Nabe ku nîvcû bimîne destana me
Ji gulên curbecur baxçê dîtinê
Bêpar bimîne
Û Fikr û raman
Stewr bimînin ji rengên dinê
Reklam
Ez ketime bextê we, werin û bibêjin.Kurdî
Celadet Beg, neviyê Mîr, li bilûrê guhdarî dike û difikire û bi hedîka “ werin” dibêje; heş û bîr, deng û pêjn, bîranîn, bîranînên jîneke pere gende werin, werin dora min, ew dibêje. Rojên zarokiya min a germ ku niha bûne siya min, hûn werin. Kiziltoprak, Moda, Kadikoy, Cağaloğlu, Pera, Galata, Cadeyî Kebîr hûn werin. Bîrên cihe yên qedera min, bîra bexçê mamê min Bedrî Paşa, bîra mala Kiziltoprakê, ya pansiyona Cağaloğluyê, yên Munîxê, yên Safter û Bedirxan, ya mala kekê min Sureya, yên Bêrûd, Şam û Helebê, yên ku niha nayên bîra min, hûn werin, hemû werin. Şehrîban, Saadet Abla, Canan, Monika, yên din ên şevên ronî û geş ên Stembol, Munîx, Parîs, Bêrûd û Şamê, hûn werin. Rûşen, pîrika min, Rûşen, bermalî û hevriya jîna min, hûn werin. Amojna Stî, Madam Stella, metên min, beg û banû, madam û musyoyên ku niha nayên bîra min, hûn werin. Mamên min, pismamên min, hûn werin. Safter, Sureya, birayên min ên gorbehîşt ku li diyarên xerîb radizên, hûn werin. Bavo, hîm û stûna bingehîn a bîranînên min, bavê min ê ruhşad ku li welatekî xerîb dinive, tu were. Dayê, Meziyet, çi dibe hûn werin, ji Stembolê siwar bin û werin. Heval û dostên min ên mirî û kuştî, hûn werin. Hûn hemû bi hev re, ji gor û tirbê, war û şûnên xwe ra bin û werin nik min, nik bapîrê min Mîr Bedirxan û ji min re bibêjin ka Celadet Alî Bedirxan kî ye... Ez ketime bextê we, werin û bibêjin.
Baxçê gula kezyê mila, kurdî xweş e li ber dila...
Ez bûm kanî, jorda hatim,
Ber bi baxçê te xulxulîm,
Sura dilê te da ser min,
Ax nîvê rê ez cemidîm.
Pesnê YarêKurdî
Qama dirêj, bejna zirav
Aja benav li perê av
Gulav rijand ser bisk û dav
Qelen xwîh e lê ne dirav...
Mîna xemrê xemrevîn e
Dil bexçê kêf û evîn e
Di xemê de xewrevîn e
Evîndar mest, gêj û dîn e
Sayfa 42
Reklam
Reklam