Mən rəsm analizi ilə bağlı kitab axtarırdım. Əslində türk dilində bu mövzuda yazılan kitab sayı çoxdur. Mən isə azərbaycan dilində axtarırdım. Sonunda tapıb iyul ayının 27-də oxuyub bitirdim. İlk başlanğıc üçün çox mükəmməl kitabdır. Əgər bu sahədə daha geniş məlumatlar əldə etmək istəyirsizsə mütləq digər müəllifləri də araşdırın. Bu kitabın içində sizə praktiki işlər də verilib. Mövzularla necə işləmək lazım olduğunuda izah edir.
Uşaqların çəkdiyi şəkillər onların daxili aləmindən, duyğu-düşüncələrindən xəbər verir. Uşaqlar sözlə deyə bilmədiklərini rənglərlə ifadə edirlər. Uşaqların şəkil çəkərkən seçdiyi rənglər, çəkdiyi cizgilər bizə nə deyir? Şəkillərdəki detallar nədən xəbər verir? Uşağın hansı problemi var? Bəlkə, valideynlər onunla düzgün davranmır? Bəlkə, məktəbdə onunla kobud rəftar edirlər? Bu kitab boyu real şəkillər və izahlar vasitəsilə yuxarıdakı suallara cavab axtarılır.
Ölkəmizdə ilk dəfə uşaq şəkilləri mövzusunda yazılan bu kitab əsasən valideynlər, müəllimlər, müvafiq ixtisasın tələbələri və uşaqlarla işləyən mütəxəssislər üçün nəzərdə tutulmuşdur.