En Beğenilen Şev Nîne Hûn Neyêne Xewna Min İletileri
En Beğenilen Şev Nîne Hûn Neyêne Xewna Min iletilerini, en beğenilen Şev Nîne Hûn Neyêne Xewna Min okur görüşlerini 1000Kitap'ta bulabilirsiniz.Xwe Şaş Nekî
Keziya te qevdeke agir e,
Her roj dirije nava jûra min a tarî.
Weha hest dikim,
Rojek dê bê... lehiya agirî rabe.
Bişirîna te keştiyek e,
Her roj riya xwe winda dike,
Weha hest dikim, rojêk dê bê
Li bendera dilê min raweste!
...
Abdulla Peşêw
Şev Nîne Hûn Neyêne Xewna Min
JIN
Bi dîtina te
Ez dîsa dibim benîademê serdema kevirîn;
Dîsa diçim nav şikeftên tarî, daristanên gurr;
Guhê xwe didime
Birûsk û gurmîna ewran û barana pirr;
Şaristaniya bişkoj û kabloyan winda dibe;
Raz
Tu nerme şitilek î, cana canan,
Çawa dikarî
Qeyd bavêjî piyê volkan,
Lixav bikî devê ziryan?
Çawa bi kêliyekê
Jîna'm weha direngînî,
Bi bîstekê jî
Qeşaya tê de dikî sergovendkêş?
Çawa bi kêliyekê
Mîna agir min pêdixî,
Bi bîstekê jî tu min weha dikî xwelî?
Abdulla Peşêw
Şev Nîne Hûn Neyêne Xewna Min
MIRIN
Ewê ku dinyayê dihêle,
Siwar e û hesp dibezîne,
Zîn e cihê mirina wî;
Çildan û ketina wî
Çawa bû, her wisa dimîne
Li ba dost û dijminê wî
Mirin, madem tu her têyî,
Rojekî wisa were,
Ez bo ba te di rê de bim.
Rojekî wisa were,
Pêta min venemirîbe,
Serbilind û li piya bim!
Abdulla Peşêw
Şev Nîne Hûn Neyêne Xewna Min
MIRIN
Ewê ku dinyayê dihêle,
Siwar e û hesp dibezîne,
Zîn e cihê mirina wî;
Çildan û ketina wî
Çawa bû, her wisa dimîne
Li ba dost û dijminê wî
Mirin, madem tu her têyî
Rojekî wisa were
Ez bo ba te di rê de bim
Rojekî wisa were
Pêta min venemirîbe
Serbilind û li piya bim!
Abdulla Peşêw
Şev Nîne Hûn Neyêne Xewna Min
ŞADÎ
Şadiya dinyayê mîna rojê ye,
Carinan diyar e, carinan winda.
Dixwazim biçime asman,
Heta li wir bibime rêgir,
Şadiyekê bo te zeft kim,
Ne xem bigihîje keviyê wê,
Ne melisîn di ber re biçe...
Şadîyek be,
Li asîmanan - ya stêrkan,
Li ser erdê jî - her ya te be.
Abdulla Peşêw
Şev Nîne Hûn Neyêne Xewna Min
SEDAN SAL IN
Sedan sal in,
Di wêrana mala xwe de,
Pisîka kor a goşeya metbexa sultan im.
Sedan sal in,
Hewşa min vala ye û
Li ber deriyê dizên xwe ez pasevan im.
Kenîna min, girînek e,
Bişirîna hemû dinyayê diçilmisîne. Şev Nîne Hûn Neyêne Xewna Min
Ji Bo Enternasyonalîstekî
Ji bo hevalê Selvadorîm Xosé Romêros
Lome li min meke!
Ez jî, wek te, goga zemînê mala min e,
Asman jî hevrîşmê keça xeyala min e;
Wek te xwerist im,
Wek te jî dixwazim, heta serî xwerist bim.
Loma serbenda şî'ra min her Kurd e,
Lew ez Kurd im û nahêlin Kurd bim!
Abdulla Peşêw
Şev Nîne Hûn Neyêne Xewna Min
JI QEREÇIYEKÊ RE
Bes li kefa destê'm binêr!
Ez naxwazim tu bêjî min,
Dibim bavê çend zarokan,
Zengîn dibim, yan her xizan...
Tenê tiştek tu bêje min: