"...bütün bunlar çətin də olsa, onun həyatında baş vermişdi. Düzü və səhvi ilə. Bu həyat onun idi və məcbur da olsa, o, bu həyatı yaşamalı idi. Hərənin bir alın yazısı, bir taleyi var. Bir insan sonadək xoşbəxt və ya bədbəxt ola bilməz. Düşündü ki, o, artıq həyatının bədbəxt günlərini yaşayıb və onu qarşıda xoşbəxt günlər gözləyir. Amma bütün bunları zaman göstərəcəkdi. Sadəcə, yaşamaq və həyatın növbəti sınaqlarına hazırlaşmaq lazım idi..."
"Həyatda bir yol var, həqiqətlə yaşayıb haqqı nahaqqa verməmək, məzlumun, zəifin yanında olub ədalət hissini itirməmək. Lakin bu, heç də hamıya müyəssər olmur. Bəzən insanlar marağını hər şeydən üstün tutur, sənətinə, məsləyinə xəyanət edir, tamahkarlığı, var-dövlət hərisliyi üzündən həqiqətə göz yumur, haqq yolundan sapır.
Bəzən də baş verən hadisələr, düşdüyü vəziyyət insanı doğru yoldan azdırır, yanlış səmtə yönəldir. Amma vicdanlı insan tutduğu yolun səhv olduğunu anlayır və hər vəchlə bunu təlafə etməyə cəhd göstərir. Səhv eləmək insana xasdır. Amma bizi insan edən səhvlərlə yaşamaq yox, doğrunu tapmaqdır"