Əsası odu tezliklə sağal və düşünmə ki, mən səni unutmuşam. Müharibə
müharibədir, amma dostluq hər şeydən üstündür...
Okur Takip Önerileri
Hər səhifəsində "Günəş" olan kitab...
Günəş yenidən şəfəq saçmağa başladı və torpaqda yenidən iki kişinin kölgəsi göründü.
İnamı zəifləməyə başlamış, hövsələsizliyi isə artmışdı... Amma o, özlüyündə belə təsəvvür eləyə
bilmirdi ki, həmin gecə onun həyatında kədərli bir dönüş mərhələsi idi, həmin pillələrdə də məhz həmin anda onun gəncliyi qurtardı — növbəti gün onun həyat tərzi tamam başqa cür olacaq və keçən günlər nə sabah, nə də birisigün qayıtmayacaq. Heç vaxt!..
Təsəvvür edilə bilinməyəcək qədər çətindir...
Özün tək olanda və öz fikirlərini kiminləsə
bölüşə bilməyəndə nəyəsə inanmaq çox çətindir. Məhz bu anlarda o başa düşdü ki, insanlar münasibətcə bir-birlərinə nə qədər yaxın olsalar da, həqiqətdə həmişə bir-birlərinə yaddılar. Əgər insanın canı ağrıyırsa, ağrı yalnız onun ağrısı olaraq qalır, başqa heç kim hətta o ağrının cüzi bir hissəsini belə
öz üzərinə götürə bilməz. Əgər insan əzab çəkirsə, başqaları — onları əsl məhəbbət birləşdirmiş olsa da belə — bu ağrını hiss eləməz. Bundan da həyatda təklik yaranır.
Saatlar isə onları saymağa çatdırmamış keçib gedirdilər. Amma gizli bir ümidi var idi... hansı ki, ömrünün ən yaxşı illərini onun xatirinə xərcləmişdi. Qəlbində bu ümidi bəsləyərək hiss olunmadan çoxlu aylarını qurban vermiş, amma onlar da kifayət eləməmişdi.
Hər il keçdikcə də həyatdan mənə daha az nəsə lazım olur.
Ümid eləmək! Ah, o, necə də ümid eləməyə son qoymaq istəyirdi, axı məhz bu ümidə görə bütün ömrünü vermişdi.
Bəziləri hər səhər yeni ümidlərlə yuxudan oyanır, digərləri onu özündən uzağa qovurdular. Başqa biriləri isə hətta ümidlərinin olub olmadığını bilmirdilər, onlar sadəcə olaraq ümidlərini itirmişdilər. Amma heç kimin bu haqda ucadan danışmağa cürəti çatmırdı.
Hansısa anda biz geri boylanırıq və arxamızdakı darvazanın bağlı olduğunu, geriyə yol olmadığını görürük. Bax onda başa düşürsən ki, nəsə dəyişib, bizim arxamızda ağır qapı ildırım sürəti ilə çırpılır və onu dərhal da bağlayırlar, artıq qayıtmağa da çatdırmırsan.