Həyatı içindən seyr etdiyimizə görə baş verənlər bizim üçün mənasız,səbəbsiz və əlaqəsiz bir təsadüf kimi görsənir. Həyata kənardan, yüksəkdən baxa bilsək, yaradılışa hakim olan mükəmməl ahəngi,nizamı və mənanı görərik. Həmin anda daxildən bir səs bizim bu aləmdə tənha olmadığımızı, bütün baş verənlərin pərdəarxasında gözəgörünməz,qüdrətli bir “əlin” mövcudluğunu pıçıldayacaq. Bütün vücudunla hiss edəcəksən ki, təsadüf yoxdur, hər şeydə bir məna var, sən mühüm bir varlıqsan.
Məni qəzəbləndirən bu insanların ikiüzlülüyüdür. Elə bir zamanda yaşayırıq ki, hamı ancaq pul və sərvət dalınca qaçır.Günümüzdə hərşeyə bir qiymət qoyublar.Şərəfə,məhəbbətə,qeyrətə, insana belə. İnsan artıq satılacaq mallarla eyni cərgədə dayanır