Hər nəyim var edərəm mən ki fəda gözlərinə
O kiçik, amma ki qiymətdə baha gözlərinə.
Gözlərin fikri ilə nalədəyəm şamü-səhər
Yetməyirmi bu qədər ahü-nəva gözlərinə.
Saçını aç tök üzə, gözlərini gizlət ki
Baxmasın məkr ilə hər çeşmi-gǝda gözlərinə.
Atmışam daşını Tanrıya dua eyləməyin
Edirəm dərdə düşən vaxtı dua gözlərinə.
Belə zülm eyləmək olmaz, mələyim, bir vaxt tap
Azca rəhm etməyi öyrət o qara gözlərinə.
Ey günəş çöhrəli, görcək səni yumdum gözümü
Neyləyirsən düşə gər böylə şüa gözlərinə.
Fəhminin heyif ki, var canı, qalmış mətəl
Bilməyir qurban edə zülfünə, ya gözlərinə?
Qəfildan ətrini duydum, elə bildim ki, sən gəldin,
Çönüb gördüm ki, sən yoxsan, gələn badi-səba imiş.
Öpən har gün üzündən, saçlanndan mən deyildim heyif
Günəşdən ayrılıb düşmüş həyasız bir şüa imiş.