Şîrîn go ba tecerrib: "Ey dilawer!
Ji min çêtir hene pirr xûb û dilber
Bibîn tu dilberek dî mest û mehbûb
Bibe talib bûye ew bo te metlûb"
Şehê mestan go: "Ey ebrûhîlalem
Serê mûyek te nadim ez bi 'alem
Tu çi d'bêjî me ey dilbend û rahet
Sa'etek weslê te nadim bi cennet!"
Siyahpoş
Jêrenot
Ba tecerrib: bi tecrûbeyan
...
Lebê fîncanê yaran zêde mest in
Dilê min bir bi zilfa xwe ve bestin
Li pê xwe dê bikêşin şibhê tûle
Bi min pirr xweş, ew hal min qebûl e
Kesê negrî bi zulfê mahîtaba
Dimînî ta ebed ew der 'ezaba
Me lew girtine ew zilfê mi'enber
Terk nadem bi kuştin camê dilber
...
Siyahpoş
Jêrenot
Leb: lêv
Tûle: kûçik
Der 'ezab: di 'ezab
Xezel
Ya Rebb çi 'ecêb mame li wê husn û cemalê
Wê dêmzerî yû surperî yû ebrûhîlalê
Çîn çîn li xwe berdane siyeh zilfê mi'enber
Marên di reş in, dikeyn 'ezm û qitalê
Cebhet wekî bedrê ye minewwer xetê reş lê
Bê cezbe dilerzîn li teref zilfê delalê
Lê ez ji xizêma qurnefil da mame heyrê
Zêrê ji xwe xalis bû wekî niqteyê dalê
...
Siyahpoş
Jêrenot:
Çîn çîn: xelek xelek
qurnefil: qerenfîl
Seyf-ul Milûk û Bedî-ûl Cemal
...
Cewab dayê şîrîn Şahê şekerrîz
Go: "Ey nûrîn liqayê fitneengîz
Cemalê dilkuşayet bit mibarek
'Ezîzem ma heye min ixtiyarek?