Beləliklə, SSRİ ərazisində dünya fəlsəfi fikrinin demək olar ki, bütün qollarını, bütün şaxələrini, bütün məktəb, nəzəriyyə və konsepsiyalarını əks etdirən ilk bioqrafik lüğət və
antologiya hazırdır. Müəllifin son iyirmi illik həyatı demək olar ki, bu kitaba həsr olunmuşdur.
Bu kitab əlbəttə, 82 yaşlı Əlisa Nicatın qürub şəfəqidir. Lakin o, bir çox hekayə, povest, pritça, roman və saysız fəlsəfi-publisistik esselərindən, yəni bir cildlik seçilmiş əsərlərindən ibarət bir kitab çap etdirə bilsəydi, bu, bütün dövrlər üçün ən nadir, ən qiymətli, ən dərin məzmunlu bir kitab olardı və elə güman edirik ki, hələ sağlığımızda belə bir imkan ələ düşəcək. Yox, qismət olmasa, bu gələcək ardıcılların və müdriklik pərvanələrinin öhdəsinə düşür
