Akış
Ara
Ne Okusam?
Giriş Yap
Kaydol
Gönderi Oluştur
Alışveriş
Keşfet
Kitaplar
Yazarlar
Okurlar
1000Kitap Android UygulamasıÜCRETSİZ – Google Play'den indirin
1000Kitap iOS UygulamasıÜCRETSİZ – App Store'dan alın
ŞartlarGizlilikTopluluk KurallarıHakkımızdaReklam VerinİletişimKütüphanecilerDizinlerÇerez Politikası
©2024 · 1000Kitap Web Uygulaması · 2.36.26
Miss Eden
Miss Eden
@mrseden
ASOİU
554 okur puanı
Kasım 2019 tarihinde katıldı
Okuma Hedefleri
215 syf.
9/10 puan verdi
Üz qabığında da göründüyü kimi dəlilik və dahilik arasında səyahət edən Asilin hekayəsi. Bu hekayə 3 yaşında alınan travmanın , ya da dəli doğulmanın insana nələr etdiyini danışır. Dəli olunur mu? Dəli doğulur mu? Əsərdəki heçlik, suç, pislik, yaxşılıq, həyatın anlam sorğulamaları haqda düşüncələr olduqca düşündürücü və təsirli idi. Əsərin əvvəlində biraz "ay noluyyooo, ay noluyyooo" desəniz də, yavaş-yavaş bütün daşlar sonradan yerinə oturur. Hakan Gündayın qələmilə tanışlığıma şad oldum.
400 syf.
10/10 puan verdi
İl ərzində oxuduğum ən yaxşı kitablardan biri oldu, hər kəsə rahatlıqla tövsiyə edə biləcəyim bir kitabdır. Kitabın adın müxtəlif cür tərcümə etsələr də , məncə ,ən uyğunu "Acımak"dı. Stefan kiməsə yazığı gələn bir kəsin də, xəstənin də psixologiyasını o qədər mükəmməl təsvir edib ki. Sürükləyici əsərdir, doğrudan da. Bəzən bizlər birisinə "acımaqla" yükümüzü xəfiflətdiyimizi sanırıq. Ancaq bəzən unuduruq ki, acıdığımız həmən kəsi qırırıq, öldürürük içdən-içə. Sizin ruhunuzu bəslədiyiniz mərhəmət, bir başqasının ruhunun zəhəri ola bilir :/
88 syf.
8/10 puan verdi
Halil Cibranın qələmində hər hiss pıçıltıyla anlatılır sanki. Ən hüznlü, kədərli hisləri belə zərif şəkildə çatdırır oxucuya. Sevimli yazıçılarımdan biridir elə ona görə. "Kırık kanatlar" şərq ölkələrindəki cəhalətin qadınların qol-qanadını necə qırdıqlarından bəhs edir. Qadınlar nə vaxta kimi ki, o cəhalətə, ölkənin cəhalətinə boyun əyəcəklər, məhz o zamana kimi də qırıq qanadları ilə Selmanın sonunu yaşayacaqlar.
Okur Takip Önerileri
104 syf.
5/10 puan verdi
Ölüm və doğumla bağlı 2 hissədən ibarət biraz absurd, biraz fantastik , biraz da sıxıcı kitab :( İncələmələrə baxdım. Eləsi var deyir çox təsirli idi filan. Zövqlər mübahisəyə açıq deyil, o heç. Amma bilmədim mənim ruhum ölüb , mənə o qədər təsir eləmədi, yoxsa ölüm və doğumla bağlı düşüncələrim, oxuduqlarımın yanında bir az bəsit qaldı . Ola da bilər ki, heç oxuma moodunda deyiləm bu aralar. Kitabı zay elədimmi bilmirəm,ağlımda qalacaq həmişə. Amma ki storyteldə səsləndirən də ləzzət eləmədi ən pis incələməm də bu oldu.
120 syf.
8/10 puan verdi
Evcil bir it olsan belə, həyat qabağına elə şərtlər qoyur ki, sən canavardan belə daha yırtıcı olmaq məcburiyyətində qalırsan, həyatla mübarizə aparmaq, bu mübarizədə məğlub olmamaq üçün! Jack Londonun əsərlərindəki yaşam mübarizəsini çox sevirəm sonu necə bitirsə, bitsin. Ürküdücü və ürək ağrıdan, incidən bir mübarizə idi. Sevilirsən, Jack!
83 syf.
·
Puan vermedi
İkinci dünya müharibəsinin insanlara törətdiyi çətinlikləri , hansı psixoloji vəziyyətə düşə biləcəyini yazır. Həmin müharibə bir gün bitir. Bir tərəf zəfər çalır, digər tərəf məğlubiyyətə uğrayır. Lakin ondan sonra heç nə əvvəlki kimi olmur. Müharibənin insanlara verdiyi psixoloji zərərlərdən bəhs edir əsər. Obrazın özünün beynindəki iç savaşı , bəzən ağ, bəzən qara olmaq məcburiyyətində olması, ağın zəfərinə sevinərkən , qaranın məğlubiyyətinə üzülməsi eyni anda mümkünmüdür? Əgər ağ və qara tərəf hər ikisi sənsənsə, mümkündür, əlbəttə. Əsəri o qədər həyəcanla oxudum ki, ciddən. Və bir an özümü obrazın yerinə qoydum. Mən bir otaqda tək masa, yataqla günlərlə , həftələrlə qala bilərdimmi? Zamanı bilməməkçün saatım olmasaydı, yazmamaqçün qələmim olmasaydı, biləklərimi kəsməməkçün bıçağım olmasaydı, siqaret çəkən biri olsaydım və özümü rahatlatmaqçün siqaretim olmasaydı mən nə edərdim, hansı vəziyyətə düşərdim orada? Bəs siz heçliyə məhkum olsaydınız nə baş verərdi sizə, heç düşündünüzmü? Mən düşündüm bu əsərdən sonra. Əsərin mənə bu qədər çox şeyi düşündürməsi Stefana heyranlığımı bir daha qat-qat artırdı. Təşəkkürlər, Stefan, bizə belə əsərlər bəxş etdiyinçün.
520 syf.
10/10 puan verdi
Bəzi kitablar olur ki, oxumaqdan çəkinir, oxuduqdan sonra isə "niyə ertələmişəm bu kitabı?",- deyirik. "Martin Eden" mənim üçün elə kitablardan oldu. Hətta spoiler yediyim, lakin yenə də böyük bir həvəs və həyəcanla oxuduğum bir kitab. Eden obrazı ilə biz təbəqələrarası "soyuq savaş"ı çox aydın şəkildə oxuyur, görür
682 syf.
·
Puan vermedi
Çexovun bu kitabında 37 seçilmiş hekayə yer alıb. Hər hekayə bir-birindən gözəl idi. Kimi zaman, cəmiyyətdəki problemləri( təhsildə olan problemlər, cahillik, hakimiyyət) kimi zaman varoluş sancıları çəkən insanın ağrılarının hansı həddə çata biləcəyini, kimi zaman azad olmaq istəyən , öz arzularının ardınca qaçan insanın hekayəsini oxudum. Hər hekayəni uzun-uzun müzakirə etmək olar , o qədər önəmli məsələlərə toxunulub ki. Əgər hekayə oxumağı sevirsizsə, mütləq Çexovun qələminə də üz tutmalısız Bəzi hissələrdə qadınlar haqqındakı mənfi və narahat edən düşüncələri kənara çıxmaq şərtilə yazıçının qələmini sevirəm
184 syf.
·
Puan vermedi
Elə vaxtlar olur ki, varoluş sancıları çəkirik." Niyə varıq? Nə edirik bu dünyada? " kimi suallar gəlir ağlımıza. Kimisə itirdiyiniz, ya da ki ən acı çəkdiyiniz anı yadınıza salın bir anlıq. Varoluş sancıları bu ağrılardan belə daha ağırdır. Belə bir dövrdə tanış olduğum kitab idi. Bilirsiniz, aranızda "indi çox pis zəmanə"
976 syf.
9/10 puan verdi
"Səfillər" də həcmiylə məni ürküdən əsərlərdən biri idi. Siz heç səfil olduğunuzu etiraf etmisinizmi özünüzə? Ya digərlərinin səfalət çəkdiyinin şahidi olubsunuzmu? Kimisi varlıq içində səfalət çəkir, kimisi yoxluq. Siz heç vicdan səfili gördünüzmü? Sizin gördüyünüz hər səfilin üstü-başı toz, paltarları kör-köhnə idimi? Sevgidən,
842 syf.
10/10 puan verdi
Həbsxanadan qaçmağı bacaran adamın həyat hekayəsi. Bir çoxlarımız insanların həbs olunana qədərki dövrünü bilir, bəs sonra nə baş verir? Özü də həyatı qaçaq tərzdə yaşayırsansa. Azadlığın dəyərini həbsə atılmadan bilmək mümkün deyilmi, həqiqətən? Gərəkmidir həbsxanada işkəncə görmək ki, sonrasında bilək azadlığın dəyərini? Həbsə tıxılmağa qayda pozuntuları səbəb olur, eləmi? Bəs sən həbsxanadaykən sənin hüququnu çeynəyənləri kim cəzalandıracaq? Bəs eroin istifadəsinin həyatı məhv etməsini neçə nəfər, həqiqətən, dərk edir? Narkotik sizin həyatınızı oğurlayır. Əgər siz həyatın nə olduğunu bilirsinizsə, çox əla! Bəs yaxşı... Hər kəsin qaranlıq tərəfi olmurmu? Mühüm olan o qaranlığı tapıb o insanı o qaranlığa yenidən kim bilir neçənci dəfə tərk etməkdirmi, yoxsa onun qaranlığına qərq olduğun an qəlbinin aydınlığına çatmaqdımı? Ah Karla... Ah, Prabu... Kadir... Lin... Sizi necə çox sevdiyimi bir bilsəniz. Prabunun gülümsəməsini hər ağlıma gətirdikdə üzdə yaranan təbəssüm yazıçının uğuru deyilmi? Karlada neçə dəfə özümü tapdım, itirdim , yenidən tapdım. Hər obrazın özünəməxsus günahları, səmimiyyəti, yaraları var. Lində özümü dəfələrlə tapmağıma nə deməli? Hər birinizi çox sevdim. İçində həm sevgi, həm nifrət, həm günah, həm savab, həm sevinc, həm kədər, həm azad insan, həm məhbus vardı.
266 syf.
9/10 puan verdi
İnsan fərd üçündür, yoxsa cəmiyyət üçün? Siz öz şəxsiyyətiniz üçün, yoxsa cəmiyyət üçün formalaşdırırsınız özünüzü? Oxuyarkən dəhşətə qapılmamaq mümkün deyil. Elə bir dövr təxəyyül edin ki, "ailə" qavramını əxlaqsızlıq adlandırsınlar. Sadəcə kapsullarla xoşbəxt olmaq. Yəni doğrudanmı kədər, sevgi, şəfqət, qayğı, bütün bu insani hislərdən məhrum olmaq, ürəyi uçub getmiş vəziyyətdə yaşamaq ən yaxşısıdır? Texnologiyanın inkişaf sürəti insanlığı geridə qoyacaq, ötüb keçəcək qədər çoxdur və bu, təəssüflər olsun ki, qorxuncdur. Odur ki, yaşadığınız yaxşı, pis , bütün hislərinizin qədrini bilin. Vay o hala ki, ürəyimiz də , beynimiz kimi uyuşsun.
284 syf.
·
Puan vermedi
21-ci əsr sosial medianın zəhərlənməsi ilə tamam başqa bir çağa keçib. Biz "inkişaf edirik". Texnologiyanın sürəti isə bizi ötüb keçir. Sosial şəbəkələr xüsusilə karantin dövründə həyatımızın mərkəzini işğal etmiş vəziyyətdədir biz istəsək də, istəməsək də. Hər kəs "ən xoşbəxt mənəm" pozları verir. Ok. Buna kənardan izləyici olanlar isə sanki öz iç dünyasında "ən pis həyat mənimdir"i isbat etməyə çalışırlar. Amma həmin insanlar da qəribə şəkildə o maskanı taxmaqdan nəinki imtina edir, qeyri-adi şəkildə zövq alırlar: "Qonşudan qalma geri" misalı. Baxxx, əsərdəki Pollyanna da bir növ tam bənzər olmasa da, belə bir qızdır. Ok, optimist və ya pessimist ola bilərsən. Amma daha başına faciəvi bir şey gələndə də oturub onun acısını çəkmək əvəzinə üstünü ört-basdır edib heç nə yoxmuş kimi davranmaq riyakarlıq və Pollyannaçılıqdan savayı heç nə deyil. Acı çəkmək və onu bildirmək ayıb deyil axı :)
320 syf.
10/10 puan verdi
Fərz edin ki, ölümcül bir xəstəliyə tutulmusunuz. Ağlınıza gələn düçüncələr nə tərzdə düşüncələr olardı? Zatən həyatımızda azı bir dəfə də olsa özümüzü, keçmişimizi sorğulayırıq. Bəzən günahlarımıza görə edam edirik ruhumuzu, bəzən bir məhkəmə qurur və özümüzü özümüzə qarşı müdafiə etməyə çalışırıq. Hər insanın bir dövründə belə savaşlar mütləq ki olur. Əsərdə də 29 yaşlı gənc Ədalət ölüm döşəyindən dönərkən özünü sorğuya çəkir, ilk günahının axtarışına düşür və bu axtarış onu çox maraqlı yollara sürükləyir. Həqiqətən, sizin ilk günahınız xatirinizdədirmi? Mənim yadıma gəlmir açığına qalsa, amma o günahı işlədiyimiz andan etibarənmi dəyişirik, yoxsa işlədiyimizin, etdiyimizin günah olduğunu anladığımız anmı, bu, mənə maraqlıdır. Ədalət bütün insanları təmsil edirdi. Yazıçının özünə məxsus qələmi və bacarığı insanı həm güldürür, həm ağladır. Siz öncə ilk günahınızı düşünməyə vadar olursuz, sonra da bütün günahlarınızı sorğulamağa. Nə çox günah işləmişik ömrümüz boyunca. Nə çox suçluluq hiss edirik bir başqasının acılarına göz yumunca, susunca, o insanın həyatına toxunmayınca.
144 syf.
8/10 puan verdi
Əsərdə Gülüzar adlı qızın günlüklərindən hissələr yer alıb. Gülüzar qaçır dərdi Gülüzarı ərə vermək olan nənəsindən, ailəsinə ata, həyat yoldaşına həyat yoldaşı ola bilməyən atasından, məhəllənin "o nə deyər?" , "Bu , nə deyər?" deyə yaşayanlarından, " oxuyub neyniyəcəksən?" deyənlərdən, "sən qadınsan, belə ol ,bunu eləmə, bunu elə, neyniyirsən?" deyən canavarlardan. Qaçır bir ümidlə vəhşi cəmiyyətdən, baskıcı ailədən, xoşbəxtliyə, bilgeliyə doğru. Sadə dillə çox gözəl anlatılmışdı dərdlər, o qaçış.
56 syf.
·
Puan vermedi
Stefana olan sevgimin hər kitabda qat-qat artması normaldı? Əsər keçmişdə yaşayanlara həsr olunub, deyə bilərəm. Maraqlıdır, görəsən, həqiqətən, duyğuların qarşısında zaman çarəsizdir? Yoxsa duyğular zaman qarşısında çarəsizdir? Məncə, vəziyyət bunu paradoksa salır. Oxuyarkən görəcəksiniz , onsuz da o paradoksu. Zamandan bəzən bizi sağaltmasını gözlərkən, öldürücü ,ən ağır zərbəni ala bilirik. Stefan , təbii ki, əsərdə bunları həmişəki kimi, çox gözəl şəkildə təsvir edib. Adam resmen bizim adını qoymadığımız, səbəbini anlamadığımız şeyləri belə elə gözəl, aydın və vurucu izah edir ki, qələminə, ruhuna aşiq olmamaq əldə deyil. Gecə-gecə övgüm bu qədər idi , təşəkkürlər :d
104 syf.
10/10 puan verdi
Dinlədiyim ən gözəl kitablardan biri idi. Sanki meşədə yürüyüşə çıxmısan və həyatı sorğulayırsan. Bəzən olur axı təbiətin qoynuna sığınırsan və təkcə öz həyatını yox, insanları ,insanlığı, həyatı, həyatda mövcud olan hər şeyi, hər kəsi sorğulayırsan. Bir çox şeyə fərqli tərzdə anlam yükləyirsən. Bəzən adam deyir , kaş ki , filan şey olam, filan kəs olam. Amma Hessenin dediyi kimi əsl xoşbəxtlik özün olmaqda gizlidi. Diqqətimi çəkən hissələrdən biri də yaxşı və pis düşünən insanlar haqdaydı. Çox can alıcıydı. Yazıçının qələmini sevdim və onla tanışlığıma məmnun oldum. Ağaclar gözəl düşünülmüş, hüzurlu bir metafor idi. Hətta 2-ci dəfə belə oxuya bilərəm, hüzur içində ifadə edirdi hüzursuzluq verən hisləri də.
80 syf.
10/10 puan verdi
Jack Londonun qələminə bir daha vurulduğum bir əsər oldu. Eşqin məsumiyyətini elə gözəl ifadə edir ki, əsərdə. Baş obrazların sevgisinə heyran qaldım. Təkcə bumu? Təbii ki, yox! 2 döyüşçünün psixologiyasının dərinliklərinə qədər enib Jack London əsərdə. Keyifli, həyəcanlı və çox düşündürücü idi. Qazanma hirsi hansı nəticələrə səbəb ola bilər, heç düşünmədən bu hirs ruhumuzun və qəlbimizin dərinliklərinə hopa bilir bəzən. Sonu məni təəccübləndirdi və duyğulandırdı.
63 syf.
10/10 puan verdi
Ola bilsin ancaq uşaq vaxtı oxumuşam, ya yox mifologiyaya dair. Mənə mifologiyanı sevdirəcək bu seriya. Məncə, mifologiyaya başlamaq istəyənlər bu seriya ilə başlaya bilərlər. Həm sadə şəkildə yazılıb , həm oxuması keyiflidir, qısa və öz. Zevs mifologiyada Tanrıların Tanrısı, atasıdır. Onun necə dünyaya gəldiyi, həmçinin başına gələnlərdən bəhs edilir . Eyni zamanda sonlara yaxın hissəni lap çox sevdim, insanlardan və insanlıqdan bəhs edilən həmən o hissə . Çünki beynimi qurcalayan milyonlarca sual var. Görünən odur ki, insanoğlu gün keçdikcə içini daha da çürütmək üçün əlindən gələni edir və bu daima belə gəlib, belə də gedəcək .
112 syf.
10/10 puan verdi
Halbuki məsələ çox bəsitdir : "İnsan xəstələnər və ölər". Bir dəfə birinə təqribi belə bir sual vermişdim: "Xəstə insanların həyat eşqi niyə bizimkindən daha çox və alovludur?" Cavabı ondan ibarət idi ki, bizlər sağlamlığımızın dəyərini yalnız onu itirəndə anlayırıq. Əsərdə xəstə psixologiyası çox gözəl bir biçimdə təsvir edilib. Bəzən ümid, bəzən sevgi, bəzən ümidsizlik, bəzən yalnızlıq dolu həmin o psixologiyadakı baş qəhrəman bizə çox şey danışır həqiqətdə və bildirir ki, ağır bir xəstəlik keçirməmiş bir şəxs əslində elə də çox şey bilmir həyatla bağlı. Razıyam bu fikirlə mən də. Və insan xəstə olarkən ağacın belə səhhətinə həsrət dolu baxır :)
120 syf.
7/10 puan verdi
Ümumilikdə qadın həyatları haqqında əsərlər oxumaqdan vaz keçə bilmirəm hər oxuyanda ürəyim parçalansa, yuxularımı qatsam belə. Dünyanın müxtəlif tərəflərində, ətrafımızda acı çəkən ,min cür acı çəkən, şiddət görən, zorakılığa məruz qalan qadınlar var. O qadınların hər birini qucaqlayıb yanında olmaq istəyirəm. Bu kitabın məni bu qədər sarsacağını bilmirdim. Düzdür, tərcüməsi yordu məni, yarı türkcə, yarı azərbaycanca ilə. Çünki hər iki dildə də rahatlıqla mütaliə edə bildiyim halda, belə olması mənə heç yaxşı təsir etmədi. Nəysə. Amma kitabı oxuyanda ürəyiniz parçalanır. Həssas insanlara oxumağı tövsiyə etmirəm. Bir qadının alın yazısı olur, bəzən doğuldu ev, coğrafiya. Bəzən nə qədər çabalasa, yıxıldığı yerdən qalxmağa çalışsa belə, həyat ona elə zərbələr vurur ki, öyrənir yaşaya bilmək üçün yumşaq yox, sərt olmağı. Bəs o sərtlik ölümü xilas kimi görməyinə belə gətirib çıxarsa nə olur? İnsanlara dəyər verməyi bacarın, bir insanın sizin ucbatınızdan həyata nifrət etməsinə yol açmayın, şiddətdən uzaqlaşın, psixoloji , fiziki, hər növ şiddətdən... (
72 syf.
·
Puan vermedi
Kitabın həm bir oturuşda oxunması mı deyim, yoxsa hansı gözəlliyindən danışa bilərəm bilmədim. Kitab min bir nemətlə zənginləşdirib Behrəngi. Həm uşaqlarçün, həm böyüklərçün olan ən gözəl əsərlərdən biridir məncə. Hətta düşünürəm ki, niyə bu qədər şöhrət qazanmayıb bu kitab? Bu kitab zəhmətlə, əməklə, torpağın,təbiətin, ümidin, düşüncənin , dostluğun gözəllikləriylə zəngindir. Behrənginin tənqid üslubuna o qədər heyran qaldım ki. Hətta oxuyarkən düşündüm ki, gələcəkdə uşağıma oxudacağım əsərlərdən biri də budur, bir çox hislərin aşılanması üçün.
112 syf.
10/10 puan verdi
Hər gün istər sosial medya olsun, istərsə xəbər , istərsə qəzetlər olsun. İndiyə qədər yüzlərlə, minlərlə xəbər çıxıb qabağımıza. Cinayət,şiddət, vəhşət , təcavüzlə bağlı xəbər. Harada oxuduğumu bilmirəm. Hafizəmdə ilişib qalmış bir cümlə var, tam da xatırlamıram. Lakin mənə maraqlı gələn bir şey var. Bu xəbərlər vəhşətləri, şərəfsizlikləri,
68 syf.
8/10 puan verdi
Əzizlərim, salamlar.🤍
Anketin nəticəsinə görə Stefanın qələmindən bir kitabın təhlilini paylaşmağım qərarına gəldik sizlərlə birlikdə. Stefandan indiyə qədər 5 kitab oxumuşam və bəlkə gələcəkdə Stefan kolleksiyaçısına da dönüşə bilərəm. O qədər sevirəm bu yazarı. Ən sevdiyim əsərlərindən biri olan "Yad qadının məktubu" bugünkü təhlil
Bilinmeyen Bir Kadının MektubuStefan Zweig · Türkiye İş Bankası Kültür Yayınları · 2022223,8bin okunma
509 syf.
·
Puan vermedi
Hər kəsə salamlar! 🤍
Bugün uzun müddətdir bitirdiyim lakin həm blokda olduğum, həm də vaxt tapa bilmədiyim üçün postunu ertələdiyim kitabın şərhi ilə qarşınızdayam. Dünya ədəbiyyatının ən məşhur əsərlərindən biri olan "Paris Notr-Dam kilsəsi" romanında çoxdan unudulmuş dövrün tarixi təsviri ilə yanaşı sadə insanın günlük yaşamı və
178 syf.
·
Puan vermedi
Hər kəsə salam! Səhifəni ilk açanda bir kitabdan bəhs etmişdim , hansı ki , mənim illərdir kitab yazmaq eşqim olmasına rəğmən, eşqim sönmüşdü və bu kitab məndə yenidən o eşqi küllərindən doğurdu. Kitab şəxsi inkişaf və motivasiya dolu bir kitabdır. Və düşündüm ki, karantin günlərində , hər kəsin özünə ayıracaq vaxtı olduqca boldur. Və bu vaxtdan səmərəli şəkildə istifadə edərək xəyallarımıza, məqsədlərimizə 1 yox , bir neçə addım ata bilərik. Buna kömək edəcək vasitələrdən biridir bu kitab. Sizi ruhlandıra biləcək, itirdiyiniz motivasıyanızı qazandıra biləcək bir gücdədir. Pdf şəklində də oxuya bilərsiniz. Mən elə oxumuşdum. Xoş mütaliələr hər birinizə.
261 syf.
·
Puan vermedi
Hər kəsə salam! 🤍 Bu gün daha fərqli nüanslara toxunmuş bir kitabla gəlmişəm sizə! Bu "Milçəklərin Tanrısı" kitabıdır. Bəli. Əsərin qısa məzmunundan bəhs edək ilk öncə. Gələcəkdəki atom savaşı zamanı, güvənilir bir yerə aparılması üçün bir təyyarə tutulur. Və o təyyarədə 6-12 yaşlı uşaqlar olur. Lakin bu təyyarə yolda qəzaya uğrayır və uşaqlar adaya düşür. Və olanlar olur bundan sonra. Nələr mi olur? Cənnət kimi bir adanın cəhənnəmə çevrilişini görürük. Nəyin , kimin sayəsində mi ? Uşaqların. Bəli, bəli, uşaqların. Bizlər həmişə düşünüb , elə fərz edirik ki, uşaqlar məsum canlılardır və onların qəlbinə kirlilik bulaşmayıb, kin döyməyib ürəklərinin qapılarını, liderlik arzusu onları məhv etmə gücünə malik deyil. Lakin bu əsərdə yazıçının verdiyi mesaj o qədər gözəldir ki, insan əsəri bitirdikdə oturub düşünür. Donub qalır. Əsər boyu da bunu bacara bilir. Diqqətli oxucu əsəri oxuduqca görür ki, məsumiyyət uşaqların da əlindən alınır. Və məsumiyyəti ürəklərindən alan, onların paxıllığı, kini, içlərində gizlətdikləri bütün vəhşi hisləri olur. Elə bir əsərdir ki, insanı yox, insanlığı düşündürür. Çünki həqiqətdə onların cənnət kimi yeri cəhənnəmə çevirdikləri yer ada yox, onların qəlbləri və məsumiyyətləri idi...
