En Beğenilen Husein Muhammed Gönderileri
En Beğenilen Husein Muhammed kitaplarını, en beğenilen Husein Muhammed sözleri ve alıntılarını, en beğenilen Husein Muhammed yazarlarını, en beğenilen Husein Muhammed yorumları ve incelemelerini 1000Kitap'ta bulabilirsiniz.
çavên xwe digirim
û tu têyî bîra min
nermiya destên te
germaya lêvên te
çavên te yên xewokî
bersîngê te yên destên te li ser
kenê te tê bîra min
kenê seyr
kenê matker
û peyvên te tev tomarkirî ne
di dilê min de
her tişt tê bîra min
her gavê cihê xwe
bi derziyê di min koliye
bi xwe dagirtiye
û avis kiriye
li ser rûnişteka li ber siya gûzê
li perava deryayê
dema ba pêlan diajon hingura êvarê
li kuçe û kolanan
li ber çavê her kesî
li meyxaneyê derengî şevê
dema badegêrrên xewto dixwazim me derxin
li pirtûkxaneyê li ber stara refên paşîn
li dikanê dema dikandar ber li derek din e
daku gustîl û guharan bo te ji şûşebendê derbîne
li giravekî ku ti kes din lê nebe
li sînemaxaneyê
li virtîvalahiya pêşandana pîştî nîvro
li ser qerriseya deryaçeyê
dema maç lêvên qerrisî germ dike
li nav nivînan piştî evandinê
di asansorê de ji qatê yekê ta yê şeşê
li xîzgeha peravê ji ber germaya rojê betilî
di hênikahiya peristgehê ve
dema oldar bo maça me lava dikin
li seyrangehê
û li her cihê pirr mirov lê hebin yan em bi tenê bin bi roj êvaran bi şev spêdeyan zû û dereng li şirrikbaranê yan kela tavê dixwazim te maç kim
Lêvên şeqbûyî.
Janên bêrawestan. û tînî.
çavên te
li mirina min dinerin.
Nêzîktir dibin
nêzîktir, birayên birçî.