Oxunub qurtarmış bir kitab kimi?
Mən səni görəsən harda unutdum?
Yağışda itirdim, qarda unutdum?
Nəsə, həyatdı da. Mən bu yaşıma
Kimlərdən, nələrdən doyub gəlmişəm.
Təkcə səni deyil, mən özümü də
Sənli günlərimdə qoyub gəlmişəm.
Məni axtar darıxanda
Səni qəm-qüssə sıxanda.
Yorulub sərsəm həyatdan
Gözünün yaşı axanda.
Məni axtar
Məni axtar darıxanda.
Bir həzin mahnı səsindən
Qədəhin əldə donanda,
Sürüşüb donmuş əlindən
Düşərək, yerdə sınanda.
Məni axtar.
Məni axtar darıxanda.
Məni axtar boş otaqda
Yoluna gölgə çıxanda,
Soyumuş güzgüdə bir qız,
Sənə hiddətlə baxanda.
Məni axtar.
Məni axtar darıxanda.
İlqar Fəhmi
Saçları bir zülfü-pərişan idi.
Cümlə cahan zülfünə qurban idi.
O qızın...
İndi səliqəylə daranmış başını qar tutur.
Saçlarını sanki qara rəng uduzur, ağ udur.
Unut məni səhərlər
Üfüq işıldayanda.
Yavaşca pəncərəndə
Budaq xışıldayanda.
Unut məni günorta
Külək günü əyəndə.
Divanda halsız-halsız
Kitab vərəqləyəndə.
Unut məni hər axşam
Sızıltıdan bezəndə.
Durub gedib ərinçün
Mixəkli çay süzəndə.
Unut məni dünən də,
Unut məni bu gün də.
Unut məni, unut tam
Səhər...Günorta... Axşam...