Torpaq üzərindəki izin nədir, hətta bir parça kağıza cızma-qara elədiyin və kimə ünvanladığı bilinməyən quru sözün də qorunub saxlanmayacaqsa, sən gələcəyə necə müraciət edə bilərsən ?
...Parsons (Partiya "missis" sözünü o qədər də təqdir etmirdi, bütün qadınlara "yoldaş" demək tələb olunurdu, amma yenə də bəzi qadınlara özün də istəmədən "missis" deyirdin).
Əməlinin adı fikir cinayəti idi. Fikir cinayəti həmişə gizli qalması mümkün olan iş deyildi. Müəyyən dövr ərzində, hətta illər boyu başını salamat saxlaya bilərdin. Lakin əvvəl-axır onların əli mütləq sənə də çatacaqdı.
