Yazar:
Kölgə
Tahmini Okuma Süresi:
4 sa. 10 dk.
Sayfa Sayısı:
147
Basım Tarihi:
2025
Yayınevi:
RF Nəşriyyatı
Ülke:
Azerbaycan
Dil:
Azerbaycanca
Format:
Karton kapak
Sıralamalar
Reklam
Yorumlar ve İncelemeler
Ölənlə ölünmür,amma qalanla da yaşanmır...
Kitabı gənc yazarımız real həyat hekayəsi əsasında,məişət üslubunda qələmə alıb.Qısa zamanda oxuyub bitirdim.
Yaşadığımız müasir dövrdə illərdir dəyişilməyən "Camaat nə deyər?" düşüncəsi Sürəyya ilə atası arasında ömürlük küsülülük yaratdı.Mahirin tərs kişi olduğu qeyd edilsə də,tək tərs o deyildi.Qızı Sürəyyaya da o tərslikdən keçdiyini düşünürəm.
Zaman Sürəyyanın həyatında yaxşıya doğru dəyişikliklər yaratsa da bəzi məqamlarda tərsliyi xoşbəxtliyə çatmağını gecikdirirdi.
Dünya və Xədicə kimi övladının xoşbəxtliyini düşünən,başqalarının balasını öz övladı kimi sevib sahiblənən xanımlar cəmiyyətimizdə çox olsun.
Ölənlə ölünmür- təhlilEdebiyat
“Ölənlə ölünmür” — yarımçıq qalan bir etirafın, vaxtsız bitən bir sevginin hekayəsidir. Sürəyya ilə Ayaz bir-birini tapdıqları anda itirirlər. Sevgi dillənən kimi ölüm yol kəsir. Ayaz Sürəyya’nın qollarında can verir və o an qızın gəncliyi də, gülüşü də susur.
Bu romanda yas təkcə məzar başında tutulmur. Sürəyya sözlərin, baxışların, “el nə deyər”in altında əzilir. Sevdiyini itirən bir qızın ağlamasına belə icazə verilmir. Qaçır… kənddən yox, ədalətsiz hökmlərdən qaçır.
On il boyunca qəlbində bir məzar daşı daşıyır. Xəyanət etmir, unutmağa məcbur etmir özünü. Çünki bəzi sevgilər bitmir, sadəcə səssizləşir.
Sonda Sürəyya anlayır: ölənlə ölünmür. Sevilən insan xatirəyə çevrilir, həyat isə davam etmək istəyir. Ayaz qəlbində bir arzu kimi qalır, Vüqar isə səbrin və səssiz sevginin adı olur.
Bu roman oxucuya bir cümlə pıçıldayır:
bəzən buraxmaq unutmaq deyil, yaşamağa icazə verməkdir. 
Ölənlə Ölünmür
Ölənlə ÖlünmürSürəyyanın mübarizə ilə dolu həyat hekayəsi
Ölənlə Ölünmür
Bu, sadəcə bir həyat hekayəsi deyil — mübarizə ilə dolu həyat hekayəsidir. Bəzən susmaqla, bəzən dözməklə, bəzən də heç kimə demədən yola davam etməklə yazılmış bir həyat...
Sürəyyanın özünə qadağalar qoymasında özümü tapdım. Elə bil oxuduğum hekayə yox, illərlə içimdə daşıdığım bir hiss idi.
SPOİLER ola bilər
Ayazla olan münasibət çox saf və dərin idi. Qəzanın ardınca yaşananlar, kənd camaatının reaksiyası — o hissələri oxuduqca qəzəblənməmək mümkün deyil.
Vüqarın hisslərini gizlədib, sadəcə dəstək olması xoşuma gəldi. Yan-yana, gözləyə-gözləyə, heç nə demədən yanında olmaq hər adamın bacaracağı şey deyil.
Sürəyyanın kəndə qayıdışı, Azərlə aradakı incikliyi aydınlaşdırıb barışması — təqdirəlayiqdi.
Ayaza hər şeyi danışması və oradan razılıq alması çox dərin vurğulanıb. Oxuyanda deyirsən: “Yəni bu da mümkündür?..”
Sürəyyanın atasına olan incikliyi, qəzəbi başa düşülən və realdır. Qardaşı ilə münasibəti, qardaşının ona dəstək olması isə xoş təsir bağışladı.
Xədicə və Dünya obrazları müdrikliyi və məsləhətləri ilə oxucuya xoş hisslər bağışlayır. Onların sakit gücü və anlayışı hekayəyə dərinlik qatır.
Roman ailə-məişət və sevgi münasibətlərindən bəhs edir, amma onun gerçək həyatdan gəlməsi oxucuda ayrı bir təsir yaradır. Maraq doğurur, oxuduqca düşünürsən ki, ardı necə olacaq?
Sonda isə bir rahatlıq qalır içində: Sürəyyanın nəhayət öz yerini tapması, özü olmaqdan vaz keçməməsi — oxucuya da bir növ güc verir.
Həyatınızdan bir hissə tapacağınız hekayədir.Duygu ve Düşünce
Ölənlə Ölünmür
Bu, sadəcə bir həyat hekayəsi deyil — mübarizə ilə dolu həyat hekayəsidir. Bəzən susmaqla, bəzən dözməklə, bəzən də heç kimə demədən yola davam etməklə yazılmış bir həyat...
Sürəyyanın özünə qadağalar qoymasında özümü tapdım. Elə bil oxuduğum hekayə yox, illərlə içimdə daşıdığım bir hiss idi.
SPOİLER ola bilər
Ayazla olan münasibət çox saf və dərin idi. Qəzanın ardınca yaşananlar, kənd camaatının reaksiyası — o hissələri oxuduqca qəzəblənməmək mümkün deyil.
Vüqarın hisslərini gizlədib, sadəcə dəstək olması xoşuma gəldi. Yan-yana, gözləyə-gözləyə, heç nə demədən yanında olmaq hər adamın bacaracağı şey deyil.
Sürəyyanın kəndə qayıdışı, Azərlə aradakı incikliyi aydınlaşdırıb barışması — təqdirəlayiqdi.
Ayaza hər şeyi danışması və oradan razılıq alması çox dərin vurğulanıb. Oxuyanda deyirsən: “Yəni bu da mümkündür?..”
Sürəyyanın atasına olan incikliyi, qəzəbi başa düşülən və realdır. Qardaşı ilə münasibəti, qardaşının ona dəstək olması isə xoş təsir bağışladı.
Xədicə və Dünya obrazları müdrikliyi və məsləhətləri ilə oxucuya xoş hisslər bağışlayır. Onların sakit gücü və anlayışı hekayəyə dərinlik qatır.
Roman ailə-məişət və sevgi münasibətlərindən bəhs edir, amma onun gerçək həyatdan gəlməsi oxucuda ayrı bir təsir yaradır. Maraq doğurur, oxuduqca düşünürsən ki, ardı necə olacaq?
Sonda isə bir rahatlıq qalır içində: Sürəyyanın nəhayət öz yerini tapması, özü olmaqdan vaz keçməməsi — oxucuya da bir növ güc verir.
Həyatınızdan bir hissə tapacağınız hekayədir.
Bir kitab daha bitdi. Gözəl sonluqla bitməsinə baxmayaraq mən yenədə pis oluram.
Sevginin ən saf halını artıq sadəcə kitablardan oxuduğum üçün, sadəcə mahnılarda dinləyə bildiyim üçün üzülürəm. Birini ölümünə sevmək nədir kitab bu hisləri yaşamayan nirinə belə çox dərindən təsir edecəyinə əminəm. Oxuyacaq hər kəsə xoş mütaliələr... Ölənlə Ölünmür
Ölənlə Ölünmür“Kölgə – Ölmə ölümmür” kitabı1000Kitap
"Ölərlə ölümmür, amma qalanla da yaşanmır…" - bu cümlə kitabın əvvəlində oxucunu elə bir anda tutur ki, sanki səni öz yükünə, dərdinə, hekayəsinə ortaq edir. Kölgə xanımın bu əsəri, adından da göründüyü kimi, bir az qaranlığa, bir az susqunluğa, bir az da insanın içində gizlətdiyi “kölgə”yə işıq tutur...
Kitabı əldə etdikdən sonra ilk diqqətimi elə kitabın üz qabığı çəkdi: fonda daim bir qəribə sakitlik var: dəniz, gün batımı, tək qalan bir siluet… Bu görüntü təkcə üz qabığında deyil, sanki bütün kitab boyu hiss olunur. Müəllif təkliyi “romantikləşdirmir”, amma onu insanın ən sadiq yol yoldaşı kimi göstərir... Əsər boyu oxucu iç səsindən qaça bilmir. Bəzən elə olur ki, sanki müəllif heç kimin demədiyi, bir-birinə deməyə cəsarət etmədiyi sözləri yazıb.
Mövzular( spoiler vermədən izah etməyə çalışacam)
İtki və yoxluğun insanı necə dəyişməsi, yaşamaqla “sürünmək” arasındakı incə xətt... İnsanların içindəki "ölməyən" amma onu da ölməyə qoymayan ağrı. Unutmağın çətinliyi, xatırlamağın ağır faciəsi.
Kitabda hadisələrdən çox hisslər danışır. Bəzən elə oldu ki, bir abzasda o qədər sükut oldu ki, elə bil müəllif birgə xəfifcə nəfəs alıb, sonra davam edirsən.
Müəllifin üslubunu öz “cızmaqaralarıma” çox yaxın hiss etdim. Kölgənin xanımın yazı dili sadə, amma çox təsirli idi. Müəllifin metaforaları çox yerindədir: nə artıq, nə də göstərmək üçün yazılmış. Sadəcə hər dəfə kimin danışdığını xatırlatmağı oxucunu yorur bəzən..
Kitab oxucunu məncə ağlatmağa məcbur etmir, amma elə yerlərdə ürəyi sıxır ki, bilirsən: bu sənin acın olmasa da, tanış bir ağrı kimidir. Bəzən insanı öz itkilərinə qaytarır, bəzən həyatında özünə etiraf etmədiyin boşluqları görə bilirsən...
Bu kitabı oxuyandan sonra hiss edirsənki: Ölənlə ölünmür, amma bəzən elə anlar olur ki, yaşamaq da sadəcə vərdiş olur...
Ölənlə ölünmür, amma qalanla da yaşanmır"
"Ölənlə ölünmür, amma qalanla da yaşanmır" kitabı sevginin hər zaman daha güclü olduğunu və sonda qalib gəldiyini göstərir. Real həyat hekayəsindən götürülən bu əsər Kölgə xanımın təxəyyülü ilə zənginləşdirilərək oxucuya təsirli şəkildə təqdim olunur. Yaşanmış hadisələrin ruhu ilə yazılan roman məhəbbət və sevgi mövzulu kitabları sevənlər üçün xüsusilə tövsiyə olunur.
Kitabın ən çox sevdiyim cəhəti “İkinci dəfə sevmək olarmı?” sualı üzərində məni dərindən düşündürməsi oldu. Müəllif oxucuya insan yaşadığı müddətcə sevmək qabiliyyətini itirmədiyini, qəlbin hər zaman yenidən sevə biləcəyini hiss etdirir.
Kölgə xanıma sevgi mövzusunda bu qədər səmimi, duyğulu və dəyərli bir roman ərsəyə gətirdiyi üçün, çəkdiyi zəhmətə görə səmimi qəlbdən təşəkkür edirəm.
Kölgə
Kölgə
Kölgə – Ölənlə ölmür
“Bunu bil ki, heç bir qadın qəlbinizdə mühafizə etdiyiniz ölü ilə birgə yaşamaq istəməyəcəkdir.” – M. Balzak
Bu sözü Henriette Mortsauf Feliksə yazdığı məktubda deyir. Ümumiləşdirsək heç kəs ölmüş biri olan qəlbdə özünə yer tapmaz. Bunu bacaran tək insan bəlkə də Vüqar oldu. O da bunun üçün 10 ilini verdi. Risk aldı. Mən sürəyyanın acısını o qədər dərindən hiss etdim. İnsan sevdiyini itirəndə bir parçası qopur. Puzzle-ın kiçik bir hissəsi itir və o puzzle hər zaman yarım qalır. Başqaları olur. O görüntünü tamamlaya bilir. Amma o uyumu, o əsası heç zaman gerçək mənada tamamlaya bilməz.
Sürəyya çox fevri idi. Acısı təzə olsa da, hadisələri başqa tərəfdən dinləməyə heç cəht etmir. Əslində bunun sayəsində daha yaxşı bir həyatı oldu.
Yazar Hakkında
KölgəYazar · 0 kitap
Yazarın takma adı Kölge'dir. 1995 doğumludur.
Yazar, 13 yaşından beri şiir yazmaktadır. Yıllardır yazdığı şiir ve psikolojik düşüncelerini (denemeler şeklinde) QalamimdeSen adlı kitabında bir araya getirmiştir.
Şiirlerin çoğu aşk üzerinedir.
"Olenle Ölünmür" romanı gerçek hayattan esinlenerek natüralist bir üslupla yazılmıştır.
Roman, sevmeyi, kaybetmeyi, hayata yeniden tutunmayı ve yeniden sevebilmeyi yansıtır.
Herkese hitap edebilecek akıcı bir dille, günlük bir üslupla yazılmıştır.
