Bir uzunun şeir
Qoy döyünsün ürəyim mənli ya mənsiz
Tələs alınacaq sözlər icazəsiz
Sizin mənası eyni oldu deyə də
Nə edib vaxtı daraldıb,yer yox(dur) təmiz
Dialektlə danışıb ötürürəm xəbəri
Olduğum kimi olanla işləyəndən bəri
Gərək şeiri sevim,olmasa da danışıq
Cavablandı.İndi düşdü yadıma səfərim
Çırpınan dəniz deyil,ya da qoy dəniz olsun
Qorxuram dəyişməyə,var məlumat(ın) toplusu
Bu nə dörd (4)hecadır,bu nə uyğunsuzluq
Vaxt var uydurmağa ya da yoxdur qorxusu
Lə iləhə illə Allah,bayrağın sloganı
Bir məşğuliyyətin gözü,zikri Logan'ın
Məna uzaqlaşdı,zorlandı bir oxucu
Burulğanı Murov dağın düzəltdi kurqanı
Reklam
Əvvəlcə axşam düşər, sonra mənim ürəyim…
Küləklər dənizlərin üzünü qırışdırar.
Qapını cırmaqlayar səni görmək istəyim,
Səbrimin pişiyini divara dırmaşdırar.
Əllərimi yandırar soyuq, quru fotolar
Axtararam, tapmaram otağımda ölməyi…
Külqabıda dəfn olar siqaretlər, qutular,
Qədəhlərə boşalar şüşələrin ürəyi.
Mən bu sevgi testini istəmirəm yoxlayım,
Qorxuram üç doğrunu silər yanlışın biri.
Başın çiynimdə yoxdu, səni necə qoxlayım?
Əllərimdə darıxır əllərinin boş yeri…
Mən bir az öz-özümdən, bir az səndən gedirəm
Mən hamıdan gedirəm gəlib sənə çıxmağa…
Hər səhər darıxmağı parça-parça edirəm,
Hər gecə qandallanır ürəyim darıxmağa…
Qismət Rüstəmov
İsa İsmayılzadə - Necə Deyim?Şiir
Neyləyim?
Mən səni sevə bilmədim,
Adsız çiçəkləri, otları sevdim,
Tanışları sevdim, yadları sevdim,
Ürəyimə yatan adları sevdim,
Neyləyim?
Tək səni sevə bilmədim.
Sızladım qarışqa yuvası üstə,
Göynədim "Sarıtel" havası üstə.
Dünyanın məhəbbət davası üstə
Tək səni, tək səni sevə bilmədim.
Ağacın üstündə budaqlar qoşa,
Budağın üstündə yarpaqlar qoşa,
Dağlar da, quşlar da verib baş-başa,
Nə olsun?
Mən səni sevə bilmədim.
Qol-qola söykənən budağı sevdim,
O dərəni sevdim,
Budağı sevdim,
Məni haraylayan ocağı sevdim,
Tək səni sevə bilmədim.
Bir baxışdan dağ çayına vuruldum,
Bulaq gördüm, ağ suyuna vuruldum,
Sənə şer yazım dedim, yoruldum,
Mən nə deyim, mən nə deyim?
Bilmirəm.
Həsrət də sevginin bir parçasıdır,
Həsrətin dolubdu boş ürəyimə.
Ayrılıq bir sənə ağır gəlməsin,
Sənsizlik yük olub çiyinlərimə.
Reklam
Reklam