Qara Xəfiyyə
@_faracov_
Şübhəsizdir ki, bir gün həqiqət parıldayacaq ~
Məmməd Əmin Rəsulzadə
Milli Aviasiya Akademiyası- Hüquqşünaslıq 2/4
Azərbaycan, 2 Eylül
436 okur puanı
Ağustos 2022 tarihinde katıldı
Şu anda okuduğu kitaplar
"...İşini bitirən kilsə xidmətçisi qrafinya dö Sen-Fiakra baxdı. Üzündəki ifadədən tərəddüd etdiyi görünürdü. Həmin an Meqre hərəkətə keçdi. İkisi də qadına yaxınlaşdı. Qrafinyanın əlləri ilə örtdüyü üzünə baxmağa çalışaraq onun bu cür hərəkətsiz qalmasına təəccüblənirdilər. Görüntüdən həyəcanlanmış Meqre qadının çiyninə toxundu. Elə həmin an qadının bədəni boşluqda müvazinətini itirdi və yerə düşərək hərəkətsiz qaldı.
Qrafinya dö Sen-Fiakr ölmüşdü.
Meyiti kilsə xidmətçisinin otağına aparıb cərgə ilə yan-yana qoyulmuş üç stulun üstündə uzatdılar. Kilsə xidmətçisi həkim gətirmək üçün tələsik kilsədən çıxdı.
Meqre buradakı vəzifəsinin qeyri-rəsmi olduğunu unutmuşdu. Odur ki, keşişin həyəcan dolu baxışlarını ona sual və şübhə dolu ifadə ilə zilləməsinə əvvəlcə məna verə bilmədi.
-Siz kimsiniz?- keşiş dayana bilməyib soruşdu,- siz burada...
-Cinayət İşləri üzrə İdarədən komissar Meqre..."
Georges Simenon
Komissar Meqre/Sen-Fiakrın Cinayət İşi
"...Nikolay düşüb maşının qapısını açdı. Rinat adəti üzrə pencəyinin düyməsini bağladıqdan sonra maşından endi. Anzor dönüb onlara baxırdı. Yaxınlıqdan yaşlı bir qadın keçirdi, əlində ərzaq dolu torba vardı. Rinat bir addım yana çəkilib Nikolayın arxasına keçdi. Nikolay da yaşlı qadına yol vermək üçün bir addım geri çəkildi. Onlar bir xətt boyunca dayanmışdılar. Elə bu vaxt atəş açıldı. Nikolay heyrətlə atəş açanlara tərəf baxdı və yavaş-yavaş yerə sərildi. Sinəsində iki qan ləkəsi əmələ gəldi və ləkələr sürətlə böyüməyə başladı. Rinat qolunda güclü bir zərbə hiss etdi, qeyri-ixtiyari aşağı əyildi. Anzor silahını çıxartdı və çığıraraq Rinata dedi ki, Nikolayın yanında yerə uzansın. Yenə bir neçə dəfə atəş açıldı. Rinat korlanmış pencəyinə baxdı. Əvvəlcə yalnız pencəkdə açılan və onu tamamilə yararsız hala salan dəliyə görə məyus olmuşdu. Sonra dəliyin ətrafına yayılan ləkəni gördü və əlini vuranda bunun qan ləkəsi olduğunu anlayıb təəccübləndi..."
Çingiz Abdullayev
Oliqarxın Varisi
"...Amma sizdən sonra başqası gəlib, qocanı görüb və mümkündür ki, həmin şəxs ötən bütün müddətdə sizi izləyib. O qocanın ölümünü istəyən adam olub, incik düşüb hiddətləndiyinə, qəzəbləndiyinə görə, deyil, müəyyən bir niyyətlə qocanı qətlə yetirib. Çox güman ki, bu zaman o vəsiyyətnaməni nəzərdə tutub. Axı məhz o sizdən sonra qocanın yanında olub və onu öldürüb, daha sonra ayaqlarını üzəngiyə ilişdirib və atı vurmağa başlayıb ki, artıq ölmüş qocanı sürüsün. Əgər o keçdiyi cığırda unudub qoyduğu nəsə olmasa idi, əlbəttə, hər şey yaxşı ola bilərdi..."
William Faulkner
Tüstü
Okur Takip Önerileri
"...Hadisə yerinə ilk çatmış qardanın ifadəsindən: "...Tavanın altı ilə gedən dəmir borulardan iki pişik cəsədi sallanırdı. Pişiklər boğazlarından asılmışdı. Dilləri ağızlarından çölə sallanırdı, gözləri də, az qala, hədəqəsindən çıxacaqdı. Arxa ayaqları möhkəm dartıldığından oynaqdan çıxmışdı. İçəriyə doğru zirzəminin künc tərəfində divara çılpaq qadın cəsədi söykədilmişdi.
Biz cəsədi yaxşı görmək üçün fənəri ona doğru yönəltdik. Qadının sifəti tamamilə qana boyanmış, göz qapaqları və alnı şişmiş, suluqlamışdı. Görünür, qatil qurbanının bu yerlərini yandırmışdı. Qaş və kirpikdən əsər-əlamət yox idi. Budlarının dərisi soyulmuş, diz qapaqları qopardılmış, sağ əli biləkdən kəsilmişdi.
Cəsəd divara tam söykənməmişdi, sanki onunla divar arasında bir maneə vardı. Yoldaşlarımdan biri yavaşca ona toxunanda cəsəd ağzıüstə yerə gəldi və biz dəhşət içində bu maneənin nə olduğunu gördük. Cəsədin beli yarılmış və oraya biləkdən kəsilmiş insan əli yerləşdirilmişdi..."
Abaddon
Rövşen Abdullaoğlu
"...Ervanın ağlına gələn ilk versiya bu oldu: "insan ovu" vaxtı "Tülkülər" Vissanı möhkəm döyüblər və oğlan ölüb. Bu məqamda qəsdən adam öldürməkdən danışmaq çətindir. Hücum edənlər panikaya düşüb. Sahildən "Zodiac" götürüb Sirlinq adasına gediblər. Cəsədi gizlətmək yaxşı fikir olub, basdırmaq lazım gəlməyib. Onun tapılması asan olmayacaqdı. Əgər bir mərmi ertəsi gün cəsədi ortaya çıxarmasaydı...
-Burada iki növ yara izi var: qanaxmaya səbəb olmamış, ölümdən sonra yaranan və qanaxmaya səbəb olmuş yaralar,- deyə Klemant davam etdi.- Vissaya işgəncə verilib, bədəninə kəsici alətlərlə xəsarət yetirilib. Hələ sağ ikən...
Ervanın ağlına daha pis versiya gəldi: "Tülkülər" qurbanlarına qarşı iyrənc hərəkətlər edib.
-Sizcə, ölüm səbəbi nədir?
-Demək çətindir, amma tükürpərdici zorakılığa məruz qalıb.
Kəsiklər, bıçaq yaraları, deşiklər... Atası haqlı idi: söhbət ən dəhşətli cinayətlərdən gedirsə, Ervan bu işlərdə lazım olan adamdır. Qeyri-ixtiyari oğlanın valideynlərini düşündü. Onlara bu xəbəri kim verəcəkdi?
-Doktor, qatillərin metodları haqda nə deyə bilərsiniz?
-İndi heç nə. Amma bunu edənlər həqiqətən qəssab imiş. Başqa məsələ də var. Məncə, başını qırxıblar. Aparatın izləri bilinir. Bu, "ov" ritualının bir hissəsi də ola bilər..."
Lontano
Jean-Christophe Grangé
