Dide-i fettânına meftûn olup her şeyh ü şáb
Asitân-ı hüsnüne etmek dilerler intisâb
Yâ kalır mı 'âşık-i dil-hastanın cisminde tâb
Lerze-nâk eyler beyim șir olsa da bî-irtiyâb
Ger gazûbâna nigâh eylerse âlî gözlerin
Her nigâhında hezârân işveler îcâd edip
İşve-i cân-bahş ile dil-hürrem ü dil-şâd edip
Nev-be-nev kalb-i hümûm-âlûduna imdâd edip
Tab'ına çok nev-edâ mazmûnlar îrâd edip
Vasfına mecbûr eder "uşşâkı 'âlî gözlerin
Her nazarda mahv eder endûh-ı bâlî gözlerin
Neș'e-i devrân ile gûyâ ki mâlî gözlerin
Nâzikâne va'd eder çünkü visál gözlerin
Karşıdan manzûrum oldukça gazâlî gözlerin
Gark-ı envâr-ı safâ eyler hayâli gözlerin