Aytac Agayeva
@1aytaj
Kitablar fikirləri paylaşmaq üçün ən gözəl vasitədir.
Meik Wiking
edebiyyat
Bakalavr
bakü
azerbaycan,bakü, 7 Haziran 1998
12 okur puanı
Ocak 2022 tarihinde katıldı
Oxuyun, oxutdurun!Psikoloji
Puan vermedi
Bugün sizə tam bir ay yarımdır oxuduğum “Kurtlarla koşan kadınlar” kitabından danışacam.
Müəllif Clarissa Pincola Estes bu kitabı 20 il ərzində yazıb. Müxtəlif xalqlara aid nağıllardan ibarət bu kitabda müəllif nağıllar vasitəsilə qadınların daxili dünyasını, psixologiyasını analiz edib. O düşünür ki, hər bir qadının daxilində çox şən, hər şey bacaran, cəsarətli və çox güclü bir qadın var. Sadəcə olaraq, qədim dövrdən bu yana qadınların duyğuları (içlərindəki “Vahşi Kadın) basdırılıb və müasir dövrün qadınına çevrilib.
Kitabda 17 nağıl var və diqqətimi çəkən o idi ki, bu nağıllar qorxulu nağıllar kateqoriyasına aiddir. Düzdür, müəllif niyə məhz bu tip nağıllar seçdiyini qeyd etməyib, amma kitabı bitirdikdən sonra ilk nəzərə çarpan bu xüsusiyyət idi. Digər məqam isə odur ki, kitab 1972-1992-ci illər arasında yazılsa da, sanki, bu günün qadını təsvir edilib. Bundan belə bir nəticə çıxardıram ki, Şərq Qərbdən təəssüf ki, 30 il arxadadır. (Əlbəttə, istisnalar hər yerdə var.)
Kitabın ilk səhifələrində yazı üslubundan dolayı adaptasiya çətin olur, amma ortalarına gəldikdə artıq kitabı əlinizdən buraxa bilməyəcəksiniz. Nəşriyyat özü də kitabı “ağır kitaplar” seriyasında nəşr edib. Amma “birdən başa düşmərəm” deyirsinizsə, “Youtube”da bu kitabdan öncə oxunmalı olan kitablar(Məsələn, Carl Gustav Jung “Dört arketip” kitabı və s.) haqqında videolar var. Onları izləyib, özünüzə hazırlıq üçün kitab siyahısı çıxara bilərsiniz.
Düşünürəm ki, hər bir qadının, xüsusilə də gənc qızların oxuması vacib olan kitablardan biridir. Hər birinizə xoş mütaliələr!
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Puan vermedi
“Bu kitabın ana amacı, zihninize yeni bilgiler ya da inançlar yerleştirmek veya sizi herhangi bir şeye ikna etmek değil, bir bilinçli değişimi getirmek, yani uyanışı gerçekleştirmek.”
Eckhart Tolle 1948-ci ildə Almaniyada doğulmuşdur. Müasir dövrün ruhani müəllimi və yazıçıdır. “Şimdi’nin gücü”, “Miltonun sırrı”, “Yeni bir dünya”, “Hayatla bütünleşmek”, “Dinginliğin gücü” və “Var olmanın gücü” kitablarının müəllifidir. Bugün “Var olmanın gücü” haqqında danışacağam. Yazıçının oxuduğum ilk kitabıdır. Müəllif ağır depressiyadan sonra qələmə almışdır. Əsas mövzu “eqo”dur. Doğurdan da, yenilənmək, hadisələrə fərqli baxış bucağından baxmaq istəyirsinizsə, mütləq oxumağa dəyər. Fərdi-inkişaf janrında olsa da, mövzuya psixoloji, fəlsəfi, dini, ədəbi tərəfdən də yanaşılıb. Giriş fəlsəfə ilə başladığı üçün kitaba gec adaptasiya oldum amma, oxuduqca sevməyə başladım.
Tollenin fikrincə, insanların bir çox problemlərinin kökündə eqo durur və fikrini çox sadə, demək olar ki, hər gün rastlaşdığımız hadisələrdən misal gətirərək izah edir. Burada eqo ilə özgüvən arasındakı incə çizgidən bəhs edilir. Adətən bu janrda olan kitablar məğz baxımından eyni fikri müdafiə edir: insanın müəyyən hədəfləri olmalıdır və o hədəflərə çatmaq üçün daim çalışmalıdır. Tolle isə deyir ki, insanın həyatı bu hədəflərdən asılı olmamalıdır. İlk öncə bu fikri tam anlamasam da, kitabın sonlarına doğru hər şey aydınlaşdı. İnsanlar düşünürlər ki, daha çox şeyə sahib olsalar, daha xoşbəxt olacaqlar. Tolle isə deyir ki, xoşbəxtlik içimizdədir. Xoşbəxtliyimiz, hər hansısa məfhumdan, əşyadan, insandan, maddiyyatdan aslı olmamalıdır. İçimizdəki xoşbəxtliyi eqomuzu susdurduqdan sonra tapa bilərik. Fərdi-inkişaf janrında oxuduğum kitablar arasında ən sevdiklərimdən biri oldu. Bizim kitabları yox, kitabların bizi
Bugün uzun müddətdir(3ay) oxuyub bitirməyə çalışdığım və eyni zamanda bitdiyi üçün də bir o qədər heyfsləndiyim kitab haqqlnda danışacam.
Lev Nikolayeviç Tolstoy “Anna Karenina”
Müəllif haqqında əvvəlki postların(story bölməsinə əlavə edəcəm) birində geniş məlumat olduğu üçün birbaşa romana keçirəm. “Anna Karenina” 1873-77-ci illərdə qələmə alınmış realist və avtobioqrafik romandır. Əsasında bir çox film çəkilmişdir. Dünyada ən çox tərcümə olunan kitablardandır. Əsər mövzu baxımından çox zəngindir. Belə ki, burada aristokrat sinfinin yaşamı, Çar Rusiyasının idarəetmə üsulları, dövrün ailə münasibətləri, təhsil sistemi, sahibkar-işçi münasibətləri, rus mədəniyyəti və incəsənəti haqqında kifayət qədər geniş məlumat əldə bilərsiniz. Tolstoy həmçinin, çox böyük ustalıqla obrazların daxili dünyasını açarkən, psixologiya, fəlsəfə və sosiologiyaya da toxunub. Əgər çox təsvir sevmirsinizsə, ixtisarlı versiyasını oxumağı tövsiyə edirəm (məndəki orginal versiya idi, bəzən təsvirlər yorurdu). Hadisələr Moskvada və Peterburqda cərəyan edir. Məzmununu bir cümlə ilə ifadə edib yekunlaşdırmaq istəyirəm: roman gənc, baxımlı, həyat dolu, geniş dünyagörüşlü Anna Kareninanın evli olduğu halda, başqa biri ilə qurduğu münasibətdən bəhs edir. Daha geniş məzmun internet saytlarında olduğu üçün təhlil daha maraqlı olar deyə düşünürəm. Həddən çox obraz olsa da, hadisələrin birbaşa iştirakçıları Anna, Aleksey Aleksandroviç, Vronskiy, Levin, Kitty və Dollidir. Romanı oxuyanlar adətən iki qrupa ayrılır: Annanı qınayanlar və onun cəsarətinə heyran olanlar. Açığı mən tam olaraq özümü bu qruplardan birinə aid edə bilmədim. Qınamadım, çünki bu həyat bizə bir dəfə verilir və xoşbəxt olmaq hamının haqqıdır. Anna da sadəcə xoşbəxt olmaq istəyirdi. Dəstəkləmədim, çünki oğlu Seryojanı atıb getməyini
Aşk RomanıEdebiyat
“Düşmanını sev; sana lanet okuyanı kutsa; senden nefret edenlere ve seni acımasızca kullananlara iyilik et.”
Hər birinizə salam! İlk öncə, 2 Fevral “Gənclər günü” münasibətilə səhifəmin bütün gənc və təbii ki, ruhu gənc oxucularını təbrik edirəm. Daim yaşayıb, yaratmanız diləyiylə… Bugün
çox maraqlı yazıçı və romanı haqqında yazacam.
Charlotte Bronte “Jane Eyre”
Ənənəyə sadiq qalaraq, birinci yazıçı haqqında məlumat vermək istəyirəm. Charlotte Bronte 1816-cı ildə, İngiltərədə 6 uşaqlı ailədə dünyaya gözlərini açmışdır. Özü kimi yazıçı olan Anne və Emily Bronte bacılarının ən böyüyüdür. Romanda yazıçının həyatından bir çox epizodları görə bilərik. Erkən yaşda anasını itirir, bacıları və qardaşı ilə birlikdə xalasının himayəsinə keçir. Anne,Emily və digər bacısı Mary ilə birlikdə 1824-cü ildə “Clergy Daughters” adlı kolecdə təhsil alıb. Bu kolec rahiblərin qızları üçün nəzərdə tutulmuşdu və çox ağır qanunları var idi. Soyuqdan və yemək qıtlığından bacısı Mary burada ölür (Romanda da bu səhnəyə yer verib). Charlotte digər bacılar ilə birlikdə buradan ayrılır, atası ilə birıikdə yaşamağa başlayırlar. Daha çox kitabxanada vaxt keçirən bacılar bir müddət sonra qardaşlarını da itirirlər. Bundan sonrq özlərini ədəbiyyata bağlayırlar. Kişi təxəllüsü ilə iki kitab çıxarsalar da, iki nüsxə satılır. Amma bundan sınmırlar, yazmağa davam edirlər. Daha sonra Belçikaya gedir, burada alman dilini mükəmməl öyrənir, bir müddət müəllim kimi işlədikdən sonra İngiıtərəyə qayıdır. “The Professor” və “Villette” əsərlərini bu dövrdə yazıb. Ard-arda bacılarını itirən Charlotte ruhi sarsıntı keçirir, bu ərəfədə “Jane Eyre”i yazır və 1847-ci ildə nəşr etdirir. Bundan sonra məşhurlaşır, dövrün bir çox yazıçıları (Elizabeth Gaskell, Harriet Martineau kimi) ilə tanış olur. 1854-cü ildə ailə qurur.
Hər birinizə salam! Ümid edirəm əhvalınız yaxşıdır. Bugün sizə çox maraqlı yazıçı və roman haqqında yazacam.
Jose Mauro de Vasconcelos
Şeker Portakalı
İlk öncə yazıçı haqqında danışacam. Jose Mauro de Vasconcelos 1920-ci ildə Brazilyada, çox yoxsul bir ailədə anadan olmuşdur. Anası hindu, atası portuqal olan Jose erkən yaşlarında təhsil üçün Natala, əmisinin yanına göndərilir. Burada üzməyi mükəmməl öyrənir, müxtəlif yarışlarda iştirak edir. Hətta xəyallarından biri üzgüçülük çempionu olmaq olur. Ümumiyyətlə, bir çox idman növüylə məşğul olmuşdur. Daha sonra tibb məktəbinə daxil olur, lakin təhsilini tamamlamır. Bir müddət boks müəllimi kimi işlədikdən sonra Rio de Janeyroya geri qayıdır. Rioda rəssamlar və heykəltaraşlar üçün modellik edir. Həyatı boyu müxtəlif işlərdə çalışıb. Müəllimlik və modelliklə yanaşı, balıqçılıq və fəhləliklə də məşğul olub. Bu, əsərlərini yazmaq baxımından, onun üçün böyük üstünlük olub. Fərqli işlərdə işləmiş, fərqli insanlarla ünsiyyətdə olmuş və bir çox hadisələrə şahid olmuşdur. Bunun izlərinə romanlarında rast gəlmək olar. Yazıçı 1984-cü ildə vəfat edib.
Romanlarında daha çox insanların kasıb həyat tərzini, ailə münasibətlərini , şiddəti və s. təsvir edib. Bugün isə demək olar hamının oxuyub sevdiyi “Şeker Portakalı” romanı haqqında danışacam. Müəllif bu əsərini 12 günə tamamlayıb. Avtobioqrafik əsərdir. 1968-ci ildə nəşr olunub. 16 dilə tərcümə olunub. 3 hissədən ibarətdir:
1. Şeker Portakalı
2. Güneşi uyandıralım
3. Delifişek
1-ci kitab azərbaycan dilində də var(Şirin Portağal ağacım). Amma digər iki kitabın bizim dildə nəşrinə rast gəlməmişəm. Uşaq romanı olsa da, 7-den 77-ye hamının sevdiyi romandır. Dram janrındadır. Oxuyarkən mənə “Küçük Prens”i xatırlatdı. Roman əsasında 2012-ci ildə film də çəkilmişdir(bu haqda da post
