Yazar:
İlqar Fəhmi
Tahmini Okuma Süresi:
4 sa. 25 dk.
Sayfa Sayısı:
156
Basım Tarihi:
2011
Yayınevi:
Qanun Neşriyyat
Ülke:
Azerbaycan
Dil:
Azerbaycanca
Format:
Karton kapak
Sıralamalar
Reklam
Yorumlar ve İncelemeler
Kitabi çoox beyendim.Psixoloji-dedektiv janrda yazılan kitab ilk evvel qetl ve onun axtarisi kimi gorunsede bele deyil.Bir yazıcının bir qadini musaiyet etmesi onu cox beyenmesi,
özünden asılı olmayaraq her gün o qadini görmek ucun pencerede gözlemesi.
Yalnız qadin aktrisadi ve teatrdan coxdan ayrilib özünden yaşça Cox boyuk olan bankirle evlenib.
Onun olduğu yeri teatr sanaraq aktrisaliq etmesi,ve neticede bankirin ve qadinin qetli
yazıcının intiharı.....
Oxumaginizi mutleq tovsiye edirem.Qisa bir zamanda oxuyub bitire biləceyiniz kitab olmusdur.
Əsəri bir günə bitirdim. Əsas obrazlarımız yazıçı Rüfət Hüseynzadə və aktrisa Lalə Fətəliyevadır. Hadisələr çox sürətlə iləriləyir, oxuduqca sıxılmırsız. Təkrara çox yol verilməyib. Bütün hadisələr ən incə detalına qədər aydınlaşdırılıb. Bunlar əsərin ən müsbət cəhətlərindəndir. Personajlara gəldikdə isə, Lalənin hərəkətlərinin, öz monotamaşasını yaratmaq istəyinin, qurduğu oyunun səbəblərini onun öz dilindən aydınca oxuyuruq. Amma, yazıçı Rüfət Hüseynzadənin niyə bu qədər asan Lalənin oyununa qapılmasının səbəbləri tam dolğun açıqlanmamışdı. Bu cəhətdən, yazıçı obrazı mənim fikrimcə yarımçıq idi. Onu da qeyd etməliyəm ki, feminizm baxımından çox uğursuz bir əsərdir.
İlqar Fəhmi - "Aktrisa"Hayat
1 ay əvvəl eyniadlı filmi izləmişdim, bu kitabı da mütləq bir gün oxuyacağımı düşünürdüm, artıq bu gün o kitabı da oxumuş biri olaraq deyə bilərəm ki, yazıçı və rejissor hər ikisi möhtəşəm sənət əsəri yaradıb. Belə ki, sevdiyi sənətdən ayrılan Lalə Fətəliyeva bunu heç cür qəbul edə bilmir və sanki 1 tamaşaçısı olan zalda aktrisa kimi rola girir. Bu tamaşanı hər gün öz pəncərəsindən izləyən- "yeganə tamaşaçı" yazıçı Rüfət Hüseynzadə isə qızın qəribə hərəkətlərini, əri ilə olan pis münasibətlərini görür və onu hörümçək torunda çırpınan bir kəpənəyə bənzədir. O bu dəhşətli səhnələrə dözə bilmir, qərara gəlir ki, kəpənəyi azadlığa çıxararaq tezliklə ona sahib olsun. O, Vaqif müəllimi öldürür, lakin sonra baş vermiş hadisələr heç də ürəkaçan olmur. Lalə hər şeyi bilirdi, amma o polisə xəbər vermir. Çünki bilirdi ki, hər şeyin günahkarı özü idi. O, hər şeyin sadəcə bir oyun olduğunu yazıçıya deyir, Rüfət müəllim isə sakitlik içində sadəcə dinləyir, heç bir cavab verə bilmirdi. O fikirləşirdi ki, belə davam etsə, o hələ neçə insanın duyğuları ilə oynayıb, görünməz bir "qatil"ə çevriləcək. Bu ola bilməz idi, onu öldürməli idi. Tez aşağı düşüb bıçağı alır, əvvəlcə qızın əllərini bağlayır, sonra isə vena damarını kəsir. İndi vicdanı rahat idi, amma o qatil kimi yaşaya bilməzdi, beləliklə o həm də özünü öldürərək əbədiyyətə qovuşur.
Əsərdən çıxardığım dərs odur ki, insanı sevdiyi bir işdən uzaqlaşdırmaq dəhşətli ölüm(-lər)ə belə səbəb ola bilir. Ona görə də, ən əsas indiki valideynlərə səslənərək deyirəm ki, uşağınızı sevdiyi bir işdən təcrid etməyin, əksinə bu işi daha yaxşı görüb professional bir sənətkar olanadək çalışın, onu həvəsləndirin, ruhlandırın, əmin olun, sonda peşman olmazsınız:)
Bir əsərində sonuna gəldik. Baş qəhramanlarımız yaratdığı mono-tamaşanın tək aktrisası Lalə Fərzəliyeva və pyesin yeganə tamaşaçısı Rüfət Hüseynzadədir. Kitab çox axıcı irəlilədi. Süjet xətti əla idi. Sonu qanımı dondurdu düzü. Çox qəribə hislər içindəyəm necə hissedəcəyimi bilmirəm. Və əsasda çatdırdığı fikir çox düşündürdü məni.
Görəsən doğurdanda ən gözəl sənət əsərləri heç kimə göstərmədiyimiz,yazarı və yeganə oxucusu olduğumuz əsərlərdimi?
Çox sevdiyim bir fikir var.Hislərimizi ifadə edə bilmədikdə bu hislər sənət əsərinə çevrilir kimi zaman musiqi, kimi zaman rəsm, kimi zaman şeir kimi zaman isə roman. Bu vaxt ən böyük dərt ortağımız vərəq, silahımızda qələmimiz olur. Və yazdığımız hər bir söz bir anda mərmiyə çevrilir. Və o içinə qapanıq insan bir anda yazdıqlarıyla özünü ən yaxşı ifadə edə bilən insana çevrilir.....Bəlkədə bəzən yeganə oxucu olmaq heç bir işə yaramır... Bəlkədə bəzən romanın hər səhifəsini dünyaya hayqırmaq lazımdır.Bəlkədə bunu hislərimizə borcluyuq.Axı onlarda eşidilməyə layiqdi....
Heç bir kitab qüsursuz deyildir,qüsurlarıyla sevin kitabları))) Kitabla qalın!! Salamat qalın!!!
Psixoloji-detektiv triller janrında olan “Aktrisa” oxucunu ilk səhifələrdən - birdən-birə özünə bağlamır. Oxucu hadisələrin gedişini personajların ifadəsi vasitəsilə tədricən anlamağa başlayır. Nəhayət, gündəlik ortaya çıxdıqdan sonra hadisələr haqqında oxucunun zehnində yaranmış “öz versiyası”, qənaəti yavaş-yavaş əriməyə, əsərdəki versiyayla tanışlıq başlayır.
Romanı oxuduqca yazıçının teatra, Şekspir yaradıcılığına dərin marağının olmasını hiss etmək çətin deyil. Elə əsərinin adı da buna işarə vurur. Aktrisa Lalə mono-tamaşasıyla oxucu qarşısında rolunu oynamaqdadır.
Uilyam Şekspir özü də yazıb axı: “Dünya bir teatr səhnəsi, bizlər isə aktyorlarıq”.Bu yöndən baxdıqda, əslində hamımız rolda deyilikmi? Məsələn, “Aktrisa”nın müəllifi yazıçı, mən resenziya yazan oxucu, sizlər də əsər haqqında resenziyanı, təəssüratı oxuyan oxucular rolunda və s. Sadəcə əsrlər öncə Şekspirin dediyi bir cümləlik həqiqəti müəllif bizə “Aktrisa” romanıyla çatdırıb: “Hər insаnın həyаtı özünün səhnəyə qоyduğu pyеsdir. Özümüz qururuq, özümüz оynаyırıq. Uğurun dа, uğursuzluğun dа məsuliyyəti yаlnız öz üstümüzə düşür... Аmmа təəssuf ki, hеç kimin аktyоrluq fəаliyyəti yаlnız öz pyеsi ilə məhdudlаşmır. Hər kəs səhnə əsərinin rеjissоru оlmаqlа bərаbər, еyni zаmаndа, minlərlə bаşqа əsərdə muхtəlif rоllаr ifа еdir. Bаş rоllаrdаn tutmuş kiçik еpizоdlаrа qədər. Bütün bəşəriyyətin həyаtı şərq хаlçаlаrındаkı nахışlаr kimi bir-birinə hörülmüş tаmаşаlаrdаn ibаrətdir. Və hеc kim kiçicik pyеsini bu möhtəşəm hörgünün içindən çıхаrа bilmir...” (səh.68).
Yazının devamı: ceylanmumoglu.com/article/ilqar-f...
~Aktrisa~İnsan ve Duygular
Əziz 1k oxuyucuları. Bilmirəm fikrimi, hisslərimi sizinlə tam bölüşə biləcəm, ya yox. Ancaq, bu kitabda məni cəlb edən başqa bir şey vardı. Lakin nə xoş mənə ki və nə xoş bizə ki bu gözəl kitabın yazarı Azərbaycanlıdı!
Kitab çox duyğusal bir kitab idi. Kitabın məzmunundan danışmaq lazım gəlsə onu deyə bilərəm ki:
Kitab peşəsindən həyat yoldaşı tərəfindən evləndikdən sonra uzaqlaşdırılan bir aktrisadan danışır. Və hadisələr çox tez bir şəkildə cəryan edir. Peşəsi üçün darıxan aktrisa öz həyatını bir tamaşaya çevirmək istəyir, ancaq bu çox böyük fəsatlar törədir. Mən çox bəyəndim. Ümid edirəm sizdə oxuyarsınız bu kitabı.
İlqar Fəhmi
İlqar Fəhmi
Hər şey qaranlıq pəncərədə közərən siqaretdən başladı. Bu oyun bir nəfərlik idi. Lakin bu bir nəfər sadəcə passiv tamaşaçı olmaq istəmədi. Nəhayətdə bütün bunlar dəhşətli qətllərlə dolu faciə ilə nəticələndi.
Bu kitabın filmi də var imiş, ona baxacağam mütləq. Deyiləsi söz varsa, o da bizdə də belə romanların yazılacağına inamımın artması oldu. Süjet xətti, insanların hekayədəki davranışlarının gerçəkliyi, hətta əsas xarakterin hərəkətlərini biraz da özümə bənzətməyim məni daha da çox içinə çəkdi.
"İblis mələkdən gözəldi."
”Aktrisa” romanı İlqar Fəhminin qələmindən oxuduğum ilk əsərdir. Bu roman İlqar Fəhminin ən çox tanınan əsərlərindən biridir. Əsər iki hissədən ibarətdir: ”Üçbucaq” və ”Gündəlik”.
Oxuyucular olaraq biz birinci hissədə aparılan istintaq proseslərini oxuyuruq. İkinci hissədə isə biz hadisələrin nə səbəbdən baş verdiyini öyrənirik.
Mənim üçün romanın ikinci hissəsini oxumaq daha maraqlı idi.
Roman "VEF-Bank"ın prezidenti Vaqif Eyvaz oğlu Fətəliyevin qətlinin araşdırılması ilə başlayır. Hadisəni araşdıran müstəntiq Eldar Əfəndiyev, Vaqif Fətəliyevin qətlinin ardından iki cinayət hadisəsi ilə daha üz-üzə qalır. Yəqin ki, birinci hissənin ”Üçbucaq” adlandırılmasının səbəbi də baş verən bu üç cinayətin bir-biri ilə bağlı olmasıdır.
Lalə, Vaqif Fətəliyev tərəfindən səhnədən ”oğurlanmış” istedadlı bir aktrisadır. O, o qədər istedadlıdır ki, oynadığı rolu ilə yazıçı Rüfət Hüseynzadəni qatilə belə çevirir. Lalənin özünə məxsus gözəlliyi və davranışları yazıçının diqqətini o qədər cəlb edir ki, o, öz hisslərini cilovlaya bilmir. Lalə “üzdə xoşbəxt gorünən, amma daxildə bədbəxt olan” bir qadın obrazı yaradaraq Rüfəti ovsunlayır. Rüfət Laləni hörümçəyin çənginə düşmüş bir kəpənək olaraq görməyə başlayır və onu xilas etmək istəyəndə özü də bilmədən qurbana çevrilir. Lalənin cazibəsinə qapılan Rüfət, onun əsiri olur. Əvvəlcə Vaqifi sonra isə Laləni öldürərək, öz həyatına da son qoyur. Təsirləndirici tərəfi isə ondadır ki, yazıçı qatil olduğunu Lalə ilə üz-üzə gəldikdən sonra başa düşür. Lalə isə can verərkən belə özünü səhnədə hiss edir və ölümünə gülümsəyir.
__ “O, elə indi də özünü teatrda hiss edirdi və rol aldığı tamaşada öz ölüm səhnəsini yaradırdı. Yəqin əmindir ki, gözlərini yumacaq və gurultulu alqış sədaları altında yenidən gözlərini açıb ayağa
7/10
İlqar Fəhminin bu Aktrisa adlı psixoloji dedektiv romani oxumağa ilk başlayarkən diqqəti o qədər də cəlb etməsə də irəlilədikcə çox maraqlıdır. Bu da çox dedektiv roman kimi ölüm hadisəsi ilə başlayır. Aktrisanın yazıçını cinayətə sövq etməsi əsasında qurulan romandır.
Yazar Hakkında
İlqar FəhmiYazar · 11 kitap
İlqar Əli-Abbas oğlu Paşayev. 1975-ci ildə anadan olub. Bakının Zirə kəndindəndir.1992-97-ci illərdə Bakı Dövlət Universitetinin hüquq fakültəsində təhsil alıb. 1995-ci ildən bədii yaradıcılığla məşğul olur. 3 kitabı dərc edilib, 2002-ci ildə “Axırıncı Qatar” pyesi Xalq artisti Cənnət Səlimova tərəfindən səhnələşdirilib, bir neçə ssenarisi ekranlaşdırılıb və şeirlərinə musiqilər bəstələnib. 2003-cü ildə Gənclər, İdman və Turizm nazirliyinin “İlin ən yaxşı gənc şairi” mükafatına, 2007-ci ildə “Rəsul Rza” ədəbi mükafatına layiq görülüb. Əsərləri müxtəlif xarici ölkələrdə nəşr edilib. Hal-hazırda Azərbaycan Yazıçılar Birliyinin (AYB) Tərcümə seksiyasının rəhbəri və Ulduz jurnalının şöbə müdiridir.
