Şəhla Rşd
@shehlarshd
Mən öz dinimi tapmışdım:dünyada heç nə mənə kitablardan daha önəmli görünmürdü. Kitabxana isə məbədim idi. J.P.Sartre
1985 okur puanı
Temmuz 2014 tarihinde katıldı
Vladimir - Bartol Əlamut
Möhtəşəm bir əsərin daha sonuna gəldim. Qısa bir haşiyə; təkrar oxuyurdum.
Dəhşətli, bir o qədər də dərs çıxarılmalı olduğunu düşündüyüm bir dövrü oxudum, tarixə toxundum, ta qədim dövrlərə - Səlcuqlar dövrünə getdim, bildiklərimi xatırladım, bilmədiklərimi öyrəndim... Öyrəndiklərim qarşısında dəhşət yaşadım. Daha çox öyrənmək üçün geniş bir araşdırma eləməli olduğumu düşünürəm.
Qeyd eləyim ki, əsər, XI yüzilliyə damğasını vuran, törətdikləri terrorlarla, cinayətlərlə adı tarixə qatil təşkilat kimi keçən Həsən Səbbah və Xaşxaşilər təriqətindən bəhs eləyir. Bilənlər bilir, bilməyənlər üçün; orta əsrlərin dəhşətli terrorçu təşkilatlarından biridir. Canlı bombaların yaranmasının da əsası həmin təriqətlə başlayır... Amin Maloufun "Səmərqənd" əsərində də məlumat verilib bu təriqət haqda. Sözümün canı odur ki, oxuduqca radikal terrorçu təşkilatların kimdən ilham aldığını anlamış oluram. Eyni sistem, din adı altında eyni əxlaqsızlıqlar, eyni oyunlar, eyni qəddarlıq, eyni cəhalət, eyni tragekomediyalar... Əsərdə Ömər Xəyyam və məşhur Səlcuqi sultanları Alparslan va Məlikşahın müdrik, uzaqgörən vəziri Nizamülmülkün real tarixi obrazları yaradılıb. Bu baxımdan da maraq doğuran əsərdi.
Yer üzündə öz "cənnət"ini yaradaraq, cahil, hələ dünyanı dərk etməkdə aciz, hər deyilənə inanacaq qədər saf, qanı qaynayan sadəlövh yeniyetmələri öz ətrafında toplayan, onlara xüsusi təlim-tərbiyə verən Həsən Səbbah bu gəncləri bir sözüylə ölümə, intahara göndərə biləcək gücə sahibdir. Bəs, nədir onun gücünün arxasında duran sehr?! Həqiqi Cənnətin açarlarına sahib olmasımı, yoxsa başqa bir bir şeymi?!. Əsəri oxumaq lazımdır! ))
Əsər, bir növ gözümü açdı, görünməyənin arxasındaki həqiqətə açıq gözlə baxmağıma önayaq oldu, hər gördüyümüzün və ya bizə söylənən nağılların,
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Eudjen Ovidiu Çiroviçi “Güzgülər kitabı”
Bu dəfə haqqında danışmaq istədiyim kitab, rumın əsilli yazıçı Eudjen Ovidiu Çiroviçinin “Güzgülər kitabı”dır. Əsər psixoloji detektivdir. Ədəbiyyatda ən sevmədiyim janr detektivdir. Oxuduğum detektiv əsərlərin sayı bir əlin 5 barmağını keçə, ya keçməyə. Ancaq bu əsəri oxumalı idim. Əvvəla, ona görə ki, bu kitabı bədii zövqünə güvəndiyim insanların məsləhətiylə almışdım. Daha sonra ona görə ki, bu kitab qrupumuzun yəni, “Kitabsevərlər”in nəşridi və qrupumuz hər zaman ədəbi cəhətdən seçilmiş kitabları nəşr elətdirir. Digər tərəfdən də əsər haqqında oxuyanlardan da müsbət rəylər eşitmişdim. Bütün bu səbəbləri göz önünə gətirərək və marağıma qalib gələ bilməyərək “Güzgülər kitabı”nı oxumağa başladım. Elə ilk cümləsindən aldı məni əsər. Fərqli quruluşu, maraqlı və axıcı diliylə kitaba aludə oldum. Bir neçə günün içində böyük həyəcanla oxudum və nəhayət bitdi. Kitab bitsə də, təsiri hələ də qalıb. Qeyd elədiyim kimi, əsər psixoloji detektivdir. Hadisələr üç qəhrəmanın dilindən danışılır. Birincisi, Riçard Flindir ki, hadisələrin birbaşa iştirakçısıdır, digər iki qəhrəman, jurnalist Con Keller və təqaüdçü xəfiyyə Roy Frimen baş vermiş cinyətin araşdırmaçılarıdır. 1987.ci ildə məşhur psixoloq professor Cozef Vider öldürülür. Ancaq cinayətin üstü heç bir şəkildə açılmır. Qətldə şübhəli bilinən üç əsas şəxs, Riçard Flin, Lora Beyns, Derek Simmons, proffessorun ən yaxınlarıdır. Onlar bir şəkildə bəraət qazanır və həyatlarına davam edirlər. Ancaq qətlin üstü açılmamış qalır. Üstündən illər keçir və Riçard Flin Con Kellerin elektron ünvanına məktub göndərir. Bu elektron məktubda o, qətlin bütün tarixçəsini yazdığını və əsərində cinayətkarın kim olduğunu açıqladığını qeyd edir. Nümunə olaraq əsərin birinci bölməsini oxuyub dəyərləndirməsi
Qısa, lakin sürükləyici, maraqlı, həyəcanverici, təhlükələrlə dolu bir hekayə. Fərqli həyat fəlsəfəsi olan gəmi kapitanı Larsen və Van Waydenin qəribə şəkildə yolunun kəsişməsi nəticəsində ucsuz-bucaqsız açıq dənizdə başlayan və davam edən hadisələr insanı özünə çəkir. Oxuduqca oxumaq istəyir və bəzən həyəcandan nəfəsini tutmaq dərəcəsinə gəlir insan. Yazıçının, həqiqətən də güclü təhkiyəçi olduğunu təsdiqləyən bir əsərdir, məncə. Jack Londonun qələminin gücü, möhtəşəm təhkiyəsi, hekayənin axcılığı bir neçə saata oxumağıma vəsilə oldu. Mən əsəri çox sevdim, oxuyanların da sevəcəcəyinə inanıram. Odur ki, oxuyacaq olan hər kəsə xoş mütaliələr!
İvan Qonçarov - Oblomov
İvan Qonçarovu "Adi əhvalat" əsərilə tanıyıb, çoxxx sevmişdim. "Oblomov" əsəri ilə uzun zamandan bəri tanış olsam da və kitab kitabxanamda bir neçə ildir ki, mövcud olmuş olsa da, kitabı oxumağa bir az tənbəllik edirdim. Bunun bir neçə səbəbi var idi. Lakin əsas səbəb kitabı oxuyan dostların əsər və qəhrəman haqda yanlış təəssürat yaratması idi. Əsərə başlamazdan öncə vecsiz, tüfeyli, alçaq, mənfur, pislik, şəxsiyyətsiz bir insanın həyatını oxuyacağımı zənn edirdim... Bir xeyli yanıldım. Əslində, Oblomov yanlış tərbiyənin, həddən artıq ərköyün böyüdülən, uşaqlıq duyğuları, enerjisi boğulan, heç bir əziyyət, çətinlik görməyən, hər işi onun əvəzinə görülən və üzərinə heç bir məsuliyyət qoyulmadan böyüdülən bütün uşaqların və Oblomovun valideynləri isə, onu bu qədər vecsizliyə sürükləyən bütün valideynlərin protoripidir. Hansı ki, cəmiyyətimizdə minlərlədir. Oblomov bütün həyatının belə keçəcəyinə inanmışdır. Hər şey rahat, əziyyətsiz, hazır gələcəkdi önünə. O sadəcə bunlardan zövq alacaqdı. Xəyallar - Cənnət, gerçəklik - Cəhənnəm!
Oblomov ağadır, amma sizin bildiyiniz ağalardan deyil, üzüyumşaqdır, mərhəmətlidir, pulunun hesabını, hara, nə qədər, nə üçün xərcləndiyini bilmir. Ətrafını fırıldaqçılar sarıb. Hərə bir tərəfdən talayır... Bəs, Oblomov nə edir? Heç nə! Həyata pəncərə arxasından baxır! Bütün uşaqlıq arzuları, xəyalları, hədəfləri kağız üzərində, sadəcə xülya olaraq qalıb. Evdən çıxmaq, insanlarla ünsiyyət qurmaq, dünyada baş verənləri öyrənmək, müzakirə, müdaxilə etmək - bütün bunlar ona görə deyil! Hətta bütün bunların ona nə dəxli var ki?! Həyat axıb gedir, o isə sağalmaz bir xəstəliyə məhkum olub.
Əsər, dil, mövzu, oxunaqlılığı baxımından həqiqətən möhtəşəmdir! İnsanı özünə çəkir, oxuduqca oxumaq istəyirsən, Oblomovmun taleyinə
Qulaq Arxipelaqı1000Kitap
Nəhayət bu əsəri bitirdim. Uzun müddət yol yoldaşım oldu... Bəzən dəhşətə düşürdü, bəzən göz yaşına boğdu, sarsıtdı, bəzən də ədalətsizliyə qarşı içimdə dəhşətli üsyan etmə arzusu qopartdı. Əsərlə birlikdə mən də bitdim sanki. O qədər ağır abu - havası var idi ki, oxuduqlarımı təsəvvür etməkdə belə çətinlik çəkdim. Sovet imperiyasının caynağında 71 ilə yaxın bir müddətdə yaşayan, əzilən, tarixi, dili unutdurulmağa, yox edilməyə çalışılan, neçə-neçə dəyərli, vətənpərvər, işıqlı şəxsiyyətləri məhv edilməyə, Vətən xaini adı altında məhkum olub sürgün həyatı yaşamağa məcbur edilən bir xalq kimi burda yazılanları oxumaq çox ağır gəldi, çox təəssüfləndirdi. İnsanın insanlıqdan çıxmasını, hansı səviyyəyə qədər qəddarlaşa, barbarlaşa biləcəyinin real tarixidi bu əsər. Hər kəliməsi, hər cümləsi hərfiyyən doğrudur! İdeal bir quruluş quracağını sanan, bu yolda bütün səmimiyyətilə mübarizə aparanlar ilk qurbanı oldu uğruna mübarizə apardıqları bu saxta quruluşun. Oxuduqlarımı beynim, ağlım, qəlbim, ruhum anlamaqda, qavramaqda çətinlik çəkərkən, bütün bu dəhşətləri, vəhşətləri real olaraq yaşayan insanlar necə psixloji, mənəvi, fiziki zərbələr alıblar, görəsən?! Necə dözə biliblər bunca təhqirlərə, alçaldılmalara, ağrılara, əzablara, işgəncələrə?! İnsanlıq tarixində insanın öz soy-kökünə genosidin ən bariz nümunəsi idi bu quruluş.
Əsərin müəllifi Aleksandr Soljenitsındır. Müəllif 1941.ci ildə II Dünya Müharibəsinə qatılır. 1945.ci ildə Stalinə sui-qəsddə günahlandırılaraq həbs olunur və kapitan rütbəsindən məhrum olunur. Əvvəlcə, Moskva, sonra ixtisaslaşmış Marfino həbsxanasında dustaq edilir. Daha sonra isə Qazaxıstanın siyasi dustaqlar üçün nəzərdə tutulmuş həbs düşərgəsinə göndərilir. Burada mədəsində xərçəng aşkar edilir. 1953.cü il həbsdən azad olduqdan sonra müalicə alaraq