Zweig'in bu əsərinin içində, 3 hekayə yer alır:
1) Rahel Tanrı'yla Hesaplaşıyor
2) Üçüncü Güvercinin Hikayesi
3) Ölümsüz Kardeşin Gözleri
Mən 3-cü hekayəni, onsuzda ayrıca oxumuşdum deyə, onu təkrardan oxumadım. Hətta əvvəl ki, postlarımda o kitab haqqında ətraflı paylaşım da etmişəm. Digər iki hekayə isə daha çox Tövrat və İncildəki yer alan mətnlərə əsaslanan hekayələr idi. Kitaba adını verən hekayə, yəni “Rahel Tanrıyla Hesaplaşıyor”, Rahel adında bir qadının Tanrıya olan üsyanından bəhs edir. Kitab Tanrı'nın insanlara qəzəblənməsi ilə başlayır. Bu səbəbdən yer üzündə çoxlu fəlakətlər baş verir, evlər dağıllır, sular daşır və s. Məhz bu anda Rahel ortaya çıxaraq uca səslə Tanrıya yalvarmağa başlayır. O öz dualarında, Tanrıdan onun xalqını əfv etməsini istəyir. Tanrı onun dualarına cavab verməyəndə isə, bu dəfə o keçmişdə baş vermiş bir hadisəni həm bizlərə, həm də Tanrıya nəql edir. Əslində Rahelin yaşadığı şey, istənilən bir qadın üçün çox ağır bir hadisədir, məhz Rahel, belə bir anda belə qəlbindən Tanrıya olan inancını əksiltmədiyini vurğulayır və beləliklə dualarındaki arzuları çin olur. Hər iki hekayə də, “Dini Öğreti” deyə biləcəyimiz cinsdə hekayələrdən idi və Zweig onları ədəbiyyat ilə harmoniyalaşdıraraq bizlərə ötürüb.
"Cəhənnəmdən gələn səs" əsəri mənim üçün ən dəyərli kitablardan biridir. Ümumiyyətlə, müəllifin yaradıcılığını hər zaman yüksək qiymətləndirmişəm, lakin bu əsər mövzusu və yaratdığı emosional təsir baxımından mənim üçün xüsusi yer tutur.
Vətənpərvərlik mövzusu mənim üçün çox önəmlidir və bu kitab həmin hissləri dərin şəkildə yaşatmağı bacarır. Əsərdə doğma torpaqlarımızın taleyi, xalqımızın yaşadığı ağrılı hadisələr və qanlı tariximizin müəyyən səhifələri elə təsvir olunur ki, oxucu hadisələri sadəcə oxumur, sanki onları hiss edir və yaşayır.
Kitabda təkcə tarixi hadisələr deyil, həm də insanlıq, fədakarlıq, ailə dəyərləri, ana-oğul münasibətləri və vətəndaşlıq məsuliyyəti kimi mövzular da təsirli şəkildə işlənib. Məhz buna görə əsər məndə güclü emosional iz buraxdı. Bu kitabı gələcəkdə yenidən oxumağı düşünürəm. Çünki mənim üçün sadəcə maraqlı bir əsər deyil, həm də duyğusal və mənəvi baxımdan dəyərli bir kitabdır.
Elxan Elatlının yaradıcılığını çox bəyənirəm. Mənim fikrimcə, onun əsərlərinin ən güclü tərəflərindən biri sadə, axıcı və rahat oxunan dilə sahib olmasıdır. Kitabları detektiv janrında yazılsa da, müəllif yalnız hadisələrin araşdırılması ilə kifayətlənmir. O, eyni zamanda insan psixologiyasına, ailə münasibətlərinə, cəmiyyətin problemlərinə və yaşadığımız dövrün reallıqlarına da toxunur.
"Xəstə ruhlar" da məndə dərin təəssürat yaradan əsərlərdən biri oldu. Tarixi əsərlərə marağım olduğu üçün bu kitabı böyük maraqla oxudum. Əsər həm düşündürücü mövzuları, həm də maraqlı süjeti ilə diqqətimi sonadək saxlaya bildi.
Mənim üçün bu kitab sadəcə maraqlı bir roman deyil, həmçinin insan təbiəti və cəmiyyət haqqında düşünməyə vadar edən əsərlərdən biridir. Elxan Elatlının yaradıcılığı ilə tanış olmaq istəyən oxucular üçün yaxşı seçim hesab edirəm. Şəxsi kitab siyahımda isə ən dəyərli beş kitabdan biri kimi yer alır.
Elxan Elatlının "14-cü adam" əsəri mənim üçün ən təsirli kitablardan biri oldu. Xüsusilə sonluğu uzun müddət yadda qalan və insanı düşünməyə vadar edən bir təsir yaradır. Məhz buna görə əsər məndə ağır və dərin təəssürat buraxdı.
Bu kitab mənim Elxan Elatlıdan ən çox sevdiyim üç əsərdən biridir. Əsərdə cəmiyyətə və insan həyatına dair bir çox reallıqlar əks olunub. Firdovsinin həyatı insanı çox təsirləndirir. Müəllif hadisələri maraqlı və axıcı şəkildə təqdim etdiyi üçün kitab rahat oxunur və diqqəti sonadək saxlaya bilir. Düşünürəm ki, həm Elxan Elatlının yaradıcılığını sevən oxucular, həm də onun əsərləri ilə ilk dəfə tanış olacaq şəxslər üçün bu kitab yaxşı seçimdir. Mənim üçün həm mövzusu, həm də yaratdığı emosional təsir baxımından yaddaqalan kitablardan biridir.
Normalda klassik ədəbiyyat üstünlük verdiyim janr deyil. Bəzən bəzi klassik əsərlərin həddindən artıq şişirdildiyini, lazımsız dərəcədə uzun olduğunu düşünürəm. Lakin "Səfillər" romanı bu fikrimin ən böyük istisnalarından biridir.
Bu əsər məndə dərin iz buraxan kitablardan oldu və gələcəkdə yenidən oxumaq istədiyim əsərlər sırasındadır. Roman təkcə fərdi taleləri deyil, həm də dövrün sosial ədalətsizliyini, yoxsulluğu, insanların yaşam mübarizəsini və cəmiyyətin müxtəlif təbəqələrini təsirli şəkildə əks etdirir. Oxuyarkən bəzi hadisələr insanı kədərləndirir və narahat edir, lakin məhz bu güclü emosional təsir əsərin ən böyük üstünlüklərindən biridir. Müəllifin bütün əsərlərini eyni dərəcədə sevməsəm də, "Səfillər" mənim üçün əsl şah əsərdir. Şəxsi kitab siyahımda ilk onluqda yer alan bu romanı klassik ədəbiyyata marağı olan hər kəsə tövsiyə edərdim.
Bəhram Əhməd - “Paramneziya”
Bu gün sizə Bəhram Əhmədin "Paramneziya" kitabı barədə danışacam. Bu, yazıçıdan oxuduğum ikinci kitabdır. İlk oxuduğum "Vorkuta əkizləri" pis deyildi, bəyənmişdim. Amma mənə görə, yazıçının bu kitabı birincidən qat-qat yüksək səviyyədədir. Sözsüz ki, zövqlər müxtəlifdir, amma mənim fikrim budur.
Bu kitabı mənə hədiyyə edən dostuma təşəkkür edirəm bir daha. Bildiyim qədərilə hal-hazırda satışda yoxdur və tapılması bir az çətindir. Amma təhlilə başlamazdan öncə dərhal bir məqamı vurğulamaq istəyirəm: bu kitabı harda görsəniz, mütləq şəkildə alın və oxuyun. Bu il oxuduğum və sonunda rəsmən "vau" dediyim, heyran qaldığım ən yaxşı kitablardan biridir. Bunu öncədən deyim, biləsiniz.
Kitabın mövzusuna gəlincə, qarşımızda kiçik həcmli, bir oturuşa, bir nəfəsə oxuyub bitirə biləcəyiniz hekaye var. Elə buna görə də mövzu haqqında çox ətraflı danışıb, spoiler vermək istəmirəm.
Hadisələrin mərkəzində Nərmin adlı bir psixoloq, həyat yoldaşı və övladı dayanır. Kənardan hər şey olduqca normal görünür və standart, sakit bir ailə həyatı sürürlər. Lakin günlərin bir günü onun qəbuluna Sevda adında bir qadın gəlir. Məhz bu görüşdən sonra Nərminin bütün dünyası alt-üst olur. O, öz keçmişinin və yaşadıqlarının görünməyən tərəflərini, gizli qalan əsl həqiqətlərini öyrənməyə başlayır. Sevda xanımın nə danışdığını və bu görüşün Nərminin həyatını necə dəyişdiyini bilmək üçün isə bu kitabı mütləq oxumaq lazımdır.
Ümumiyyətlə, mən bu tərz psixoloji triller kitablarını çox sevirəm. Müəllifin məni ustalıqla aldatmasına, kitab boyu ilk səhifədən son səhifəyə qədər böyük bir yalana inandırmasına heyranam. Çünki kitabin sonunda o yalanın əsl üzünü, gizlənən həqiqəti sənə elə çarpıcı ve heyratamiz şəkildə göstərir ki, donub qalırsan. Bir sözlə kitab "tərs köşə" - mən
