Vic.
@cherrycassino
i chose coffee today
11 okur puanı
Temmuz 2023 tarihinde katıldı
Şu anda okuduğu kitaplar
Sonu qəlbimi param-parça elədi… İkinci dəfə oxumaram, nə də kimsə məndən kitab tövsiyyəsi istəsə, etmərəm. Mövzu olaraq axıcı gedirdi və maraq oyandırırdı. Bütün kitab eyni maraq tempində getdi, yenə də digər kitablarla müqayisədə biraz sönük qaldı. Amma qəlbimə çox güclü təsir elədi, durğunlaşdırdı, düşündürməyi bacardı.
Reklam
Kitab çox həyəcanlı idi. Hər səhifəsini böyük maraqla çevirərək oxudum. Amma mənə dərin bir düşüncə qatdığını düşünmürəm. Düzdür, həyatda hər şey mənə nəsə qatacaq deyə bir şey yoxdur. Amma belə qalın bir kitabdan nəsə dərinlik öyrənmək istəyərdim. Sonu heç xoşuma gəlmədi. Kitabı oxuduğum müddətdə isə çox həzz aldım. Maraqlı bir kitab idi, amma “kaş yadımdan çıxardı, ikinci səfər oxuyardım” deyəcəyim bir kitab olmadı. Maraqlı və həyəcanlı bir janr axtarırsınızsa, oxumağa dəyər.
Gogolun hadisələri bir-birinə bu şəkildə bağlaya bilməsi adamı ən çox impress edən tərəfidi ümumiyyətlə. Portreni dəhşət çox bəyənmişdim, tam 10/10 idi, onda görə buna 9 verəcəm, çox qəşəng olsa da, mənim üçün Portre >>>. Ümumilikdə fərqli bir şey idi, kiminsə günlüyünü oxuyursan, həmin insan dünyanı tamam fərqli görür. Dəli deyib insanları bir yerə tıxırıq, amma dəli dediklərimizin sayı daha çox olsa idi, onlar bizi tıxacaqdı. Anyway çox olan, üstün olan daha “düzdü”. Bu cür olan bir insanın gözündən dünyaya baxmaq çox qəribə hiss etdirdi. Onlar üçün də sağlam bir cəmiyyətin formalaşması diləkləri ilə :(
Birinci bölümü çox maraqlı, axıcı getdi. Adamın ağlı eləcə orda qalır ki, nə olacaq, necə olacaq. İkinci bölümünü heç belə gözləmirdim. O qədər dərin, o qədər detallı birinci bölümün altını doldurdu ki, tüklərim biz-biz olurdu. Birinci tək olsaydı, yenə qəşəng olardı, amma ikinci bölümdəki detalları o qədər gözəl, o qədər incə idi ki. Ancaq dahi biri bu cür əlaqələndirə bilərdi. Gogol qəlbimdə çox gözəl yer tutur. Oxuyun, oxutdurun. 10/10
Ümumilikdə axıcı gedir, maraq oyandırır. Sonu məni şaşırtmadı, biraz havada qalır, özün tamamlamalısan. Yemelyanı yaşlı-başlı biri olaraq yazsa da, xəyalımda həmişə gənc oğlan kimi canlandı. O saflığı, əsla dərs çıxarmaması, dürüst ola bilməyəndə depressiyaya düşməsi, hər biri saf, gənc bir insanı anımsatdı mənə, ona görə də onu beynimdə gənc biri olaraq canlandırdım. Pəncərənin qabağında səssiz-səssiz içinə ağlaması qəlbimi ən parçalayan hissə oldu. Ümumilikdə, axıcılığı, mətnin özü qəşəng idi, amma sonu ürəyimə yatmadı.
Reklam