Məleykə Ağayeva
@MelikeAgha
Yüksek lisans
25 Eylül
131 okur puanı
Haziran 2020 tarihinde katıldı
Şu anda okuduğu kitap
Vaxtımın qısıtlı olmağına, qısa-qısa oxumağıma baxmayaraq əslində bütün ömrüm boyu ehtiyac duyduğum bir insanla qarşı-qarşıya əyləşərək etdiyim ən möhtəşəm söhbət kimi bir kitab idi. Oxumazdan öncə ən böyük qorxum yaddaşımı itirmək idi. Oxumağa başlayanda bu öz yerini korluğa verdi. Oxuyub bitirdikdən sonra isə korlar ölkəsində görməyi bacaran yeganə insan olmağa.
Görüləsi bir səbəb olmadığı zamanlarda görmək, ölməyə bərabər bir hissə çevrilə bilirdi.
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
O qədər möhtəşəm idin ki.. Səni incələmək üçün aylarla, bəlkə də illərlə, bir yerlərdə - səmada, təbiətdə, əşyalarda, hər hansı bir yerdə yenidən tapıb, yenidən dəfələrlə düşünmək mütləqdir məncə.. İndi nə yazsam, bilirəm ki az gələcək..
Hər İvan İliç'in həyatında bir Gerasim mi olmalı idi, yoxsa, hər insan Gerasim kimilərinin varlığını duymaq, onları tanımaq üçün İvan İliç'in vəziyyətinə mi qalmalı idi? Həyat qaydaları və qanunları alt-üst edəcək minlərlə prinsipə malikdir. Ki, bu prinsiplər də nisbidir. Sadəcə bunu deyə bilərəm - həyat tam olaraq xəstə İvanın günlərlə yatılı qaldığı dəri divana baxıb 'biz buna görə həyat yoldaşımla nə qədər dava etmişdik' deyib, heyfislənməyinə bənzəyir və insan həyatı minlərlə bu cür 'dəri divan'a qurban gedir.
İnsanların nəzərində böcəyə dönmək üçün fiziki bir metamorfoz mütləq deyildi. Kafka da tam olaraq bunu izah etmək istəyirdi. Sizdən gözlədikləri təmənna ilə təmin edə bilmədiyiniz insanlar üçün hər gün bir az daha böcəkləşirdiniz. Gregor Samsa kimi. Ali varlıq olan insan bir anın içində həm özünün, həm də digər insanların nəzərində dərin, mənəvi metamorfoza uğraya bilər. Amma bizim Gregordan bir fərqimiz var. O bunun fərqinə varıb, yuxudan oyanıb, agah olmuşdu öz halına və başqalarının əhvalına. Amma biz hələ də oyanmağı gözləyən bir Samsa'yıq, adını 'həyat', 'yaşamaq' qoyduğumuz yuxularımızda.
Bu kitabda həm yalnış var, həm də qaranlıq. Fəqət, oxuyan zaman, qəribə şəkildə bir az həqiqət sezilib, bir neçə işıq şüası keçir qəlbdən. Bu kitabda xeyrin qələbəsindən bəhs olunmur, çünki adı üstündə 'yeraltından qeydlər'dir. Bu kitabda sanki müqəddəsliyə qaçmaq istəyən bir möhvum var, amma, elə həmin möhvum özü onu inkişaf etməyə qoymur. Mütləq ayıq əqidə ilə oxunulası, baş verən bütün halları bir cisimdə, bir bədəndə və əqidədə baş verdiyinə inanılası bir kitabdır. Başqa cür sadəcə sizə gündəlik kimi gələcəkdir. Və əlavə olaraq, hər kitab bir az yazardan, bir az öz mövzusundan xəbər versə də, bol-bol oxuyan insan haqqında açıq aşkar ona məlumat verir. Pis kitab yoxdur, ola bilər ki, sən axtardığını, tapmaq və düşünmək istədiyini yaxşı araşdıra bilmirsən.
