- Tanrı bizə Onunla şeytan arasında seçim etməyimizə imkan verir, -Sidi Kakub səsini qaldırdı, - və doğru qərar insandan asılıdır. İradə azadlığı elə budur.
- Deməli, heç də hər şey əvvəlcədən müəyyən edilməyib,- Trombetti susmaq bilmirdi.
-Hər şey deyil,- Sidi Kakub təsdiqlədi. - Əks halda, biz bu dünyada heç nəyə qərar verə bilməzdik. Onda ola bilsin nə müharibə, nə zorakılıq, nə qətllər, nə də günahlar olardı. Amma o zaman bu bəşəriyyətin yox, emosiyalardan, hisslərdən, iradədən bixəbər cinssiz varlıqların tarixi olardı. O, heç öz nəslini davam etdirmək belə istəməzdi. Mənə elə gəlir ki, bizim dünyamızda hər şey düzgün qurulub.