Əslində dedektiv kitablarının qalın olmasını o qədər də sevmirəm. Qatilin tapılmasının gecikməsi, ona gedən yolların xırdalıqları və s. Lakin bu Aqata Kristinin əsəridirsə bütün neqativ düşüncələr beyindən silinir.
Əsərdə yaşlı qulluqçu qadın xanım Makgintinin ölümündən bəhs edilir. Bu qadının ölümdə günahkar, edam cəzasına məhkum olunan isə onun kirayəşini Ceyms Bentlidir. Lakin polis inspektoru Spens özü onun əleyhinə faktlar tapsa da Ceyms'in qatil olmasına inanmır. Edama günlər qalmış Spens, Erkül Puaroya müraciət edir. Puaro qatili necə aşkar edir? Qatil Ceyms Bentlidir? Yoxsa qulluqçunun işlədiyi evlərin sahibələrindən biri? Yoxsa onun sadəcə qəzetdə görüb tanıdığı sima? Bunların cavabları Erkül Puaronun yenə qətlin sirrini açdığı 288 səhifəlik kitabda öz əksini tapır.