Rojbaş!
lê bibexşînin
her ku hûn bibêjin "rojbaş"
bêhtir berxwedêr dibim
bêhtir bi jiyanê ve têm girêdan ez!
Berken Bereh
Bes bike hawar û qêrîne,
Ga dimre cotyar dimîne,
Paşeroja xwe bibîne,
Nebe kesê her xusirî.
Bes wek benîştê bicû,
Dewranek bû hat û çû,
Ma kî hat û neçû,
Xweda rehman û rehîm e.
Berken Bereh
Herkesî dinyayek
û herkesî tenêtiyek xwe he ye
Herkes tenê ye dema digirî
dema dibişire herkes hogirê dilê xwe...
Berken bereh
Şina Helbeste
Lî aşèkî dûr sosinan dihêrîn stêrk
Xezalek ji bîr dike dengê xwe li bîrekê
Winda dibe ya li pey kerime
Di helbestên esmer de peyvên pûç
Tu li kû yî roniya bı xwêdana min kemilî
Tu li kû yi şeva şepal a di çîrokan de
Berken Bereh
Helbestên welatekî winda
Feleka xayin
Ji xelkê ra
şîr û mast
ji me re
êş û jan
xem û kul
didoşe.
Ka beje
ey feleka xayin
qelenê te
çend qurîş ê?
~Berken Bereh