Bêhna porê te,
Wek kulilken bihare,
Ditina te wek, Welate ki azad ê,
Hemu şere min, Ji bo ditina te ye...
Nivîskar: 
Erdal dersim
Xem ne ji ber biharê
Ne jî ji ber havînê
Xem ji ber payîzek bêdeng
Û ji ber zivistaneke sar e.
Bêhna porê te, wek kulilkên biharê,
Dîtina te wek welatekî azad ê,
Hemû şerê min, ji bo dîtina te yê.
Erdal DERSİM
Stêrka sibe tu yî
Tîna Rojê tu yî
Germa havînê
Bîna biharê tu yî
Delala min tu yî
Nesîbê min tu yî
Qedera min tu yî
Ji Xwedê ve eyan e
Soxîna min tu yî
Selim Yorga
Mela Xelîlê Mişextî - Arî ye
Ev çi zend e, ev çi qend e, ew çi find e, çi şemal
Ev çi xal e, çi şemam e, ev çi rend e, çi şepal
Ev çi nexdan e, çi lêv in, ev çi ebrû ne hîlal
Ev çi mujgan in, çi tîr in, ew çi xifş in, karxezal
Ew çi bişkoj in, telîsm in, ew çi kanîne zelal
Ew çi bala û kezî ne, ew çi bisk in cûte mar
Ew çi gulzara rezî ne, ew çi misk e, reş û tar
Ew çi zozan e, çi şîn e, sêvesor in lê diyar
Ew çi şorab in, çi tît in, ew çi bîstan e, bihar
Ew çi remz û havrî ne, ew çi naz in çi delal
Ew çi bax e, ew çi rax e, ew çi nifş e? Arî ye
Aya ew xewn e dibînim yan dirist û rastî ye
Ez dirist im neku mest im, bê guman hişyarî ye
Ez kiçe Kurdek dibînim, pir çek û mirwarî ye
Min gewah destûrê Kurd e, xwînşirîn e bê heval
Kofî kêl e, bisk bi têl e, ew çi pêl e, Kurdî ye
Xan û man e, nav ciwan e, Kurd nîşan e, cindî ye
Bi genc û hat e, xoş wilat e, xoş nejad e, safî ye
Kurdistana nav ciwan e, min xezel pê gotiye
Aşiq im bo wê delalê ser vî emrê pîr û kal!
Bêhna zozanê porê te ye
li deşta dilê min dixe
Heçî jîyan jî mirin jî
Bihar jî payîz jî
Havîn jî zivistan jî
di şikeftê çavên te de xweşe.
Wjîyan
Ax Kurdîstana minn
Tu buyî dengê Zerdeşt
Kawayê Medyayî
Tu buyî resmê Manî
Baxçe yê ronahiyê
Tu buyî dengê Îsa
Çarmixa romayê
Gulfiroş, Min go Gulfiroş..
Bihar e, min got li ber çavên min diyar nebe Him şev û him roj!
Ji te memnûn im
Li derdora konê min negere û gaziya neke û gulan nefiroş !
Ji ber ku îro ez penaber im.
Qeflên gulan ji pêşiya çavê min reben neke gulfiroş!
Naxwazim lê binêrim ji ber ku îro ez penaber im...
