Bilirsən necədir, dostum? – dedi. - İnsanlar nəyinsə nəticəsini nəyəsə bağlamaqda və bəhanələr uydurmaqda o qədər peşəkarlaşıblar ki... Yağış və payızı melanxoliyaya, qara pişiyi uğursuzluğa, xoşuna gəlməyən adamla rastlaşmağı bədliyə bağlamağın nə mənası var axı? Roma filosofu Epiktet demişkən, sən istəyəndən sonra qarğa da sənə uğur gətirər. Əsas odur ki, uğur qazanmağa niyyətin olsun. Bunu çox gözəl dediniz, - deyə güldüm. -İstəsən, qarğa da uğur gətirə bilər.