Raisa
@dalliaancee
Kitap okuyan biri, ölmeden önce binlerce hayat yaşar. Hiç okumayan insan ise sadece bir hayat.
54 okur puanı
Mayıs 2023 tarihinde katıldı
Şu anda okuduğu kitaplar
Sonunda bitirib bir “Ohhh…” deyə bildim.
Uzun müddətə oxuduğum ilk kitab ola bilərdi. Sırf kitabdakı toksik münasibəti sindirmək üçün deyil, gəzib gördüyüm, hər bir köşəsinə aşiq olduğum İstanbulu
Çox sevinirəm ki, Dostoyevskidən ilk oxuduğum kitab bu oldu. Bundan sonra böyük ehtimal oxuyacağım kitabların arasında yer alacaq yazarlardan biri də bu olacaq.
Xəyalpərəst…
Bu sözün gətirdiyi hissin və düşüncənin altında əslində bütün insanlığın da içində yer aldığı bir dünya yatmır mı?
Dostoyevski həm öz dünyasından, həm də cəmiyyətin təşkil olunduğu insanlıqdan doğan düşüncələri və onun yaratdığı nəticələri bu sözün altında gizlədir desəm, yanılmadığımı düşünərəm.
Zaman-zaman bir çox insanın düşdüyü duyğu situasiyaları və sadəcə bundan qurtula bilən psixoloji-güclü insanların həyatlarından başqa da, gerçək anlamda var olan xəyalpərəstlərin yaşadığı dünyanın var olması kitabın içində qərq olmağa bərabər hislər yaşadır.
Kimdir bu xəyalpərəstlər?
Bu suala cavabı öz iç dünyası ilə həmahəng yaşayan və onun fərqində olan kəslər cavab verə bilər. Və əminəm ki, bu kitabda hər kəsdən bir parça var. Oxuyan bir oxucunun özündən bir hissə tapacağına, uzun-uzun düşünəcəyinə əminəm. Hətta mənə qalarsa, bu kitabı yaşam illərimizin 2 dövründə oxusaq, daha cazibədar bir fərq edişlə toqquşa bilərik.
Ahh, Nastyenka… Sevginin nə dənli bir hiss olduğunu yalnızca səndən öyrənmiş olsaydıq, o zaman xəyalpərəstə haqsızlıq etmiş olmazmıydıq?
Şiddətlə oxumanızı tövsiyə edəcəyim bir kitabdır.
Dostoyevski üçün sayğı duruşu.
ahh, Yusuf…
Bəzi kitablar vardır ki, onları anlatmağa və hislərini bölüşməyə hansı sözlərlə başlayacağını bilmirsən. Paylaşmaq istədiyin o qədər üzüntü, iztirab vardır ki, qərar tuta biləcəyin duyğuları tam seçə bilmirsən.
Həyatımda oxuduğum emosional kitabların ötəsinə keçən bir kitab idi. Yusuf’un uşaqlığından yana onun qismətinə yazılmış acınacaqlı həyatı və özünü təcrid etməyə çalışdığı dünyadan sevgi hissini bəxş etdiyi tək bir qadın - Muazzez.
Yusuf’un hiss etdiyi və onu tərənnüm edən duyğuları oxuyarkən empatiya duyğusunun ön plana çıxmaması, uzun-uzun düşünməmək mümkünsüz idi.
Həyatda heç bir yeri olduğunu düşünən və daima insanlardan qaçan birinin bir insana böyük qəlbli sevgi ilə bağlanması və onu sevməsi isə sadəcə möcüzəyə bərabər idi. Muazzez’in də qarşılıqlı hisləri bu sevgini daha müqəddəs qılırdı.
Amma qədər Yusuf’dan yana idi və həyat onun sevdiyini sonda əlindən aldı.
Kitabda haqsızlıq qarşısında susma, insanların təbəqə cəhətdən digər insanlar qarşısında haqsızlığa boyun əyməsi və cəhalət ilə yaşaması çox açıq vurğulanır.
Həmin dövr üçün yazılan bu roman indi də oxuyucularımızı dərin hüzünlə sarsıdır.
Yusuf kimi insanların həyatdakı mövqeyi və xəyalları isə sadəcə geri planda qalır.
Distopik janrın məhsulu olan bu kitab texnoloji manipulyasiyaya əsaslanaraq insanların həyatlarında xoşbəxtlik və rahatlıq sendromunu ən üst səviyyədə inkişaf etdirir.
İnsanlar normal həyatdan
Ümumi terminologiyaya əsaslanaraq əfqan tarixi ilə bağlı kitabların ithaf etdiyi hadisələr bu terminologiyanı artıq dünyanın tarixinə hopdurub desəm, yanılmaram.
Oxuduğunuz sadəcə bir kitab deyil. Burada xəyal qurmaq, onun aşıladığı emosiyaların ağuşunda itib batmaq qeyri-mümkündür. Kitabı oxuduqca sizə bəxş olunan hislər yalnız kədər, məyusluq və duyğusallıqdan ibarətdir.
Osne Seyerştad’ın Sultan xanın evində keçirdiyi günləri qələmə alması bizə-dünyaya əfqan tarixinin bəlalarının bir daha gün üzünə çıxmasından, həll olunmayan problemlərin üst-üstə qalaqlanmasından xəbər verir. Taliban rejiminin insanları İslam təriqəti altında birləşdirərək cəmiyyətə tətbiq etdiyi qaydalar isə sadəcə cəfəngiyyatdan ibarət idi.
Kitabda ən çox məyus olduğum hissə isə qadınların cəmiyyətdən burka vasitəsilə təcrid olunması idi. O burka ki, onun arxasında gizlənən gözlərin nə qədər xəyalları, arzuları var idi.
Leyla obrazı isə ən çox üzüldüyüm obrazlardan biri oldu. Həyatı ailəsinə qulluq etməklə keçən və sosial cəmiyyətdən təcrid olunan, həmin qadağanın zəncirləri qırıb atmağa çalışsa da, buna imkan verilməyən, xəyallarını daima içində boğan bir Qadın…
Dünyada belə bir şəraitdə yaşayan həmcinslərimlə eyni dünyanı paylaşmaq və əlimizdən bir şey gəlməməsi…Çarəsizlik…
Sultan xanın kitab dükanları isə Kabilin həyatına xüsusi bir rəng qatırdı.
Hər çevirdiyiniz səhifədə Əfqanıstanın, eləcə də Kabilin ya əvvəldən sizə məlum olan, ya da yeni görəcəyiniz bəlaları ilə qarşılaşacaqsız.
