Con Stüart Mill : "Qadınlar da öz dolanışıqları üçün, eyni kişilər kimi, çalışmalı, bununla da kişilərin asılılığından qurtulmalıdırlar."
Doğurdanmı, qadın da kişi kimi, bütün gününü bir parça çörək qazanmaq üçün əlləşib-vuruşmalıdır? Ola bilər, tərbiyə, mühit, oturuşmuş ənənələr qadını əzir, ancaq onların evlilikdə qazandıqları bu qədər böyük dəyərləri görməmək də doğru deyildir! Ola bilsin, hüquq anlayışı baxımından, bu dediklərim doğru sayılmasın. Ancaq Millin dedikləri gerçəkləşərsə, onda qadınlığın dünyaya bağışladığı incəliklər, gözəlliklər, cazibələr də yox olacaqdır və biz qadınlıq idealının yoxa çıxmasından yaranan ürəxsıxıcı boşluğu heç nə ilə doldura bilməyəcəyik.
Dinin insan anlağına ( düşüncəsinə ) təsiri çox böyükdür, dini və fəlsəfi baxışlar donuq ehkamlara çevrilməyənə kimi onların insan üzərində təsiri çox böyük olur. Bu baxışlar öz ardınca dərin elmi düşüncələrə yol açmış, dünyanın incəsənət, poeziya, ədəbiyyat kimi dəyərlərinin yaranmasına, habelə, yüksəlişinə olduqca böyük təsir göstərmişdir. Dini təlimlər mistik qavrama arxalandığına görə, onlardan əl çəkilməli olsa belə, yenə də onların qurulmasında özünü göstərən ilham və incə məntiqin insanlığın yetirdiyi çoxlu bilgin kimsələrin yaradıcılıqlarına göstərdiyi təsirləri danmaq olmaz.
" - Attikus, bu, düz deyil!
- Hə, oğlum, düz deyil!
... Onlar əvvəllər də belə ediblər, gecə də belə etdilər, bundan sonra da belə edəcəklər. Belə hökm çıxarılanda yalnız uşaqlar ağlayır, böyüklər artıq belə hökmlərə adət edib."