim,bir və ya bir neçə səhifədə yox,daha çox. Yaxşı,bunu bir kənara qoysam,üslubu mənə uyğun deyildi,amma bu hələ son deyil. Sadəcə olaraq,kitabın dərinliyi yox idi. Sadəcə vaxt öldürmək üçün oxuya biləcəyim bir roman idi. Məni yanlış anlamayın,hər kitab dərin olmalı deyil bəlkə də. Amma bu kitabı əlimə alanda gözləntilərim daha çox idi. Ən azından 1-ci addımı yazan yazardan belə kitab oxumaq istəməzdim.
Kitabın Art hissəsi Xaosa nisbətən bir qədər maraqlı keçdi. Xaos tərəfini isə o qədər də bəyənmədim. Əslində,Həqiqi və təqlidi Xloe arasındakı seçim ideyasını bəyəndim. Amma bəzi hissələrin sadəcə kitabı uzatmaq məqsədli yazıldığını düşünürəm.
Bütün bunlara baxmayaraq,kitab axıcıdır. Amma məsləhət görmürəm. Yəni,əlbəttə,özünüz bilərsiniz. Amma daha gözəl kitabların olduğunu düşünürəm.
Art və Xaos
