Xeyr, bir həftədir bu kitabı bitirməyə çalışmıram, əlbəttə, ilk 10 səhifəsindən sıxılıb kənara qoymuşdum, bu gün "yarım qalmasın" deyib yenidən oxudum. Nə yalan deyim sonunu elə gözləmirdim, təsirləndim, amma qeyri-adi, fərqli bir hekayə deyildi. Və ən əsası bədiilik, axıcılıq, süjet çox zəifdir. Adını bəyənib oxumaq istədim amma düşündüyüm kimi olmadığına təəssüf etdim. Bəlkə də yanaşma tərzim və kitab zövqüm bu qənaətə gətirdi məni.
Hər kitabdan bir dərs çıxarırıqsa bu kitaba aid onu deyə bilərəm ki, sevdiklərinizin dəyərini bilin, sabah gec olmaqla məşhurdur...
"Gec olsa da öyrəndim... Bəs gec olmaq heç olmamaqdan yaxşıdır deyirdilər, nə oldu?! Bildim ki, yalan imiş! Səndən sonra gecikməyin bağışlanmamağını öyrəndim."