Yeridiyi yerdə birdən ağlına bir düşüncə gəldi, uzun müddət əvvəl unutduğunu düşündüyü bir düşüncə. Yıxıldığını zənn etdi, ancaq birdən diziüstə düşdü. Oturdu asfaltın üzərinə. Qıraqdan gələn bir adam “Qardaş, qardaş yaxşısan?” dedi. Üzünə baxdı. Adam o qədər qorxdu ki, tez təcili yardıma zəng etdi. Həqiqətən pis hiss etdiyini o anda anladı. “Ya Rəbb! Nə idi bu belə? Sən görürsən ay Allah, yaman pis oldum birdən, bu düşüncə məni buraxmır sanki.” Sonra yavaşca asfalta uzandı. Huşu yavaş-yavaş itməyə başladı. Adam əlini onun başının altına qoydu. Nə yaman rahat hiss edirdi. Huşu itdikcə rahatlaşırdı. “Subhanallah.” Son sözü bu oldu.