Alaya me
Ya têkoşînê
Sparî hewe ...
Dahatûya zarokan e, Lêneqişandî
Paçê wê ji dîbayê serbestiyê
Bratî, wekhevî û serbilindî
Ayatê pîroz in, ku lê kişandî.
Me ew ji dest nexist heta mirinê
Me serê we serbejêr nekir
Bi rûreşiya jihevketinê
Ev alaya ha
Sparî hewe.
Nekeve ha!
Nabe ku nîvcû bimîne destana me
Ji gulên curbecur baxçê dîtinê
Bêpar bimîne
Û Fikr û raman
Stewr bimînin ji rengên dinê
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
Ji Yılmaz Güney re
Niha ne wextê mirinê ye.
Çavê milyonan li te!
Niha ne wextê şînkirinê ye,
Dengê milyonan bibe xwe
Rabe,
Bi kerem
Çavê xwe veke.
Niha ne wextê mirinê ye
Destê me likar sar meke!
Bar meke ewrên di çavên me li taviyê
Keserê li dilê me siwar meke!
Kî nanê me dixwe, bitir dibe
Kî j' ava me vedixwe, çavsor...
Hingî ew bitir bû, em lewaz
Hingi ew bi hêz bû, em bê taqet man.
Û wî
Bext û qewl û qerar
Ji bîra xwe ya şahane hilani.
Ji esman hatin em,
-Wek kurd-
An
Ji erdê hêşîn bûn bi awakî?
Kengê... çawa... çilo...
Peyda bûn li vî xakî?...
Kes nîne bersiva vê pirsê bide
O bîra tarixê jî ji heq dernayê.
Tiştê tê zanîn
Ji destpêka zemanekî nebinavkirî
Em li vê deverê ne.
Me gêra vî xakî kire war
Û vî warî kire milk
Me xwe jê re feda kir
Ji silqê safî.