Emre Dorman qələmindən oxuduğum ilk kitab biraz daha mənəvi istiqamətdə yazılan ''Allahın Rəhməti - Ayələr və Dualarla'' kitabı oldu.
Kitab mənə mənəvi və din elmi cəhətdən həqiqətən çox şey qatmışdır.
İlk oxumam İstanbul Havalimanında olan bu kitab ailəmdən uzaqda mənə o qədər kömək olmuşdu ki mən Allahın necə mənimlə olduğunu , sevdiklərimdən ailəmdən uzaqda olsam da Allahın mənimlə olduğunu hiss etmiş , təskinlik tapmışdım.
Kitab başından sonuna qədər Allahın digər adlarını tanıdaraq onun mərhəməti , şəfqəti , bəndəsinə qarşı olan sevgisi , qəlblərini onunla birgə saxlayan qullarına verdiyi özəl dəyər onun istədiyimizdə necə dualarımıza cavab verişi , ruzimizi bolluq bərəkətimizi artırmasını , qısaca Allahın necə mərhəmət və hikmət sahibi oluşunu şairanə bir yazı tərzi və incə cümlələrlə bizə xatırladır.
İnsan adlı aciz qulun qarşısına onu yaradanını qoyur və bizim aciziyətimizi göz qabağına gətirir hansı ki bütün xeyir əməllərimizin ondan (Allahdan) gəldiyini və yalnız bizim , özümüzün öz nəfsimizə zülm edenlər olduğumuzu öyrədir bizə Emre hoca bu kitabında.Diqqətli oxucu kitabı bitirdiyində mütləq öz nəfsini sorğulayacaq və inanıram ki bu qədər mərhəmət sahibi olan yaradanına göstərdiyi inama və imanına daha möhkəm bağlanacaq.
Sadəcə özüm və gələcəkdəki işğım üçün yazdığım bu təhlilimi bitirərkən həyatımdaki bütün insanların bu kitabı oxumasını arzu edirəm...